" لا إقتباس
يصف شعور أن تخان
.."
يحيى كان واضح في وشو انو مستغرب شديد
كان قدامو شخصيه تانيه
شخصيه ما تشبه شخصية اخوهو
ال عاش عُمرو كلو و أتربى معاهو
أنك تشوف قدامك إنسان مُختلف
إنسان أقل ما يقال عنو وحش
و انت في الحقيقه كنت شايفو ملاك
هِنا تكون الخيانة
خيانة أنك صدقتا شعورك انك مع قريب
و هو في الحقيقه كان بعيد
نادر:كلو بسببك.. انا عشتا حياتي كلها عايز أثبت أنى أحسن منك.. بس ليه ؟؟انت احسن مني في شنو؟ كُنا كل يوم بنصحه و بنلقا انك جمبه امي.. هيا بتديك الشاي و بتعمل ليك دايما الفطاير ال انت بتحبها..بس إحنا لا.. كُنا بس بنشوف الحُب ده و هو بتقدم ليك..
أحياناً كنت بفكر لو هما ما قادرين يواسو بين أولادهم و لو ما قادرين يحبو كل واحد فيهم بنفس المقدار
ليه يجيبو اكتر من واحد طيب؟ ليه يكونو قاصدين انهم يكبرو عيال مريضين نفسياً..
يحيى:كلنا أتحبينا بنفس المقدار يا نادر
نادر:لا.. أبداً.. ما تكذب.. انا اصلا عشان كده قتلتو ،هو كان شايف انك ح تنقذو دايما و انك اقرب زول ليهو و انك ح تنجح.. هه.. بس ما حصل
يحيى فجأه ملامح وشو بدت تتغير
يحيى:قتلتا منو؟
نادر:أبونا
يحيى قام من مكانو و مسك نادر و بدء يضرب فيهُ
وقعو الأتنين في الأرض
يحيى كان بضربو بوحشية
و نادر كان بضحك
لونار قامت و حاولت تمسك يحيى
و في النهايه يحيى قعد جمبه الكنبه و بدء يبكى
كان بتذكر منظر ابوهو
يحيى:انت مجنون.. انت م طبيعي
نادر قام من مكانو و مسح ال دم ال كان في وشو
نادر:اممم.. انا م طبيعي؟ انا م طبيعي؟؟
أنا طبيعي اكتر منكم
لونار:روقو
نادر:خلينا نقتلو.. خلينا نتخارج منو
لونار:لا.. خلينا اول نستنى زول تاني
نادر:منو؟
لونار:انا كمان عايزه اقتل ابوي زيك.. خلينا نضرب ليهو عشان يجى
نادر قعد يضحك
يحيى عاين ل لونار بإستغراب
يحيى:عايزه تعملي شنو؟
