انتقامك وانتقامي(رد الدين )

البارت السابع والعشرون بارت هدية

البارت السابع والعشرون بارت هدية

#الكاتبه_تولين_جراح

#انتقامك_وانتقامي_(رد_الدين )

لا تنسون التصويت +التعليق بين الفقرات جميلاتي

بارت هديه يخص لتين وبس حسب طلبكم

كيف يكُون الانسان مليئاً بالأحلام
وفجأة يصُبح قلبهُ مقُبرة أين يذهبُ كُل شيىء؟
........................................................

لتين ....

اباوع على خالو الي يفتر يحضر بجنطته حجيت ببجي

لتين: لاا ءء تروح

باوع عليه وهوه يذب الأغراض البيده تقدم خلا ايده على راسي وكال بحنيه

حذيفه : حبيبتي راجع بس اضبط اموري واخذ اجازه
موو كتلج خلصت اجازتي

لتين: موو ما ترجع

حذيفه: ارجع وداعتج بس اخذ اجازة ، أمسحي دموعج يله ما اريدج تضعفين ، يله امسحيهن

هزيت راسي واني امسح دموعي
راح خالوو حذيفه رجعت التزم الصمت

ثاني يوم العصر اجت الشيخة النه دخلت للغرفة
وكالت بحنيه

الشيخة جمار: الي ما يجيك انتِ روحله ، شلونج جمره

لتين: هزيت راسي وسكتت

الشيخة جمار: يا يمه ليش ما تحجين شنهو الصار وياج و وصلج لهل حاله

نزلت راسي بسكوت ، هسه الكل يكول ليش بس ويه خالو حذيفة احجي ، بكل بساطه احس بس ويا بالأمان

الشيخة جمار: يمه انه نخيت ابو فاضل (عليه السلام )
اذا صرتي زينه اسوي عزيمه بثوابة ، ودخيله ما ردني وباجر مسويه عزيمه غداء اريدج تجين يا يمه ، لا ترديني

هزيت راسي بموافقة وابتسمت كذب
فرحت وصارت تدعي اليه

ثاني يوم واكفه اباوع على نفسي معقول هاي اني ؟!!

صايره عباره عن شبح لتين ماكو اي شيء يدل على صحتي وجهي اصفر الهالات الجوة عيوني واصلات لخدودي وجهي ضعفان بحيث
عضام وجهي واضحه ، خدودي الي جان بابا يكول عليهن تفاحات ، ماكوو شعري الي كل فتره اصبغه حتى ما يضهر السواد ويبقى كرزي لونه خرب
شعري يوكع بشكل مخيف ..

لبست بنطرون وقميص والشال شمرته بعشوائيه

وصلنه لبيت جدو ، احس هل كم خطوة تعبني
سلمت على الشيخة وكعدت منزله راسي العب
بخيط بلاستر الكانونة ، الكل فرح بجيتي
اخواني يضحكون بيه كعدت بمكاني بصف الشيخة

فزيت واني اسمع صوته يسلم بقيت منزله راسي
حجى لوو احس نفسي انخبصت معقول بعدج يا لتين
ترجفين من اسمعين صوتة

زعبان: شلونج خويه جمار ان شاء الله بخير

باوعت عليه بصدمه خويه هههه نزلت راسي
وسكتت وره مدة صبوو الغداء كعدنه تغدينة