" ممنوع زول يقول لي قصير
ممنوع زول يقول لي قصير
مسموح بس بالتعليقات الجميلة
و الحماس.."
"ليس حقيقيًا أن الإنسان يمضي دون اكتراث، إننا دائمًا ما نكترث، نَحِنّ، وتستوقفنا المشاعر طوال مسيرنا فالطريق، لكنها طريقتك، في أن تقبِض على هذا القلب، أو تدعهُ ينجرف"
...
الياس:وريني الرساله ال رسلتيها ل ماهر
لونار فتحت التلفون و دخلت الرسايل
بس للأسف
ما كان في شى
و الرسالة في زول قدر يمسحه
لونار كانت بتعاين ل الياس بخلعه
لونار:ماف..
الياس:لونار.. ماهر قال ما وصلو شى
لونار:و الله رسلتا ليهُ.. حتى قبلها ضربتا ل أحمد صحبي لمن ما رده رسلتا ل ماهر.. كنت عايزه ارسل ل زول بثق فيهُ عشان لو حصل شى يكون هو أول واحد عارف انا وين و يجى يساعدني.. انا و الله رسلتا ليهُ
يحيى دخل غرفه التحقيق و كان في كرسي جمبه الياس
قعد فيهُ
يحيى:قبل تمشي مكان الجريمه مشيتي وين
لونار:كان عندي حاجات مفروض اعملا
يحيى:و الحاجات دي شنو؟
لونار:ده علاقتو شنو؟
يحيى:اممم.. علاقتو شنو!!
لونار:ايوا علاقتو شنو.. احنا في صالح يعني شنو حا تستفيد لو عرفتا انا كنت وين قبلها؟
يحيى:في حالة كان انتى مشتبه فيهُ في جريمه صالح بس وقتها كلامك صح.. بس انتى مُشتبه بيهُ في جريمه ثلاثه أشخاص.. صالح و حيدر و مزمل.. اتمنى تكوني ملاحظه للموقف ال انتى فيهُ
لونار غمضت عيونها و حاولت تهدى
لونار:انا م قتلتهم.. انا اصلا ما عندي سبب أقتلهم.. هما اصلا مستحيل يكونو ماتو..
يحيى:ما عندك سبب؟ صالح كان الحارس ال بحرس بيتكم زمان.. و بسبب اهمالو دخل الحرامي بيتكم في يوم وفاة اخوكِ عمار، حيدر ولد الصحفي ال كان اتكلم عن موت عمار و قال وقتها انو إهمال من الأهل و انو ح يقدر يحافظ على ولدو بصورة أمنة أكثر، اما مزمل كان جاركم و قال انو شاف خالد و هو بدخل البيت بس ما قدر يقول حاجه لانو كان في فترة حداد على زوجتو و اكتفى بأنو يدخل بيتو من غير يركز على اساس انو اكيد في النهايه عدنان ح يعرف يتصرف مع حرامي صغير زى خالد
لونار و هيا بتسمع الكلام ده
ما كانت قادره تستوعب حاجه
لونار:هه.. هه
