" ما راجعتا البارت
امكن في غلطات إملائية
يومين و الرواية تخلص
ورونى توقعاتكم.."
رغبة المرء الأولى
هي أن يجد ما ينسيه عناء الطريق.
-
...
يحيى اول ما سمع بالحصل هو و الياس اتحركو على المُستشفى
كانت الدنيا كلها مقلوبه
عدنان دخل عمليه و لونار كمان
يحيى لمن عرف انو ما ح يستفيد شى و هو بنتظر في المستشفى
اتحرك و مشا على القسم
كان معاهو ال مفتاح ال كان مع عدنان
دخل الغرفه و لقا التسجيل لسه مستمر
فتحو من البداية
سمع كلام جمال و عدنان و بعدها عدنان و لونار
عاد الفيديو اكثر من مره
طلع الذاكره ال فيها التسجيلات
و طلع من المكتب
...
#في_المُستشفى :
بعد وقت طويل
انتهت عملية لونار، طلع الدكتور
لقا الياس قاعد بره
الياس:حصل شنو؟كويسه هيا؟؟
_اي الحمد لله.. بعد شويه بتصحى ان شاء لله
الياس:عادي ادخل ليها؟
_اممم.. ماف مشكله طبعا بس ما ينفع يدخل غيرك
الياس:تمام
الياس دخل و قعد في كرسي جمبها
كان خايف شديد انها تموت فعلاً
و أثناء ما هو قاعد
أتذكر يوم وفاة أمو
...
#فلاش_باك :
الياس:ابوي في شنو؟؟
جمال كان بتكلم بالتلفون و مصدوم
كانو قريبين من البيت
بس جمال مسك يد الياس و يد ماهر و قال ليهم يلا حا نرجع
الياس كان جايط و بقول ليهُ في شنو يا ابوي؟
خلينا نمشي ل امي!
سمعو أصوات عربات الشرطه
و كان الشارع فيهُ تحركات ما طبيعيه
الياس:ابوي خلينا نرجع نشوف امي و اخوي
جمال:م ينفع لازم نمشي سريع قبل يمسكونا، ما ينفع نمشى ليهم.. حا نجيهم وقت تاني
