ضاهرة الضلام

part37والاخير

بعد مرور سنه و شهرين...

____________________

كاعده بالغرفه عالكين الصوبه ونحمص خبز عليها اني ومهيمن....

:-مهيمن

:-عيونه

:-هسا لو خيار مكبوس وحامض

:-هاي شنو بلكت حامل

:-والله هسا لو خيار بس اسكتتت مبيه حيل

:-باجر اجيبلج وهم اشتري غراض ال تغريد

:- وانييي

:-انتي بلوه كلبي وهيا غاليه كلبي

ابتسمت.... عود ليش بلوه كلبك اني

:-مع العلم ما عانينه علما اخذنه بعض بس هيج اسميج بلوه كلبي

خليت الخبز بحلكه...:-اسكت

:-يي خوش

بعد مرور هل مده اكيد الكل راح يسئل ميس وين تسنيم وين اهلج هم وينهم وشنو عندج بنت؟

ميس جاهدت ورا زواجنه اني ومهيمن حتى يصير للها وما صار رجعت لاهلها وهسا هيا متزوجه

اما تسنيم الله عوضها بواحد احسن من مصطفى يحبها وهسا مخطوبه

اما عن مصطفى رجع سكن يم اهله وكالو جاي يكمل دراسه

اما عن اهلي لهسا موجودين

نجي ال مهيمن شالع كلبي بسوالفه ويا تغريد وهيلين يعلمهم يتفلن على اصدقائه وهواي اشياءءء

اما عن رنا خليت مهيمن يوديني عليها متحولين من بيتهم ومعرف عنوانهم ولهسا ما وصلتني رساله منها اتمنى لو بس اعرف انو هيا بخير يكفيني

:-اما اني ومهيمن ونكول تغريد وهيلين هم

:-صار عدنا بنيه اسمها تغريد نار ما تنحمل وكحه ومهيمن طلع عينها هيلين كذَلك اجت نورت الدنيا مهيمن يحب البنات كلش تغريد
مثل اطباع مهيمن وتشبه امي من جانت صغيره اهلي متعلقين بيها بشكل مو طبيعي ولولو هم متعلقه بيها تضل تجي علينا تلاعبها وعلاقه امي وبيبي كلش قويه

:-ترانيم

:-همم

:-شو تعالي

:-وين

:-تعاي ؏ استقبال.... اجا غمض عيوني ويمشيني

فتت لل استقبال فتح عيوني كامو يصفكون شغلو الضو اهلي وتسنيم وبيبي ومهيمن وتغريد موجودين جايبين كيكه وترتيبات بسيطه تذكرت اليوم عيد ميلادي..... بوست امي وكصينا الكيكه وكصينا صور اكلنا كيك وكعدنا نتعلل.... جان مهيمن يدزلي رساله

-تعاي ؏ غرفتنا
طلعت فتحت الباب جان كاعد وبيده علبه

:-شكو

كام على حيله حضني اشتم شعري

:-ليش تضل تشتم شعري

:-ريحته ترد الروح

ابتعدت عنه...:-يي احجي شكو وشنو هاي علبه

:-هاي هديتج

اخذتها وفتحتها باوعت..... صورتنا اني ومهيمن بعرسنا ومخليلها اطار المميز بيها انو الاطار علي من الطوارف نجمات يعرفني زين احب النجمات والفراشات

:-شكرا يروحيي

:-حبيتيها

:-كلش

:-بس هاي مو هديتج الاصليه

:-لعد

رجع طلع علبه من الجكامج صغيره فتحها

... بيها اسواره

:-هذا ذهب؟

:-يي

:-هم شكرا بس تعرفني ما احب هيج هدايه

ما رد عليه فتح الاسواره سحب ايدي لبسني يا هوا الاسوار شكله نازك كلش

حضنته.... ندك الباب تسنيم جايبه تغريد انطتني ياها وكعدنا اني ومهيمن وتغريد هوا يلعب بيها وهيا تضحك شويه وجبت هيلين كعدنا يم الصوبه اباوع عليهم واضحك ...

~.~.~.~.~.~.~.~.~.~.~.~.~.~.~.~.

لهنا وينتهي البارت وانتهت هل روايه الحلوه مجان بيها معانات هواي وكلها على بعضها روايه بسيطه حلوه وانتهى مشوارنا ويا هل روايه كاتبه مبتدئه فا ما اعرف بالسرد كلش هواي ويمكن اكو اشياء

اشكركم على الوقت يلي قضينا مع بعض وعشنا الروايه بكل تفاصيلها واستمتعنه بالروايه لهنا وراح ننهي هل روايه ان شاء الله عجبتكم.. 🥹🤍

شكراً لكل شخص تفاعل وما قصر 😔💗

احبكم نفر نفر😔💗....

انطوني رائيكم بالروايه 🌚🔥...