صارت ليا عبره...
مكيجتني مكياج يشك شك فد معدله بشغلها كملت وسوت شعري بس شنو شعري كصير بس برملته ورجعت براجم (كذله) لي ورا
فتنا لغرفه صغيره داخل الصالون امي وتسنيم لبسني الفستان وعدلنه طلعت توجهت انضار النسوان كلها علي مكياجي نازك والتسريحه والفستان هم البنات هم تحضرو الدنيا عصر لأن احنا جينه الضهر
امي خبرت ابوي يجي ياخذنا وما طول اجا اخذني اني وتسنيم وماما ولولو
لولو ما تحضرت كلت اني احضرها بالبيت وصلنا ابوي لل بيت الناس شكثرها يم بيت بيبي ردت احضر لولو امي ما قبلت هيا حضرتها وكملت وهيا هم تحضرت تمكيجت سوته للها خفيف
كعدت وتسنيم راحت جابت ديجي من بيت بيبي وشغلو اغاني اخذت التلفون وكعدت اصور ما خليت ما كصيت كعدت وتسنيم خطيه ما خلت قصره صار دنيا مغرب ورا العشه بشويه كامن يجن نسوان استحريت واستقبالنا ما جبيره
بعدها كالو جو اهل العريس توترت كلش مع العلم مكو شي يوتر جنهه مشغلين ديجي بس جو همه جايبين ديجي صوته صاجعه غطه صوت الديجي ال يمنا تسنيم طفت الديجي ال يمنه وفاتو يهوسون شباب وبنات وبنصهم مهيمن مشغلين اغنيه جان صاحبها وخذاها
مهيمن بس فات باوع عليه يتقدمون وهما يهوسون وجايبين مصور علمود يسوون قرص...
مهيمن شون كاشخ كشخه اجا كعد يمي ريحته غطت ريحتي يمكن مخلي العطر كله على نفسه.... لزم ايدي وتقدم شاورني
:-مو هيج خفي علينا
اشرتله بمعنى شنو....
رجع شاورني..:-سحلتي كلبي شهل جمال
ابتسمت.... جابو الحلقات وشغلو اغنيه
اجت بيبي بوستني وبدينا نلبس حلقات
الرجفه ال بيدي توصف كلشي ايدي ترجف لا اراديا ومعرف ليش لبسنا الحلقات وكصينا الكيكه طعمني بس اني ما طعمته الا امي كالت فد فاهيه اني كعدنا شويه وشغلو دبجه حوشنا جبير كامو يدبجون
وراها شغلو اغنيه ريمكس اسمر والعيون اوساع وهما شباب وبنات اكثار كلش سوو دائره وكالو ركصو تكابلنا اني ومهيمن هنا نشالت كل المستحه مني لزم ايدي ثنينهن ونركص اغني ويا الاغنيه... كلبي يمه يمه كلبي شبي كلبي صغير اني وغلط عمري...
كتلنا نفسنا نركص ونغني ويا الاغنيه خلصت الاغنيه اتقرب حضني وباس راسي كامو شباب يصفكون وبنات يهلهلن
شغلو اغنيه عن الحب كلهم نسحبو الدنيا صارت تقريبا ليل.... لزم خصري واخذ ايدي نركص بهدوء بنص الاغنيه كامو يفوتون يلي متزوجين هم يركصون بس شنو بس شباب وبنات يعني الكبار كضوهه كعده كملت الاغنيه كعدنا شويه اني ومهيمن
امي جابت صينيه مال حنه ومرتبتها بيدها وجايبه شال احمر تول شغلو اغنيه تركيه خلو كراسي ثنين بنص الحوش والكل كعدت بس امي لازمه صينيه وتفتر حوالينه نزلن دموعي بس محد شاف لأن مخليه الشال وتول ميبين اجت امي شالت التوله عني عسريع مسحت دموعي لاحضت امي هم جاي تبجي
أنت تقرأ
ضاهرة الضلام
Chick-Litلا تحكُم على الأخرين بما لا تُحب أن يَحكموا بهِ عَليك، فما تَحكُم بهِ على الأخرين سوفَ يُحكم بهِ عليك : كما إن الطريقة التي تُعامل بهآ الأخرين سَيتم معاملتُك بِمثلهآ .
