ضاهرة الضلام

part 26

تقدم عليه.... خله اصبعه على حلكي

:-اشش ما تعبتي

-وخرت اصبعه...:-تمام سكتت

:-يلا روحي نامي

:-تمام

-مشيت هوا ضل رحت تمددت وقتت التلفون ونمت

_______________

:-كعدت على صوت المنبه نزلت بيبي كاعده وميس ومهيمن كاعدين يتريكون

:-شنو اليوم مهمين ما يروح على شغله

بيبي:-اليوم جمعه

ضحكت على فهاوتي...

بيبي:-تعاي اكعدي اكلي

:-تمام اروح اكعد لولو

:-خليها نايمه خطيه

:-لا حتى تتريك

:-عود سوولها خليها نايمه

:-تمام....:-كعدت اكل

:-اهلج خبرو

:-شكالو شون امي

تلعثمت بيبي بالحجي حسيتها هلمره مو مثل كل مره تحجي عادي....:-مكو شي بس ابوج كال خلي مهيمن يوصلهم يضلون يمنه لأن ما ضل شي امهم تتعافى

:-صدك والله

:-يي عاد اليوم تحضرو حتى تروحون

:-تمام.... من الفرحه كمت من الاكل كعدت لولو غسلتلها وجهه وبدلتلها وكعدت تاكل طلعت اني احضر غراضنا حضرتهم كامل وبدلت ونزلت

مهيمن:-هاي هلكد تردين الروحه لاهلج

:-اشتاكيتلهم كلشش

-كملت لولو غسلتلها وتوكلنا ميس حسيتها فرحت لأن راح اروح دكعد من ورا ما قبل مهيمن كعدت من كدام ومشينا طريق حسيته طويل كلش مو مثل كل مره اشتاكيت لاهلي كلش وبنفس الوكت ال رنا

مهيمن:-مو هم تروحين تلتهين وما تخبرين مثل كل مره

:-خلي بس اصل

:-يي

-ضلينا تقريبا ساعتين بالطريق والجو بارد يعني تقريبا صرنا بالشتى

-وصلنا الفرحه ما سايعتني وكفنا يم فندق مو بيتنا ال قديم فتنا وابوي جان يم الباب ينتضرنه حضنته وابوس بي سلمت علي وفتنا جوا نمشي ورا ابوي وصلنا الغرفه فتت امي متمدده ومبينه تعبانه وجهه احمر مبينه مرتفع ضغطها رحت عليها ركض حضنتها ولولو هم جت يمي حضنتها احس ما شبعت منها مهيمن سلم عليها واترخص ما قبل يضل ابوي شكد راد منه ما قبل ابوي راح وصله ورجع