انتقامك وانتقامي(رد الدين )

البارت قبل الأخير

البارت القبل الاخير

#الكاتبه_تولين_جراح

#انتقامك_وانتقامي_(رد_الدين )

لا تنسون التصويت +التعليق بين الفقرات جميلاتي

‏وضعوا على فمه السلاسل
ربطوا يديه بصخرة الموتى،
وقالوا : أنت قاتل !

أخذوا طعامه والملابس والبيارق
ورموه في زنزانة الموتى ،

وقالوا : أنت سارق !
طردوه من كل المرافىء
أخذوا حبيبته الصغيرة ،
ثم قالوا : أنت لاجىء!

- محمود درويش
........................................................ 

لتين .....

انتقمت اي بس هل يا ترى كلبي ارتاح هذا السؤال الي دائمن جنت أسئلة لنفسي ، اذا خلص انتقامي راح احس بلذة الانتصار راح اعيش حياتي بسلام

بس هسه عرفت الجواب ، لا الإنسان ما يكدر ينام ودمعة شخص نزلت بسببة

بجيت اي بجيت واني أدركت الي سويتة اكبر غلط ولوو جان صادق عايش مجان يقبل بالي راح اسوي

زعبان غلط وعرف غلطة بس اني شنوو اني وحدة نكرت تعب ودلال زعبان لفستقة حبة الها وهيه بأمس الحاجة لحنان الأب

نمت وتأنيب الضمير كاتلني ثاني يوم كعدت منتظرة زعبان وشنو رد فعلة للعصر الوضع هدوء اجاني قائد بوسته وكال

قائد : عمة يصير اخذ فستقة وياي نلعب خطية ما تطلع مختنكة

لتين : اخاف يصير بيها شيء توكع ادري بيها ما تكعد

قائد: لا عمة يمي اني أدير بالي عليها

لتين: تمام لعد أخذها

قائد : جا بدلي الها ملابسها عيب مطلعة كراعينها علينة

لتين : ضحكت واني اباوع على لبس فستقة جانت لابسة بدي تعلاكات وبنطلون شورت ، بس ما بيهن شيء ملابسها

فستقة: اووف عائد اوووف يله نرللوووح يلةةة

قائد: عمة جماعتي يشوفوها شنهي ما عندي عرض واخليهم هيج يشوفوها بهل لبس

لتين : ههههههه ، تمام عمري راح ابدل الها تدلل

وصدك اخذتها لبستها بنطلون كامل وقميص وشوز أخذها قائد من ايدها وراح كملت تنظيف غرفتي وخليت الملابس بالغسالة لليل واني اشتغل افتقدت فستقة لبست البشت والشال وطلعت اشوفها

رحت لبيت جدو شفت البنات كلمن بغرفتها والشباب طالعين رحت لغرفة الشيخة لكيتة مسدود واكو فتحة شوي سمعت صوت شهكة

باوعت من الفتحة شفت زعبان مخلي راسة بحضن بيبي ويبجي

معقول زعبان يبجي وبيبي مخلية ايدها على راسة وتهز رأسها بقهر اسمعة يهمس الها