البارت الثالث والخمسون
#الكاتبه_تولين_جراح
#انتقامك_وانتقامي_(رد_الدين )
لا تنسون التصويت +التعليق بين الفقرات جميلاتي
طلب صغير نعناعاتي هاي الكاتبة كلش مبدعة عدها قصص كلش حلوات ياريت تدعموها بتصويت ومتابعه للحساب user60291159
........................................................
لتين ...
انتَ مال الله يحفظك...
مو مال الله يرحمك....
أيام تمر بمرارة احس حياتي انتهت وية وكعة صادق
بنتي الي اسمعها تبجي تريدنا اني وابوها بس ما الي حيل اكوم احجي وياها صرت حبيسة الغرفة
بين النايمة والكاعدة سمعت صوت فستقة تشهك بس ما اعرف الصوت وين حاولت اتغاضى عن الصوت بس كلبي ما انطاني اعوفها كمت بكل ما عندي من قوة ادور عليها
وهناا شفت منظر شك كلبي وسواة قطع صغار
فستقة كاعدة بالزاوية وصامة حلكها بيدها الصغار وتبجي رحت عليها ركض وحضنتها
لتين : ماماتي شبيج يا عمري منو وياج
فستقة: ااني ال اليد باباا ، بس كملت كلامها بجت بصوت عالي واني تنزل دموعي بسكتة وياها
شلتها وكمت
لتين: تردين بابا موو
فستقة بشهكة : اي
لتين : تمام لعد امشي وياي نروح لبابا
اخذتها وصعدت بالسطح كعدتها بالكاع وكعدت بصفها رفعت ايدي وكلت
لتين : شايفة هذول النجوم ، هذا بابا ، وهاي بيبي رهف
فستقة: مسحت دموعها بيدها الصغار وكالت ، اني اليدة يمي انام هنااا ، اشرت على صدرها وكملت ، ماما اليدةةةةة
بجيت وسحبتها نومتها على صدري وأهمس الها
لتين : من تردين شيء ارفعي راسج راح تلكين بابا فوك يباوع عليج وشنوو تردين راح يحققة الج
ضلت تباوع على النجوم وتشهك انتجيت على الحايط ونومتها على صدري بقيت اباوع على النجوم لحد ما غفيت على هاي الضوعيه
فزيت على بابا يكعدني
ابو سائد: بابا ليش كاعدة هناا بيجن شيء
لتين : ها بابا لا بس فستقة تبجي وصعدت بيها هنا وغفيت بدون ما احس
ابو سائد: جا تعاي ننزل يله انهبطت من ما لكيت فستقة يمنة
لتين : هزيت راسي وبابا أخذها مني ونزلنة اخذتها لغرفتي خليتها على سريري وحضنتها وعاهدت نفسي طول ما اني عايشة مستحيل اخلي فستقة تحتاج شيء لأن آخر امل بقت عندي بهل دنيا واخر ما تبقى من صادق
أنت تقرأ
انتقامك وانتقامي(رد الدين )
Randomإن كنت صديقي.. ساعدني كي أرحل عنك.. أو كنت حبيبي.. ساعدني كي أشفى منك لو أني أعرف أن الحب خطيرٌ جداً ما أحببت لو أني أعرف أن البحر عميقٌ جداً ما أبحرت.. لو أني أعرف خاتمتي ما كنت بدأت... إشتقت إليك.. فعلمني أن لا أشتاق علمني كيف أقص جذو...
