ضاهرة الضلام

part 23

شويه ونفتح الباب....

-فات مهيمن

:-شون صارت رجلج... واجا كعد يمي

:-زينه

:-خوش

:-ما تعقميها

:-بعد مصار شي من جينا عقمها خليها باليل

:-خوش

:-خوشات

:-يلا لعد اني رايح

:-اوكف

:-شكو
:-زعلان مو

:-لا

:-مو جيت كعدت بالاستقبال وانت ما تقبل

:-حتى نسيت وانتي ذكرتيني

:-تعال اكعد

-ما حجى شي وكعد بكبالي وتربع مركز ديشوف شكول

:-اني مو شغله اسوي بقصدك بس احس من تسوي هيج معندك ثقه بيه او هيج شي

:-وين الثقه بالموضوع

:-خليني اكمل

-سكت وحجيت اني

:-هاي اول مره ليا احب وارتبط ومعرف بهيج وجنت كبل هناك ابن خالي يضل يباوع بس ما اهتم يعني هاي اشياء ما اهتملها ما عليه منه بعدين اني مكتفيه بيك حتى لو باوع شراح يستفاد اني ما مهتمتله ومستحيل اهتم

:-اني اضوج من نضراته الج ابد متعجبني بعدين هوا يحب ليش يباوع ميصير تعتبر خيانه

:-تعرف منو يحب

:-يي

:-منو

:-لا تغشمين بنفسج انتي هم تعرفين

:-اعرف بس غير اتأكد

:-تسنيم

:-امم

:-تسنيم بنيه حبابه ومبيها اي عيب واخلاقها ما نهار شفت عليها شي وهيا هم تحبو حرامات يضيع هيج بنيه من ايدو بس هوا اثول يباوع لهاي وهاي راح يخسرها

:-اتفق

:-هسا راح اروح انام تعبان

:-تمام.... طلع واتمددت احاول انام اني هم... وجع مو طبيعي تقريبا ربع ساعه يلا غفيت

______________________

كعدت بليل ساعه 10 تقريبا لولو مكو يمي كمت نزلت جوا بيبي وميس نايمات ثنينهم طلعت ل مهيمن فتحت الباب لكيت لولو...... كاعده يمه ومشغللها بالبلازما افلام كارتون وحلويات يمها وهوا وياها مندمجين ضحكت على منضره

:-هلاو

:-هلوات

:-ايمت اخذت لولو

:-جنا كاعدين ونزلت جوا واني خليتها يمي علما تكعدين

:-يي