الثاني والخمسون
#الكاتبه_تولين_جراح
#انتقامك_وانتقامي_(رد_الدين )
لا تنسون التصويت +التعليق بين الفقرات جميلاتي
........................................................
لتين.....
- حاشى لِجُودكَ أن يُقاسَ بجودِهم أو أنّ كفّك بالأكُفِّ تُقاسُ .
احس بدوامة بطني فارغة اتلمستها ناصية حجيت بصوت أقرب للهمس
لتين : رهف وين
سمعت صوت ماما جاوبتني بصوت فرح
ام سائد: هاي ماما بنتج ، الحمدلله على السلامة حبيبتي
لتين : الله يسلمج ، وينها
عدلتني وخلتها بحضني حسيت شعوري كلش مختلف ضحكت بفرح وكلت
لتين : ماما صرت ام شوفي هاي بنتي رهوفة
ام سائد: ههههه اي يروحي
اباوع عليها مدبدبه سمينه حمرة فتحت عيونها تباوع عليه بخزرة رافعة حاجبها ضحكت وكلت
لتين: ها ماماتي شوو تخزرين بية ما عاجبتج آلدنيآ من هسه
بقيت احجي وياها وابوس بيها حجيت ويه ماما
لتين : ماما شوكت نطلع من المستشفى
ام سائد: باجر نطلع لأن شوي صحتج مو تمام
لتين : ما بية شيء وبعدين ليش غرفة خاصة حاجزين
ام سائد: ولج غير اكلج وضعج مو تمام وهم ابوج حجز الغرفة
سكتت ما راضية ساعة واجاني الكل بوسني بابا وكال
جراح: جميلج بردة رهف مرة ثانية ما راح انساة
لتين : حبيبي رجعت رهف راح اشم عطرها ويه كل شمه لبنتي راح احضنها واحس بماما من خلالها
ابو سائد: باباتي بنيتي صارت ام بعد ماكو اخبلات
لتين : بابااااا
الكل ضحك صارت رهف من ايد لايد افتقدت صادق صرت اباوع بين الحاظرين همست لوتد
لتين : وتد وين صادق
وتد: هسه يجي راح يدفع تكاليف المستشفى
هزيت راسي وسكتت ورة شوي رجع صادق وجايب ويا اكل
اتقرب عليه بلهفة باسني من راسي ويتنفس سريع غمضت عيوني واني اشوف دمعته نزلت مسحها بسرعة اخذ من ايد ماما رهف بوسها وشمها بقوة
ابتسم وعمتي كالت
ام صادق: يله ماما إذن باذنها
هز راسه قرب وبلش يأذن وسماها رهف
الكل راح بقت ماما يمي ثاني يوم وحسب اتفاقي ويه صادق اروح لاهلي فترة النفاس اخلصها يم اهلي
أنت تقرأ
انتقامك وانتقامي(رد الدين )
Randomإن كنت صديقي.. ساعدني كي أرحل عنك.. أو كنت حبيبي.. ساعدني كي أشفى منك لو أني أعرف أن الحب خطيرٌ جداً ما أحببت لو أني أعرف أن البحر عميقٌ جداً ما أبحرت.. لو أني أعرف خاتمتي ما كنت بدأت... إشتقت إليك.. فعلمني أن لا أشتاق علمني كيف أقص جذو...
