انتقامك وانتقامي(رد الدين )

البارت الأخير

البارت الأخير

#الكاتبه_تولين_جراح

#انتقامك_وانتقامي_(رد_الدين )

لا تنسون التصويت +التعليق بين الفقرات جميلاتي

"‏الحب ليس القيام بأشياء خارقة للعادة وبطولية، ‏إنما ممارسة الأشياء الاعتيادية بحنان"
........................................................ 

زعبان ....

رجال بهيئة طفل هيج اني جنت دائمن تفكيري مو لعمري وعيت على الدنيا واني اسمع صوت اهلي وهمه يتعاركون

امي الي تريد تتحرر وابوي الغيور الي يحب يسجن بلبلتة جان حب ابوي لأمي كلش حلو اشوفة بنضري جنت اتمنا من أكبر احب وحدة هيج كبرت وكبرت المشاكل وياهم كبرت وصرت مراهق واني اتمنى يصير عندي اخ جان جبل صديقي الي افضفض اله واسراري عندة وهوه هم شربنا الجكارة بعمر ال١٤ سنة سوة وجنة نخاف نلزم بس ما نلزمنا نطلع من المدرسة على حلة البنات وفرحانين بنفسنا شواربنا خطت لحد ما بيوم رجعت للبيت وكاعد اتغدة وشفت عمي جراح دخل وراة طفله خايفة حسيت بعيونها الخوف من المجهول

والي عرفتة بعدين هاي زوجته البغدادية الي عشكها صارت صديقة امي بلبل بكل شيء وياها سنين واني كبرت وبيوم سمعت صوت صياح مثل العادة وراحت امي زعلانة لبيت أهلها والي فهمتة بعدين هية حامل طرت من الفرح ورحت ركض لبيت جدي اشوفها دخلت واني اشوفها تحف بنفسها

زعبان : يمةةة صدك حبلة انتِ

بلبل : اي يمة بس ما يضل ما اريدنة

زعبان : جا يمة اضل بدون سند انه اريد مثل جبل عندة هواي خوان وانه وحيد بينهم

بلبل : واذا طلعت بت

زعبان : راح احبها واعتبرها بنيتي

بلبل : يا يمة انه ما أريد بعد جاهل من ابوك تعبني بتصرفاتة واذا اجيب بعد جاهل ياكل كلبي

زعبان : لا يمة انه احجي ويا بس لا تذبين الجاهل روحي بي صارت

بلبل : ابتسمت وخلت ايدها على خدي وكالت بحنان ، صار يمة هاي هيه

زعبان : جا ارجعي وياي

بلبل : لااا ابوك يجي ياخذني ويصالحني جي طكني

زعبان : صار صار

طلعت ركض شفتة يشتغل ويه الفلاحين ثبتت نفسي ومشيت برزانة وصلت يمة وكلت

زعبان : السلام عليكم ، كواكم الله

راجح :  هلة يابة

زعبان : يابة خلصت عندي جلمتين وياك

اخذني ورحنة بمكان فارغ

راجح : خير بوية كول

زعبان : يابة جنت يم امي وتريد ترجع بس تريدك انتَ