البارت الخامس والخمسون
#الكاتبه_تولين_جراح
#انتقامك_وانتقامي_(رد_الدين )
لا تنسون التصويت +التعليق بين الفقرات جميلاتي
........................................................
لتين .....
" لا يمكنك أستعادتي .. كالرياح أهب وأقتلع ولا أعود.
صفنت بخوف شفت مرأة على شكل هيكل عظمي الوجة عبارة عن عظام مغطي جلد خفيف الجسم من الضعف الي بي مبين العامود الفقري كاعدة بالكاع
همست بصوت مبحوح
_رهف شرجعج هم ناوية تهجمين بيتي وتاخذين رجلي مني
لتين: إبتهال؟!! ، انتِ إبتهال صحح
اتقربت عليها بحذر واني اريد أشوفها عن قرب كالت بصوت خشن مبحوح
إبتهال: اييييييي ابتهاللل الي راح تكتلجج
تريد توكف على حيلها بس خانتها قوتها ووكعت بالكاع بقيت بحالة ذهول معقول هاي نفسها الي جانت قبل قوية ومسيطرة
رفعت موبايلي ودكيت على أيسر
لتين: أيسر تعال بسرعه لبوابة البيت
أيسر: شبيج صاير وياج شيء
لتين : تعال وانتَ تعرف
أيسر: جاي جاي
اجاني بسرعة باوع عليه واني صافنة قبل لا يجي وياي اشرت على المكان الي كاعدة بي إبتهال باوع عليها وكال بدهشة
أيسر: يمةةة
إبتهال: ايسرر اضربها هاي تريد تاخذ ابوك مني وتطردكم من البيت اي اضربها
تريد تكوم بس ما تكدر ابد وايسر جامد بمكانة
لتين : أيسر شوفها
أيسر: هسه أصيح لأبوي يشوف شيسوي وياها
لتين : بس
أيسر: عوفيها هنا وتعاي وياي يمكن هاي لعبة من العابها
سحبني ودخل راح انطا لجدو وبابا علم الكل طلع كعدت يم البنات وكلت بشماتة
لتين : معقول بعد كل هل سنوات رب العالمين عاقبها لدرجة حتى ولدها ما يردوها
ترتيل: لا تشمتين جمار ربج يرجعها الج
لتين : لااا ابد لأن ما مسوية شيء غلط ولا اذيت بشر وطعنت بشرفة ولا خليت روح بريئة تموت ضلم
ريم: ربج يمهل ولا يهمل شفتي شلون طلعها بيها
لتين: لو تشوفون شكلها مثل الهيكل العضمي صايرة
غزل : عساها بالازيد كون
لتين : آمين يارب
لنص الليل محتارين بشغلتها أخوانها رفضو تجي يمهم ولدها نفس الحالة وصارت منبوذة من الكل
أنت تقرأ
انتقامك وانتقامي(رد الدين )
Randomإن كنت صديقي.. ساعدني كي أرحل عنك.. أو كنت حبيبي.. ساعدني كي أشفى منك لو أني أعرف أن الحب خطيرٌ جداً ما أحببت لو أني أعرف أن البحر عميقٌ جداً ما أبحرت.. لو أني أعرف خاتمتي ما كنت بدأت... إشتقت إليك.. فعلمني أن لا أشتاق علمني كيف أقص جذو...
