انتقامك وانتقامي(رد الدين )

البارت الثلاثون

البارت الثلاثون

#الكاتبه_تولين_جراح

#انتقامك_وانتقامي_(رد_الدين )

لا تنسون التصويت +التعليق بين الفقرات جميلاتي

‏لا أحد منا ينسى .. نحنُ فقط نُشفى.

........................................................

لتين.....

بعد مرور سبع أشهر

واكفه اختار كتب من بسطيه بالمتنبي
احتاريت شنو اخذ حسيت شخص وكف يمي
حجه

_بيمن محتارة

لتين: ما اعرف يا كتاب اختار

_اخر كتاب قريتي عجبج

لتين: كلش

_ لعد اخذي غير نمط هل مرة

"باوعت عليه وضحكت بهدوء "
لتين: شلون رهمتها هاي غير المفروض اخذ كتاب مشابة للي اقراها

_ كل كتاب اله تجربه خاصه ، فليش تبقين بنفس النمط اطلعي منه راح تحسين بمتعه اكثر ومراح تملين من الكتب

لتين: اوووو حبيت ، لعد انتَ اختار اليه كتابه

هز رأسه وصار يباوع على الكتب ويقرة ويهز رأسه بعلامه لا ما حبيت ، وره مده ابتسم برضى وهوه ينطيني الكتاب وكال

_ هذا الكتاب كلش راح تحبي

لتين: واذا ما حبيته شلون

"ابتسم وعافي حجيت واني الحكه "

لتين: ميت مرة كتلك لا تعوفني وتمشي ، يا اخي اكرة التجاهل ، صادققق موو احجي وياك

صادق : احد الأشياء الي لازم تتحكمين بيها نرفزتج

لتين: هاا يعني جنت باختبار

صادق : اي ، وهسه يا صديقتي عازمج على لفات فلافل من ابو شوقي الي بنهايه المتنبي ، وانتِ عليج الجاي

لتين: قابله لان طلعت بدون اكل

صادق: شعجب استاذ حذيفه خلاج اطلعين بدون ريوك

لتين: معدتي مأذيتي اليوم ما ناقشني خلاني على راحتي

صادق بخوف: رحتي للدكتور ، ليش توجعج

لتين: من الحبوب الي اخذها لازم اراجع الدكتور يغيرها
صرت زينه بس بعده يكتبهن الي بكل مراجعه

صادق : لا تدخلين بشغل الدكتور هوة اعرف منج ، وبعدين الهلوسة بعدها تجيج

لتين: مرات من اكون تعبانه كلش تجيني

صادق : لعد ابقى عليهن لازم تنتهي هل هلوسة نهائيا ، السلام عليكم ابو شوقي لفتين اريد

لتين: رايحه اجيب جاي

رحت جبت جاي واجيت وصادق منتظر الفلافل يجهزن
صفنت على كل الي صار وين جنت ووين صرت
معقول كل شيء انتهى