ضاهرة الضلام

part 27

بس هاي... تنهدت

:-تمام لا تحجين هسا ارتاحي

:-لا...... هاي مراسله مو ليا

:-لعد

:-صديقتي تذكريها مريم

:-يي اتذكرها

:-للها المراسله

:-هيا مو مطلكه شجابها على هاذ

:-هيا تحبه وهوا يكول احبها بس اني حذرتها منو

:-زين شجاب حسابها يمج

:-اخوها لزمها تحجي ويا وكلتلي خلي حساب يمج طمني عليه دائماً وهيا هسا مكو ما جاي تراسلني واني طمست

:-شون تقبلين بهل شي يما

:-انجبرت جانت تبجي كلبي انكسر عليها

:-بس هم غلطانه انتي

:-اعرف والله بس كافي انتي اعرف بيج من زمان تشكين بيه

:-لو اي احد بمكاني يشك من تصرفاتج

:-اسفه

:-مو وكت هذا الموضوع هسا بعدين.... خلي اكوم اصيح ابوي

:-جيبي لولو.... تعاي تعاي اني من البارحه انتبهت لرجلج بس ما كلت كدام ابوج شبيها

:-وكع كلاص عليها

:-سوده عليه

:-هسا اروح لا تكولين لابوي علمود رجلي

:-تمام

..... طلعت صحت ابوي واخذنا اذن من الدكتور وفتنا كعدنا يمها ضلينا تقريبا ساعه

ابوي:-انتو لازم ترجعون للبيت المستشفى بيها امراض هواي لا تتمرضون

:-لا احنا نضل

:-لا بنتي ولولو

:-هففف

:-اليوم اخبر مهيمن ارجعو واحنا بعد يومين نلحكم

:-تمام

.... ابوي خبر مهيمن والطريق طويل علما يصل طلعت اشتريت ال لولو وطعمتها وضليت كاعده انتضر يم امي وصل مهيمن بوستها واحس ما اريد اروح بس علمود لولو مجبوره مهيمن سلم على امي وطلعنا
..... جان مهيمن شبه ضايج ما حجى شي بنص الطريق كال

:-لا سلام عليكم لا شونك لا تراسلين تطمنيني عليج

:-تعرف امي والتهينا بيها ما كدرت الزم تلفون وشون اكلك شونك وانت رافع خشمك علينه

:-استغفر الله

:-شبيك

:-كلشي..... بعدين ال يلبس الشال يلبسه مثل الاوادم مو هيج

:-ما بيه حيل الف وارتب

:-البسي هاي جوا ملفع معرف شسمها ولا تلفين زين وترتبين عود

ابتسمت.... قصدك يازمه؟

:-مو مهم بس ما تلبسيها؟؟

:-ما عندي