" ما راجعتا البارت
امكن يكون في غلطات أملائية .."
" جزء من القصة مفقود .."
لونار كانت قاعده الليل كلو بتحاول تفهم جمال عايز يصل ل شنو
أثناء ما بتفتش في حاجه مهمه تخص عزام
لقت انو قبل كم شهر كان ناشر مقال
و بدافع فيهُ عن واحد كان متهم بأغتصاب وحده
و بعد قرت المقال عرفت انو المتهم هو الأبو و اغتصب بتو
كانت قاعده تقرى و أتذكرت كلام ماهر قبيل
" ماهر:في خبر جديد ما عايزنو يطلع في القناه
لونار:عن شنو؟
ماهر:واحد أغتصب بتو"
لونار ضربت ل ماهر مكالمتين ما رده
في الثالثه رده عليها و كان صوتو صوت زول نايم
ماهر:ها يا لونار
لونار:قبيل كنت ماشي القناه عشان موضوع الابو ال اغتصب بتو صح؟
ماهر:ايوا ليه؟
لونار:اسمو شنو المتهم؟
ماهر:أسمو صابر و البت أسمها ملك
لونار سكتت مسافه و هيا بتقرى في الأسماء و كانت نفسها ال بقول فيها ماهر
ماهر:لونار في شنو؟
لونار:عزام قبل يتوفى كان ناشر مقال عنهم
ماهر:اي بعد مشيت القناه عرفتا انو كان قال انو الأبو برئ و انها ماره بفترة مراهقة و كذبت عشان بس تنتقم من ابوها لانو صعب معاها
لونار:اها
ماهر:بس بعد سجنو صابر و أتأكدو من التهمه عزام كان موافق انو يطلع خبر انو الموضوع ما كان كذب
لونار:يعني هو بغير رأيو حسب قرار المحكمه
ماهر:صابر كان زول عندو قروش و حسب ال بقولو حسي انو اصلا دفع ل عزام عشان يحاول يقلب الرأي العام لصالحو و بكده يقدر يأثر على كمية من الناس و يكون في أمل انو يطلع برئ
لونار:عشان كده كتب المقال، بعد أخذ القروش و ضمن نفسو غير رأيو و قرر يقيف مع الرأي العام عشان ما تحصل حملة ضدو
ماهر:بس ده كلو كلام.. ماف شى اكيد لمن حسي
لونار:تمام.. بتكلم معاك بكره
ماهر:في حاجه طيب؟ بتسألي ليه؟
لونار:بكره بحكي ليك
ماهر:طيب يلا..
لونار قفلت الخط و كانت بتتذكر في كلام جمال
" جمال:لو كل الناس قوية زيك و عايزه الحقيقه كان ممكن اخليهو.. بس ليه نخلى ناس تكذب و تحب القروش بس.. الحياة ما مستاهله "
