ضاهرة الضلام

part29

كمت كبل على حيلي... وطلعت افتح الباب

تلكيت امي بس جانت تعبانه حضنتها وابوس بيها شكد خفت لا اخسرها

محمود:-ترا نغار شنو هل بوس احنا ماكو لنا

:-شون ماكو لكا

حضنته قوي سلمو عليهم وفتنا جوا جبتلهم مي واني طايره من الفرح علمود جو صبينا السفره وكعدنا نتغدا

امي اخذت خاشوكه دتاكل حيلها رجف وكع التمن من الخاشوكه كلنا باوعنا عليها....

ابوي اخذ منها الخاشوكه كام يوخر التمن ال وكع بحضنها نضفه واخذ هوا يطعم بيها ابتسمت بس بتعب ضل يطعمها وهوا ما قبل ياكل الا شبعت

كملنا وشلنا السفره رحت صبيت عصير وقدمتلهم من وصلت مهيمن انطي ابتسم بوجهي رديتله الابتسامه يمكن لو شويه جان جطيت حضنته من الفرحه ضلينا لل عصر والكل نجمعت عدنا شويه تغيرت نفسيه امي من جو ضحكت وياهم رحت لتسنيم

:-تسنيم شبيج مو على بعضج

:-مو هسا احجيلج

:-ليش مو هسا

:-خليها باليل

:-تمام

رحنا نعاون ميس بتحضير العشه مصطفى ما اجى الا لمن صبينا السفره جنا كاعدين ناكل وندك الباب طلع مهيمن وفات ويا مصطفى كاعدين ناكل ومصطفى بس يباوع ما اخذت راحتي بالاكل كمت غسلت وشربت مي خليت الجاي ؏ نار ورجعت علما البنات لمن السفره اني صبيت جاي وقدمته كاعدين الكل يشربون جاي اخذت تسنيم وطلعت لغرفه

:-يلا احجيلي انتي ابد ما شفتج نهار ضايجه هيج

:-مصطفى نهى العلاقه

:-شنوو

:-يي وبكل بروده دم

:-احجيلي من الاولل وشون

:-باعي جت فتره تغير عليه بشكل مو طبيعي وكتلج

:-يي كلتي

:-فا كلت عادي يجوز من صدك اشتاك لاهله وهسا وعى وكام يتأثر بانو هوا بعيد عن اهله وحتى اهلي لاحضو علي انو هوا تغير

:-ايي

:-فا وراها بيومين اجا وكلي احجي وياج بموضوع اني جنت كاعده بالغرفه كتله كول كال اني اريد انهي العلاقه كتله شجاي تحجي ومن هاي السوالف كلي اني جنت احبج بس احس حبج نزال من كلبي

باوعت هيا تسنيم تحجي وبعيونها الدمعه حجيت اني

:-لا تضلين مخنوكه ابجي

.... باوعت عليه بنضره حزن وبجت دموعها بس ينزلن مبينه متأثره وشي اكيد تتأثر حب طفولتها يعتبر

:-بعدين شكد حاولت ما ابجي كدامه ما كدرت وبجيت بااوع عليه وطلع بكل بروده دم جان من ابجي يتخبل يكلي كلشي سوي بس لا تبجين... معرف شنو سبب تغيره