لونار

8

‏"الشيء الأكثر وضوحًا في الحياة هو أن الشخص الصادق يخسر دائمًا في صراع الكلمات لأنه مُقيّد بالحقيقة، بينما الشخص الكاذب يمكنه أن يقول أي شيء."

...

لونار:ماهر.. مستحيل

جمال:تتذكري لمن سألتيني من بتي و من ولدي

لونار:اها؟

جمال:ما ضروري يكون المكتوب كلو صح.. امكن عندي اولاد.. غير الأتوفو.. هه، كلها لحظات و ابوك حا يصل السودان عشان يطلعك.. وقتها حا تبدء اللعبه

لونار:انت عايز شنو؟ ابوي عمل ليك شنو

جمال:نفس ال عملو ل عمار..

جمال عاين لناحية المراية

و أشر بيدو للواقفين وراها

جمال:انا عارف انكم قاعدين هِنا، ال قلتو حسي مستحيل يكون ضدي لاني م أعترفتا ب حاجه..

جمال عاين ل لونار تاني

جمال:عشتا حياتي كلها في المجال ده، بعرف اكذب و بعرف اقول الحقيقه من غير زول يعرف يعمل لي حاجه.. ده كان انتصاري.. انى عُمري ما كنت مقيد بكلام.. انا بقول أى حاجه، الشر أحياناً أسهل من الخير

لونار سكتت و ما ردت

في الغرفه الثانيه كانو سامعين كل شى

عبد الرحمن:قاعد يتكلم بصيغة اللغز

الياس:يعني هو ال سبب في كل حاجه حصلت ل لونار

يحيى:خلينا نمسكو و نعذبو او نعمل اى حاجه لمن يعترف

عبد الرحمن:انتو تعملو كده لمن تلقو دليل او طرف خيط يثبت انو هو السبب في كل حاجه.. ما لمن يقول كلام م مفهوم.. في شنو؟؟ اثبتو و اعرفو لازم تشتغلو كيف.. انتو ما شفع و لا مبتدئين

الياس:يعني لونار تفضل في السجن و احنا عارفين انو ما ليها ذنب؟؟

عبد الرحمن:ايوا.. الحاجه الوحيده ال قالها جمال و كانت صح هيا اننا مقيدين بالكذب او الصدق ال بتقال، لونار اختارت طرف غلط و كذبت و حالياً بتتحاسب على الكذب ده.. كل الأدله ضدها.. كلامو ما ح يفرق في شى لو ماف دليل يثبت انها بريئة

يحيى:و لو ما ظهر دليل يثبت انها بريئه؟

عبد الرحمن:انت مفتكر كل ال في السجن ديل ظالمين.. نص السجون مليانه ناس بريئه.. بس يا حظهم كان سئ يا هما اتعمدو يكونو سيئين في الوقت ال غلط.. يا حسي تعرفو تثبتو انو لونار بريئه.. يا هيا كمان حا تعيش زيهم..

الياس و يحيى سكتو

كانو بعاينو جوا

و لونار كانت ساكته

ما نطقت و لا حرف

عبد الرحمن طلع من و قال للشباب اخذو جمال السجن