ضاهرة الضلام

part 13

وقررت....

البسها جاي البسها امي صاحتني عسريع لبستها ونزلت ما بينا هواي ما طولنه وصلنه تسنيم فتحت الباب فتنا الشباب بالحديقه واحنا فتنا مهيمن جان يدخن نركيله كبل باوع عليه الكلاده ما مبينه من ورا الشال فتنا لل استقبال بوست النسوان ولمن بست بيبي كعدتني يمها

:-وجهج حار وليدي

:-يي بيبي عليه حر

:-رحتي للدكتور

:-لا

:-متروحين

:-كلت ورا ما ارجع من عدكم

:-خاف تنشمرين

:-خلي اكوم اجيبلج علاج انطيني ايدج علمود مكدر

:-دليني علي هسا اني اروح... ما كتلها لا لأن من صدك احس انتهيت من ورا الصخونه ورحت للثلاجه ادور وشفت علاكه بيها كومه علاجات سمعت الولد فاتو لل استقبال رحت وديت العلاكه للحجيه لأن معرف ياهو اخذ بس فتت اتجهت عيون مهيمن عليه كعدت يمها وهيا لبست نضاراتها

تسنيم:-شبيها بيبي

:-مريضه

بعد توتها كالت مريضه وصلتني رساله على الواتساب عرفت من مهيمن ما فتحتها انطتني علاج رحت للمطبخ اجيب مي لحكني مهيمن بعد توتو فات وراي جاي املي كلاص مي فاتت ميس

مهيمن:-اشربي وانطيني

ما حجيت شربت وانطيته ورحت لل استقبال فتحت الرساله داز شبيج

رديت:-مبيه شي صخونه خفيفه بس بيبي كالت اخذي علاج... وهيا جذب صخونه موتتني فاتت ميس بس مهيمن مكو تعشينا وجا هوا كعد ياكل اكلتلي شويه وكمت مليا نفس كمت اغسل رجعت

مهيمن دزلي رساله اطلعي للحديقه الورا البيت كمت رحتلها شفت مهيمن كاعد بل ديديه (مرجوحه) باوعت الحديقه عاديه

مهيمن:-تعاي كعدي يمي

كعدت يمه... مد ايده على كصتي

:-حرج نار

:-لا صخونه خفيفه

:-يا صخونه خفيفه ودوج اهلج؟

:-لا اني مقبلت

:-مخبله انتي

:-كتلهم عود من نرجع

سحب الشال عن حلكي ديشوف لابسه كلاده... ابتسم

:-خاف دايخه من الصخونه ولبستيها

:-ابتسمت.. لا بكامل قواي العقليه

:-اني كلت اكيد ما راح تلبسها لأن ساعه وكت معنفصه بوجهي

:-تريد نتكاون شنو؟

:-لا تعاي.... تكرب عليه وخله ايده على جتفي

:-احبج..... صوتو بي بحه استحيت ما حجيت شي