ضاهرة الضلام

part 36

خوش هسا اكمل جكاره وانزلهن....

طلع مهيمن نزلهن وراح للسوك يشتري غراض للسياره ميس اختفت تقريبا نص ساعه ونزلت ما خليتها تشتغل اني كملت الشغل

وطلعت للغرفه شويه واجو اهلي لولو كبل جت عليه حضنتني ضلو ساعه هيج شي وراحو

مر اليوم عادي المغرب اجا مهيمن تعشينا وجنت اغسل مواعين اجت ميس كالت دحجي وياج بموضوع ورا ما تكملين انتضرج بالحديقه كملت غسل المواعين غسلت ايدي وطلعت للحديقه جانت كاعده كعدت يمها

:-شكو؟

ميس:-دحجي وياج بموضوع

:-اسمعج

:-اني ومهيمن على علاقه

كمت على حيلي.... كافي ميس ترا طوختيها وحق الله شبيج انتي عقلج بي شي ترا زين مني لحد هسا ما كاونتج

:-عندي دليل

:-ما اريد اشوف دليل ولا شي ومرت نوب احترمي نفسج من تجيبين طاري مهيمن بهيج مواضيع خوش

:-باعي والله عندي دليل هنا مراسلتنا

استغربت.... حجيت بتردد

:-وينها

انطتني تلفون كاتبه علي حبيبي اباوع للمحادثه يحجون وتكله زين شون وترانيم مو خطيه يرد يكللها لا ختولي.... رجفن ايدي اخذت مني تلفون ميس

:-شكتلج

مصدومه صدمه عمري ما رديت عليها... فتت للغرفه مهيمن متمدد بيها باوعت علي

:-شبيج حبيبي شكو

:-مكو شي

:-متأكده

:-يي

جاي نحجي فاتت ميس بدون ما تدك الباب...

:-ترانيم بعد دحجي وياج امشي... حجت بصوت ناصي

:-ما اريد

:-حبابه ترانيم

لزمت ايدي واخذتني مهيمن مستغرب...

طلعنا للحديقه مرت نوب.....

:-شوفي هوا كلي انو محد يدري بعلاقتنه وانتي اذا كتيلو هسا راح يضربني

:-يضربج؟

:-يي مرتين سواها وضربني ويكلي اذا حجيتي لترانيم ما تشوفين اهلج

:-وانتي شون باقيه ويا وهوا يسوي هيج

:-لأن احبو

:-ما تكولين قبل لا تزوجنا انتي ويا على علاقه

:-ما صار بيدي مجال

:-هسا المطلوب شنو ميس

:-اعرفي على حقيقته

:-بس اني اريد اكله

:-حبابه لا تكليله والله يضربني ترانيم حبابه ابوس ايدج