البارت الأول
#الكاتبه_تولين_جراح
#انتقامك_وانتقامي _(رد_الدين )
لقد نام تاركاً حلمهُ في ودائع الله
فأيقظهُ الله على نور الإجابة..
أستبشروا بالله خيراً 🤍.
........................................................
_تعاي بابا يريدنه كلنه يمه .
_شكو صاير شي بابا بي شي ؟
_لا ما بي شي بس كالي صيحي الكل .
_ما عرفتي شيريد منه ؟
_لا .
"لازمه كلبي بيدي واني متوجها لغرفه بابا دخلنه اني وتد اختي الأكبر مني للغرفة واشوف الكل مجتمع ، حجيت بخوف "
لتين: صاير شي بابا موجوع تحس بشي ؟
الاب بتعب : لا باباتي ما بيه شي ، بس اليوم جمعتكم حتى اكول الكم شي .
"حجى اخوي الأصغر مني "
سائد: بابا قلقتنه صاير شي؟
الاب :جمعتكم اليوم حتى تعرفون الماضي كله، ماضي ابوكم .
وتد:بابا لا تخوفنا صاير شي ، وعن اي ماضي تحجي؟
الاب : الماضي يا بويه ، ماضي ابوكم والسر الحامله من عشرين سنه اجه الوكت انو ينكشف .
"الرجوع إلى الماضي "
بغداد سنه١٩٨٨
في إحدى ازقه بغداد الجميله هناك بيت صغير مليء بالحب والأمان
يتكون من الاب والام وابنتهم.
رهف:انييي اجيتتت ماماا .
ام رهف: هله ماماتي الله يساعدج .
_ويساعدج ماماتي ، بابا اجه ؟
ام رهف:لا بعده ،يله روحي بدلي بين ما يجي حتى تتغدون .
_تمام هسه رايحه، صدوك شنوو غدانه اليوم ؟
ام رهف: مثل ما تحبين محشي .
"بفرحه طفله حضنت امها"
_يايي فديتج يا احله ام .
ام رهف:ههههه هاي الضحكة والحضن بس لان سويتلج محشي ؟
_ييي يا ماما غير احب هل اكله اني .
ام رهف:ولج شوكت تكبرين .
_ما ما ما اكبر وبعدين تره اني كل عمري ١٤ سنه بعدني عنوني .
ام رهف: ههههه يله ولج روحي بدلي ابوج على جيه .
" صعدت رهف كلعاده ركض لغرفتها غيرت ملابسها ونزلت"
_اكوول ماما
ام رهف :كولي بنيتي ؟
_باجر عدنا اجتماع أولياء الأمور تجين ؟
ام رهف: اي بنيتي ان شاء الله اجي تدللين، رهفه ماما اجه ابوج روحي فتحي الباب اله .
"راحت رهف مثل الطفله تكمز حتة تفتح الباب الابوها "
_الله يساعدك باباتي حبيبي .
ابو رهف: هله بيج بابا ،شلونج؟
أنت تقرأ
انتقامك وانتقامي(رد الدين )
Randomإن كنت صديقي.. ساعدني كي أرحل عنك.. أو كنت حبيبي.. ساعدني كي أشفى منك لو أني أعرف أن الحب خطيرٌ جداً ما أحببت لو أني أعرف أن البحر عميقٌ جداً ما أبحرت.. لو أني أعرف خاتمتي ما كنت بدأت... إشتقت إليك.. فعلمني أن لا أشتاق علمني كيف أقص جذو...
