البارت الخامس والثلاثون
#الكاتبه_تولين_جراح
#انتقامك_وانتقامي_(رد_الدين )
لا تنسون التصويت +التعليق بين الفقرات جميلاتي
........................................................
- لا تجزع، فقد ينفتح الباب ذات يوم تحية لمن يخوضون الحياة ببراءة الاطفال وطموح الملائكة.
- نجيب محفوظ
وتد .....
حياتي ماشيه بين جر وعر ساهر الي صار يضغط علينه بس الي مقيدة هوه التنازل الي موقعه
ما يكدر يضغط عليه بأيليا لتين الي انشغلت
بوضع اخوانها المزري
واني بمشاكلي وتفكيري بساهر وقلقي
اخذ فترة مختفي صرت يوميه اباوع على الموبايل اشوفه موجود ، متصل ، داز رساله ، بس ماكو اختفى !!
اكول معقول مل وتركني ؟
لا اكيد صار ويا ضرف ، وهيج خلصن الايام وصار شهر وهوه مختفي
كاعدة بالصالة وشفت لتين دخلت رفعت ايدي وكلت
وتد : شعدج اليوم من وكت روحي روحي لبيتج عيني
احنه بيش كيلو صرنه
لتين: ضحكت وكعدت على القنفه وهيه تكول ، والله يا اختي مشاغل هواي ، محتاره بسوالف اخواني ولج راح انجن
وتد : ازل مو رجعت بعد شكو ، بقت بس ريم وهاي مطلقه يعني حتى ما يكدر يحجي وياها
لتين: تعاي اكولج بس موو تحجين لاحد
وتد: تقربت عليها وكلت بفضول ، شكوو شعندج
لتين: جبل رجع ازل بس حتى تكشف الحقيقه وينفصلون بعدها
وتد باستغراب: شلون يعني
بدت تسرد اليه كل الاتفاق الي بين ازل وجبل
حجيت بتفكير
وتد: تدرين اذا طلعت ازل بريئه جبل يدمر
لتين: واذا طلعت امه هيه السبب الدمار يصير دمارين
وتد : شنكول بس الله يهديهم وما توصل للطلاق
حرامات ينفصلون وهمه كلش حلوين مع بعض
لتين : اي والله ، اسمعين هذا الصوت وتد
وتد : يا صوت
لتين : صوت صياح بدء يقترب اسمعي زين
بقيت ساكته وجان اسمع صوت بدء يقرب ويصيح
بس ما مفهوم ابد باوعت عليه باستغراب
بس هيه سبقتني وصعدت ركض تباوع من الشباك الفوك
ركضت وراها اصعد
وخرنه شوي من البردة وهناا الصدمه
ساهر يصرخ ويصيح
باوعت على لتين الي بادلتني نضرات الاستغراب
أنت تقرأ
انتقامك وانتقامي(رد الدين )
Randomإن كنت صديقي.. ساعدني كي أرحل عنك.. أو كنت حبيبي.. ساعدني كي أشفى منك لو أني أعرف أن الحب خطيرٌ جداً ما أحببت لو أني أعرف أن البحر عميقٌ جداً ما أبحرت.. لو أني أعرف خاتمتي ما كنت بدأت... إشتقت إليك.. فعلمني أن لا أشتاق علمني كيف أقص جذو...
