والصدمه جانت...
امي: تريد تصالحهم وتنسا كلشي مو
ابوي: جاي اكلج ماضيي وراححح افتهمي
_كافييي تعبتونا ليش متحجون سبب ومغبين علينه لتكولون هاذا مو وكت المناسب لا وكت المناسب دائماً جنت اكول ما اكللكم سبب زعلكم بس كافي وصلت حدها هسا تكلولي شنو السبب
امي: تردين تعرفين السبب
_يي شي اكيد
امي: تتوقعين ليش اني ما جبت ويلاد بس انتي ولولو طبعاً لأن ام ابوج بوكتها مجانت رايدتني وسوت سحر و لمن حملت بيج تدعي وتكول ان شاء الله تموت عمامج جانو دائماً يكرهوني وما خوش معامله يعاملوني امي تعاملني هيج لأن عاندتهم وسويت المستحيل حتا اخذ ابوج طول عمري امي معاملتها ما زينه وياي لا هيا ولا اخواني لحد هيج وكلت كافي وتحولنا ولهسا ما انفك عني السحر طكيت كفي كل هليام محاجيتلج هسا عرفتي السبب
_صدمه عمري جانتت
امي: احجي شي وكولي
_شحجي وشكول 💔
ابوي: اني هم عندي اسباب انو اصالحهم ولهاذ السبب حتا معيشه هناك راح نعيش
امي: مستحيلل
ابوي: من ايمت كلامي ما يمشي بالبيت
_شدتحجي بابا وين نتحول
ابوي: هاذ كلامي ول يعجبكم سوو
امي: ما اخطي خطوه لو على موتي
ابوي: كلت كلامي وخلص هاذوه
طلع بره ابوي امي كعدت تبجي واني اهدي بيها اجتي لولو
امي: روحي يم لولو اني هسا كايمه
_يما كومي غسلي وجهج هسا ميصير شي ال لولو
امي: عوفيني ابجي ارتاح من ما ابجي يرتفع ضغطي
_طبعاً امي عدها ضغط وذبحه بس الذبحه قديمه
_على الاقل غسلي وجهج واشربي العلاج مالتج
امي: كلت عوفيني خليني ابجي ارتاح
طلعت وطلعت لولو وياي غسلتلها وجها ورحنا يم امي
كاعده تبجي لاول مره اشوفها هيج تبجي وجها صار احمر عرفت ضغطها ارتفع رحت جبت كلاص مي وعلاجها
_اشربي علاجج يما
_ما اريد عوفيني
_يما لا تعاندين ترا اضل الح
_الامر لله جيبي دشووو
من شربت علاج ارتاحيت شويه
_ضلت تقريبا ربع ساعه تبجي واني ابجي وياها بس بصوت ناصي لولو مستغربه مسحت دموعي وحجيت
_ما كفي كومي غسلي وجهج دحكي (باعي) هم لولو ميصير تبجين كدامها
_كايمه
_كامت غسلت وجهه وراحت على الغرفه
فتت للغرفه لكيتها متمدده
بستها وغطيتها وطلعت اخذت لولو وطلعت كعدت بالحديقه شويه وفات ابويه ما حجى شي فتت للبيت حتا خاف يتكاونون باوعت ابوي طلع فراشه وراح لل استقبال اخذت لولو وطلعنا لغرفتنا غفلت على النومه
غفيت واني مليانه تعب طبعاً كعدنا ثاني يوم محد يحجيييي البيت هدوء لدرجه تخوف كاعدين ناكل متعودين دائماً من ابوي يكعد على الشغل نكعد كلنا ناكل
ابوي: هليام اندور بيت يم عمامج
امي ساكته كمل ريوك ابوي وطلع
حجيت اني
_يما اعرفج تضوجين وهاذ الشي مو قليل يلي سوو بس هذوله اخوان ابويه ميكدر بدونهم هسا انتي مو خوالي يغثون بيج شوفي شون كلمره تحاجيهم ويحاجوج ولا كأنو صار هوا حارب اهلو والكل علمودج واحنا من رحنا جان واضح الحجيه متندمه ومن صدك يريدون يفتحون صفحه جديده ما اكلج افتحي صفحه جديده وياهم بس نروح نعيش مكو فرق بين هين (هنا) وهناك
امي: انتي متعرفين ابوج هيا يلكي بيت كريب عليهم كلش
_واذا ماضي وراح بعدين شي اكيد نكدر نفك السحر الا اكو طريقه انتي ما راجعتي فلهاذ السبب حاولي تفتحين صفحه جديده وياهم
امي: الله كريم
_حجيت هل حجي حتا لتصير مشاكل ولا اني اتفق ويا امي لأن ماذينها كلش مر اليوم عادي وبليل جا براء واهله يتعللون عدنا شعجب مو من عوايدهم يجون تعللو عدهم اني ما ليا خلكهم كعدو امي وابوي ولولو يمهم اني طلعت للغرفه واساسا من فاتو جنت ضايجه سلمت عليهم وطلعت فجأه ندك الباب وفات براء
_ترا مكلت فوت
براء: اهوو رسميات؟
_باوعت لل تلفون اقلب وحجيت يي نعم
براء: امج تكول سوي جاي
_اهوو تعبانههه يربيي
براء: دكومي وجه الخبله باع شون وجها
_ شو هاذ ضحك
_ضحكنا وياك
براء: شي ما يخصج
_امم
براء: لمتى راح نضل ننتضر تفرج وتسوين جاي
_ شي ما يخصك هسا ممكن تروح اني طالعه وراك
_ يي خوش
_شكد غثيث هم لو عنده شخصيه نوب يسمع كلام امههه حتا لو تكون غلطانه اكثر شي اكرهه وخواته ارجل منه طلعت سويت جاي نوبببب بس يشربون جاي كملت التعليله وراحو واخيراا فد مصلحجيه كلهمم مر اسبوع عادي والحجيه خبرت ابوي كلتله دنذبح ضحيه والكل تجمع وهم نوزع ضحايا تعالو بعد باجر حسيت امي شويه احسن من قبل حبيت الاجواء هناك ومتلهفه للروحه الثانيه كلو علمود البساتين كلت اخيطلي كم فستان نازكات احسن من ما اشتري ام رنا خياطه يمنها يويلييي هاي شكد صارلي مرايحه عليها اخذت امي واشتريت اقمشه ورجعنا هيا رجعت للبيت واني رحت ل رنا
رنا: يا هلا بالما يسئل
_ولج صارت كومه ضروففففف اكعدي وهسا احجيلج
رنا: الله يستر
_حجيتلها الصار ونصدمت حالها حالي وبنفس الوكت نقهرت
رنا: يعني جيتي علمود الفساتين مو علمودي
_علما انتي تجين وتمرينا
رنا: لازم ما تعرفين اخواني وابوي يلا كومي على امي كبل لا تنام تشرحيلها الشي التردي وتاخذ قياساتج
_تمام رحت واخذت قياساتي وكتلها لازم باجر باليل علمود عدنه طلعه فد نفسيتها حلوه امها لرنا وتحبني كلش مع العلم هيا تاركه الخياطه من زمان بس ابد ما ترفضلي طلب اختاريتهم بسيطات كلش ثلث فساتين هم حتا ما يتعبوها وهم بسرعه يخلصون رجعت للبيت حسيت امي ضايجه
امي: فرحانه لانو راح تروحين
_مو فرحانه لأن راح اشوفهم بس هناك اجواء طيبه
امي: راح تشبعين من هاي الاجواء بعد اسبوع اسبوعين
_يما شحجينا
امي: محجيت شي وبلعكس اني افرح من اشوفجن فرحانات
_فدوه الكلبج شو نطيني بوسه
_شو دوخري تعرفين اضوج من احد يبوسني
_يلا عينييي وخرت شنو رأيج تصالحون انتي والحجي
_ميصالح هوا اني شكو
_هم صحيح فات ابويه
حجيت وكلت سبحان الله توتنا جنا بطاريك
ابوي: شحجيتو
_جاي اكول لامي صالحي ابوي
باوعت امي شون انطتني نضرههه
ابوي: وشكالت؟
_تكول ميصالح اني شكو
ابوي: هم صحيح شو تعاي خلي نبوسها ثنينا
_لااا ياب ميعجبها
ابوي: شوننن هسا ابوسها شوفي متضوج باسها من خدها
ابتسمت امي
_انتا هم تسوي بل قصد
ابوي: ها تضوجين من بوستي
امي: لا مو هيج قصدي
_اني اروح كبل لا انكتل وياك بابا ضحكت وركضت حسيت راحه نفسيه من تصالحو جا ثاني يوم ومر عادي بليل رحت اخذت الفساتين مكمله ثنين واحد ما مكملتو كلت عادي بس شون ضابطتهن مثل ما اريدهن رحت نمت وكعدت ؏ صوت المنبه حضرت غراض كامل وتريكنا ومشينا.....
البارت الجاي حماسس 💞.
أنت تقرأ
ضاهرة الضلام
Чиклитلا تحكُم على الأخرين بما لا تُحب أن يَحكموا بهِ عَليك، فما تَحكُم بهِ على الأخرين سوفَ يُحكم بهِ عليك : كما إن الطريقة التي تُعامل بهآ الأخرين سَيتم معاملتُك بِمثلهآ .
