ضاهرة الضلام

part 7

اتكرب علي...

:-تكربت علي مهيمنن

مهيمن: هممم

:-الحجيه كالت كعدي مهيمن يشتري ريوك

مهمين: امم
:-صيحت هيوووووو اكعد عاد

مهيمن: ووجعت الله صوتججججج
:-راح انزل واكوللها يكول ما اكوم
مهيمن: وخري عن وجهي
:_عاد اني ميته بس اريد اتكرب عليك شو دكوم وربي هاي اخر مره اكعدك بيها وبعدين اجيب كلاص مي وتعرف شيصير

مهيمن:-شهل ميانه
:-اني كلت وراح اعد 123وربي الا اجيب كلاص مي
مهيمن بصياح... :-كعدتتتتتت
_: اذاني يمعودد
مهيمن: اردها الج كمت اهااا كمتتت
ابتسمت...:-يي يلا
مهيمن: شو تضحكين
_: هاا مكو شي يلا كوم اول شي انتا انزل حتا اكون متأكده كمت
.... مشا كدامي ونزلنا على عيونه النوم وكفشه شكبرهه بس شنو بعيدا عن الموضوع اول من كعد صوته بي بحهه يجنن نزل جوا وهوا يفرك بعيونه

مهيمن: ها يما

:-يابه روح اشتريلنا ريوك وشوف ترانيم واختها ما متريكين

مهيمن: يي هسا وراح يغسل

الحجيه: بويه روحي وديله خاولي

:-تمام رحت اوديله الخاولي وهوا يغسل محجه شي انطيته الخاولي وراح يشتري ريوك واهلي رجعو كالو ما لكينا بيت وبعدها فات مهيمن بايدينه العلاليك ولابس برموده وتيشرت ابيض

مهيمن: عمو اكو بيت هين كريب ديطلعون

ابوي:-وين

مهيمن:-يفصل بينا وبينهم بيت واحد والله هم خوش بيت
ابوي:-تمام لعد العصر نروح نشوفه

... امي بدت تحجي ويا الحجيه وتبتسم مدري شعجب بدن يحجن ارتاحيت كلش لأن حجو

..... صار العصر وابوي كال تعالو نشوفه البيت ومهيمن اجا يدلينا ؏ بيت وطبعا اخذنا اذن من اهل البيت وفتنا بس شنو من بيتتتت اول شي لفت انتباهي الحديقه بيها مرتبههه وبيها ورد احمر وابيض وبيها شجره رمان صغيره البيت جان جماله مينوصف ومرتب اهلي هم عجبهم واتفقو ويا ابو البيت بس مقبل يبيع كال ايجار وسئله ابوي ايمته تطلعون وكال بعد 3 ايام هوا البيت مثل مكال مهيمن يفصل بين بيت الحجيه وال بيت الراح نأجره بيت واحد

.. رجعنا ميس راجعه طبعاً ميس نادره ومعدله سمارها كلش حلو وملامحها كلش حلوه تغدو وشلنا الاكل اني وميس غسلنا المواعين مر اليوم عادي لل ليل الكل نايمه ينامون من وكت نومت لولو وطلعت للحديقه كاعده وكالعاده اغنيه طفاج القدر وبدون فراش اجوائهم تجنن مهيمن ميروح من بالي عندي فضول اعرف اهله وين شيشتغل شنو اطباعه فجأه احد كعد يمي جفلني (خوفني)

مهيمن:-هاي مشغلتها اغنيتج مفضله؟

:-امم

مهيمن:-ليش كاعده بدون فراش ترا حتا لو حديقه هم بارده