عاد اني انغث وياها...
بليل الكل دينام ودلونا على غرفنا البيت جبيررررر
كالعاده لولو تنام يمي الكل نايمه وهدوء نزلت اشرب مي واشرب لولو امشي ب لولو منتبها اباوع عليها ضربت بواحد ضخم كلت عمى رد صوت بي بحه
_بعينج
_رفعت راسي باوعت نفسه ال ولد مهيمن
حجيت: انتبه لطريقك من تمشي
_انتي انتبهي بطريقج مو اني
_اني منتبها بس انتا ملتهي بالتلفون
_ضالين للصبح اليوم ان شاء الله
_صبرني يربي محد ماسكك روح
بعد توتو مشا كلت بصوت شبه ناصي كبر حته كبر
رد عليه وهوا يمشي: ترا اسمعج وضحك وراح
_مشيت شربت مي واني اشرب لولو مي اكرك (ادردم) عليهم شنو هل شوفه نفس ما يتحاجون هل عائله هوا عدكم بيت جبير وبساتين هاي كلمن عندو بيت جبير يشوف نفسو
طلعت للغرفه بدلت وغفيت تعبانهه كلشش
كعدت على صوت ميس تكعد بيه
ميس: صباح الخير
_صباح النور
ميس: ابوج كال كعديهم
_تمام هسا نازلين
طلعت ميس نزلت غسلت وجه لولو وغسلت وجهي البيت هدوءء وطلعت للغرفه بدلت ملابسي وبدلت ملابس لولو ونزلنا فتت لل استقبال كاعد مهيمن والحجيه وامي وابوي وميس جت كعدت استغربت مستحيل بس ذوله عايشين بهل بيت ال جبير كعدنا ناكل الاكل اجبان والبان
الحجيه: اكلي دهن حر وليدي
_ميعجبني يعني بالمختصر ما اكلو لو اموت وابتسمت
الحجيه: دهن حر اليمنا مو مثل ال يمكم
_نجرب وجربته من صدك لاول مره حسيته طيب
_امم طيب
الحجيه: يي
وهاذ ال محبسو بكد راسي كاعد ياكل شكلو جوعانن كلش دكل على كيف باع لكمته شكبرها انتبهت لنفسي صافنه علي وامي تباوع علي عسريع نزلت راسي وابتسمت
شبعنا وعاونت ميس وراحت تغسل مواعين سألتها
_بس انتو ساكنين بالبيت
ميس: ايي
_يعني انتو ويلاد الحجيه
ضحكت وكالت لا احفادها
_اهلكم وين؟
ميس: اني هين اعاون الحجيه علمود معدهم احد
ومهيمن ميحتاج تعرفين
_وليش؟
ميس: ويا الوكت تعرفين
_كلشي تكولين ويا الوكت تعرفين بس اني مجاي اسئل عن سبب زعلهم
ميس: منكدر نحجي شي هين بدون معرفه الحجيه الا هيا تقبل نحجي خصوصيات البيت
_امم
ميس: يي وانتي متزوجه؟
_لاا
ميس: ول بنيه الصغيره
_اختي هاي
ميس: لعد شعجب ساعه وكت وياج
_اني ربيتها وتعلقت بيه
ميس: امم
_معرف ليش حسيتها تتضاهر بانو تحبني بس هيا ضايجه مني كملنا ورحنا كعدنا مهيمن طالع
ابوي: بنيتي حضري ملابسكم والغراض
:-تمام
الحجيه: يابه دضلوللكم اسبوع هيج
ابوي: لا والله منكدر وهم شغلي ومنكدر نعوف البيت
الحجيه: لعد تسوولكم جيه
ابوي: ان شاء الله
طلعت حضرت ملابس وغراضنا ونزلت امي هم متحضره شيلونا شنينه ودهن حر وبطوله مي
الحجيه: تصلون بالسلامه ان شاء الله
طلعنا والرجعه جانت خفيفه ما مثل ال روحه امي ساكته ومعرف شنو السبب وصلنا تعبانين نومت لولو وبديت اشتغل بالبيت ما تعبت هواي بشغلو لأن كبل لا رحت عزلتو بس شطفت البيت ورشيت الحديقه وعطرتو فتت سبحت ولبست تراك عريض واتعطرت هسا راحه نفسيه كعدت اقلب بل تلفون كلت اروح على رنا هاي صارلي مده ما رايحه كلت لابوي ورحت وطبعا حجيتلها الصار هيا تعرف انو متزاعلين مجنت اغبي اي شي عليها كعدنا مثل اي كعده صديقات قبل العشه رجعت لبيتنا جلبت بيا اضل مقبلت ورحت امي تسوي عشه
امي: بطه طلعي الخبز من المجمد(البراد)
_هم كالو بطه
امي: دنجبي يلا طلعي الخبز حتا يموع
_عجيبهه شو تسوين عشه
امي: مع الاسف عليج شنو يعني اني ما اشتغل
_لا مو قصدي هيج بس صارلج مده ما تشتغلين يعني مو ما تشتغلين بس صارلج مده وضحكت
امي: راح تنكتلين
_لا هسا رايحه طلعت الخبز وصبينا السفره وكعدنا ناكل
حجيت
بابا؟
ابوي _همم
_يعني هاذوه تصالحتو انتو وعمامي
ابوي: يي
امي: يي كبل نسى اذيتهم لنا
ابوي: ننسى الماضي كافي يحجي وهوا ياكل
_ايمت تحجون السبب وليش متزاعلين
ابوي: من يجي الوقت المناسب
_ترا هسا وقت مناسب واحنا كبرنا
ابوي: من يجي وقت المناسب
سكتنا وعم الهدوء كملنا عشه وجاي نشرب جاي ندك الباب طلعت افتح الباب طلع براء
براء: ممكن توخرين دفوت (اطب)
_يي فوت
ابوي: صبي جاي لابن خالج
_تمام صبيتله جاي وكعدنا نشرب جاي
براء: باجر ما تجون؟
ابوي: وين؟
براء: هاا لا هيج
ابوي: احجي وين
براء: الحجيه مسويه عزيمه للكل
ابوي: امم
امي: ما استغربت اذا ما عزمتنا
سكت براء وحسيتو خجل كمل شرب جاي وراح صارت دنيا ليا وكالعاده اتمدد بنص الحديقه وبدون فراش مكابله صفحه امي انستا دمعن عيوني معرف لمتى راح اضل ساكته احس نفسي جاي اسوي شي اغلط ومرات اكول لا ما غلط لفلفت نفسي احس براحه نفسيه على هوى جنت دائماً انتضر الربيع حتا اكعد بالحديقه جنت بالشتى العصر هيج اكعد بالحديقه نسيت اكوللكم عندي رصعه (غمازه) بحنجي
لولو هم عدها طالعين على ابوي هاا وابوي يشتغل محامي ساعه وكت يكتب ملتزم بشغله هواي ويحبه ومدللنا ما مخلي علينا قصرى شويه وطلعت لولو
حجيت: يا هلااا
جت ركض عليه كاعده من النوم تفرك بعيونها
_شكعدج يحضيي
بس شافتني احجي
بتسمت وكعدت بحضني مسحت دموعي شغلت اغنيه تركيه وبديت العبها انتعش عليها نوب من تضحكك تعبنا وهم علمود دنيا ليل شويه بارده فوتت لولو وكعدنا نشوف مسلسل هيا دائماً يمي تسكت كعدت اباوع مسلسل الازهار الحزينه بعد توتني مسلسل 9 وهيا تباوع وياي الا غفت طفيت التلفون ونمت اني هم نمنا نومه طويله كعدت ساعه ب 12 ضهر طلعت ابوي بالشغل امي تقلب بالتلفون
_شعجب ما كعدتونا
امي: ما انطاني كلبي وهم انتي كل يوم تكعدين من وكت تشتغلين ارتاحي شويه
_اني متعب بالشغل
امي: اول مره اشوف احد ما يتعب بالشغل مر اليوم عادي ايلا ما صارت دنيا ليل وجنت كاعده بالغرفه سمعت صياح امي وابوي والصدمه جانت....
بارت الجاي راح نعرف سبب كره امي لعمامي شويه شويه ابدى اطول بالبارتات 💞
أنت تقرأ
ضاهرة الضلام
ChickLitلا تحكُم على الأخرين بما لا تُحب أن يَحكموا بهِ عَليك، فما تَحكُم بهِ على الأخرين سوفَ يُحكم بهِ عليك : كما إن الطريقة التي تُعامل بهآ الأخرين سَيتم معاملتُك بِمثلهآ .
