لونار

12

" حاولو أتخيلو الأحداث عشان ما ازعل😭"

#لونار_12

#قبل_الأخيره

‏تقول غادة السمان:"لم أكن أريد أن أحلم بالأشرعة التي تسافر، كنت أريد أن أكون السفر..

لم أكن أريد أن أحلم بالأجنحة، أردت أن أكون التحليق، ولو بين الصواعق والعواصف..

كنت أريد أن أحيا، لا أن أعيش وأنا أحلم بالحياة "

لونار كانت قاعده مع نادر و بتعاين لييهُ بإستغراب

و نادر كان بشرب في مويه

بعدها عاين ليها

نادر:انتى حلوه شديد

لونار:عملتا شنو ل ابوك انت؟

نادر:امم طيب حا احكى ليكِ

#فلاش_باك :

يحيى جا داخل البيت و كان جايط

سليمان:انت عايز تموت؟ عايز تموت وريني؟

يحيى:اموت ليه يا ابوي؟ عشان قاعد احاول امسك ال حيوان داك

سليمان:بتعرض نفسك للخطر ليه؟ حياتك م مهمه!!

يحيى:اي م مهمه.. شنو ال فيها مهم ؟؟ حياتنا ال منها فايده؟ ياسر اخوي ال كل يوم بنحاول معاهو عشان يبطل مخدرات و لا نادر ال اصلا عايش في عالم براهو.. ديل حياتهم كده كويسه؟ م عندهم هدف اصلاً في الحياه.. مروان مات.. الوحيد ال كان جمبي و الوحيد ال كان ممكن اقول عنو اخوي اكتر من اخواني ديل لكن لا.. انت عايزني اقعد في البيت و الحيوان ال قتلو حايم و عايش حياتو عادى كأنو ما عمل حاجه

سليمان:الإنسان ما بصل للمكان ال عايزو بالطريقه دي.. بطل تكون عصبي و حاول تمسك نفسك و تفكر بمنطق

يحيى:المنطق ال حسي قاعد يخليني عاجز؟ المنطق ال بخليني افكر بالقانون اول؟ وين كان القانون لمن الناس بتموت؟ كان مافي

سليمان كان واضح التعب في وشو

قعد في الكنبه و كان حاسس انو راسو واجعو

سليمان:اطلع بره.. أمشى اعمل العايزو

يحيى عاين ليهُ مسافه و بعدها طلع من غير يرد عليهُ

كان حاسس نفسو زهجان و مخنوق شديد

سليمان وقف على حيلو و مشا جاب مويه و شرب منها

أثناء ما هو قاعد جا داخل نادر البيت

سليمان:نادر؟؟

نادر:جيت اخذ حاجه و طالع

نادر دخل المطبخ و كان بفتش في صابون سائل

سليمان دخل وراهو و كان في بقع دم في جزمتو

سليمان وشو أتغير

سليمان:ده شنو الدم ده؟؟ كنت وين انت؟

نادر ما كان برد