البارت السابع والأربعون
#الكاتبه_تولين_جراح
#انتقامك_وانتقامي_(رد_الدين )
لا تنسون التصويت +التعليق بين الفقرات جميلاتي
بارت خاص بلتين حتى تصير الاحداث متوازنه ويه بقيه البطلات
اكثر بارت كتبته بحماس
........................................................
لتين .....
وأنا يا الله أحلم وأحلم ثم أستيقظ باللحظة الحاسمة، أهرول بشده ثم أتعثر بقدم القدر، وأُقطِّبُ جِراح الأيام كطبيب ماهر ثم أتوقف من ردائة الإبر، أنا يا الله أصل للنهاية وتدركني نهايتي في اللحظة الحاسمة فأستبقي الصراط صامتًا!
باوعت على ايدي كتاب بقيت صافنه عليه وعلى صادق الي عافني وراح بدون كلام
كملت طريقي واني مذهول من تصرفه صعدت بالسيارة عنوان الكتاب جان عقدك النفسية سجنك الأبدي
صفنت على العنوان وحسيتة انطاني هذا الكتاب حتى استجمع ذاتي
صعد خالو حذيفه السيارة رفعت الكتاب وكتله
لتين: هذا صادق انطا اليه
حذيفه باستغراب: بله شوو ، ههههه حلووو يريدج تسترجعين نفسج
لتين : شلون ما فهمت
حذيفه: يا غبية جنه عرف عندج فد شيء تخافين منه وهل انطاج كتاب تقري وتسترجعين نفسج
لتين : حنين كلش هل ولد
حذيفه: لتين عاد احترميني شوي شهل استهتار شو كدامي تتغزلين بي
لتين : ههههههه ، غير انتَ نصفي الثاني شلون نا اشاركك بكل شيء
دخلنه للبيت نتناكر ونسولف بصوت عالي ، رحت نمت نومه أهل الكهف ولأن ما عندي أصدقاء اودعهم رجعت من وكت
للعصر وسمعت موبايلي يدك شلن راسي وشعري على عيوني شفته أسر
لتين : الووو
أسر: وينج جمار ليش ما جاوبيني
لتين : نايمة والله ، شبيك
أسر: جاي اسوق دخلت لبغداد جايج حتى نروح
لتين: وين نروح شبيك أسر الساعه خمسة العصر وين نطلع
أسر: اي عادي نوصل نص الليل للعمارة يله يله جهزي نفسج ساعه ونص اني يمج
سد الخط بوجهي بقيت بمكاني صافنه باوعت على الساعة وطفرت غسلت ولبست ونزلت شفت خالو حُر كاعد
حُر : ها خالوو وين رايحة
لتين : اخوي جايني ياخذني للعمارة
حُر : شنو السالفة مو على اساس اهلج باجر يجون حتى نشوفهم وهم ياخذوج
لتين: والله ما ادري بعد صارت بسرعة خابرني كال ساعة ونص اني يمج ، بيبي وجدو وين.
أنت تقرأ
انتقامك وانتقامي(رد الدين )
Randomإن كنت صديقي.. ساعدني كي أرحل عنك.. أو كنت حبيبي.. ساعدني كي أشفى منك لو أني أعرف أن الحب خطيرٌ جداً ما أحببت لو أني أعرف أن البحر عميقٌ جداً ما أبحرت.. لو أني أعرف خاتمتي ما كنت بدأت... إشتقت إليك.. فعلمني أن لا أشتاق علمني كيف أقص جذو...
