- هذا العالم الضخم لا يكفي لأن نخبىء في جوفه شيئاً ما نُحبه .
...
كل وسائل التواصل، كل القنوات الإخبارية
خبر هروب لونار من المُستشفى
في جزء بشتم في الأمن
و جزء شايل هم
قاتلة زيها مسموح ليها حالياً تزيد عدد عمليات القتل عندها؟..
عبد الرحمن كان جايط و الياس و محمد مستغربين
كيف لونار قدرت تهرب
أتوصلو في النهاية انو في زول ساعدها
نسبة لأنو مقاطع الفيديو في الكاميرات
في كل أجزاء المُستشفى كانت ممسوحه
كان في حلقة كبيرة مفقوده
يومين من التحقيق المُستمر مع كل الناس ال قريبين من لونار
أحمد و ساره قدرو يثبت ُ انهم كانو في مكان تاني وقت هروبها
و حجة غيابهم كانت قوية
عدنان بده يصحه
و كان كل البزورو ناس مهمين شديد
بس ما قال انو لونار ال طعنتو
و أنو اتعرض للحادث ده من واحد من المساجين جوا
لمن عرف بهرب لونار خاف شديد
و بده يشوف شخصية لونار الحقيقيه
كان متوقع انها تخاف لمن تشوفو
و انها ما ح تقدر تعمل ليهُ حاجه
بس حصل العكس تماماً
كان لازم يشوف حل جذري للموضوع
لونار لو اتكلمت في حادثه زمان و انو قتل عمار
كل العملو في الحياة ح يضيع ساي
الياس كان بحاول يلقا لونار قبل الباقين
كان مقتنع بفكرة انو حا يساعدها المره دي
و مساعدتو حا تكون بأنو يحقق ليها الإنتقام من عدنان
و انها تقدر تهرب من البلد بأمان
يحيى كان قاعد في المكتب و بشوف في كل الجوطه دي
كان مركز مع كل واحد فيهم
بس محمد و الياس
كانو اكثر اتنين موضع شك
#فلاش_باك :
ساره:ح تهربها ليه؟
يحيى:ح نعمل فخ صغير ل عدنان و جمال.. باقي التفاصيل ح اخليها سر
أحمد:وين طيب حا تمشي بعد تطلع من هِنا؟
يحيى:عندنا بيت قديم حق العيله ماف زول قاعد يمشى ليهُ.. حا نستخدمو و مستحيل زول يعرف
