انتقامك وانتقامي(رد الدين )

البارت الثالث

البارت الثالث

#الكاتبه_تولين_جراح

#انتقامك_وانتقامي_(رد_الدين )

‏ليتك لو كُنتَ جاري
أو جواري أو قريباً حول داري
ليتكَ لو كُنتَ قربي
أو قريبي أو قريباً من مداري
ليتك لو كُنت سنِي
أو بسنِي أو ربيعاً لإنتظاري
ليتك لوكُنت بعضِي
أوبِبعضي أوملاذاً من فراري
ليتك لو كُنت عيني
أو بعيّني أو شُعاعاً لأنظارِي
ليتكَ لو كُنتَ مني
بالتَمني لمماتي واحتضاري

........................................................

جراح

عيوني ما ترضه تصدك الجاي اشوفه طيره بغداد ويه شاب تتمشى وتضحك احس شيء بيه انتفض
منهو هذا وشيريد من طيره بغداد
بقيت واكف بمجاني واعاين عليهم حد ما اختفو من انضاري

ركبت سيارتي وسقتها بكل سرعتي وبس ضحكتها برأسي

صحت بصوت عالي

جراح : منهووو هذااا التمشي وياه معقول حبيبها لالا موش حبيبها هذا موش هذا ثوبها
ياا رب رحمتك شنهي الجاي يصير وياي

صرت اسوق للمجهول ما اعرف وين طريجي
وكفت لسياره يم نهر دجله

نزلت من السيارة وانه الهث من العصبيه
حد الليل وانه مدوهن

احتاريت وين اروحن لجن الطريج هيج وكت بيه جثير مسلبجيه
رحت لصاحبي وانه خجلان منه لجن جايه بدون موعد و بهل وكت

اي يجراح صرت تايه بالشوارع من وره حرمه

رحت لصاحبي وضيفني وبتت عنده الليل كله انه اتكلب بس كشف الصبح انه طلعت من البيت عفت السيارة وصرت امشي ما احس نفسي اله وانه يم مدرسه طيره بغداد

بقيت مناطرها بلكي تجي
بعد ساعات
شفتها اجت وكفت وانه كلي ارجف
مرت من يمي بدون ما تعاين اليه من شفتها حسيت
نفسي اسعد بشر رجعت بعد ما جبت ريوك وياي عيب ادخل لبيت صاحبي وانه فارغ
لكيته كاعد وناطرني

_هاي شنو جراح وين رحت ضل بالي يمك .

جراح: طلعت اتمشه ، هاك هذا ريوك الكم

_صدك تحجي انتَ ليش جبت قابل ما عندي اجيب .

جراح: دسكت وهاك وانه رايح لهلي

_ دبقه على الغده

جراح: بيت العامر ان شاء الله

_ ابد والله ما تطلع اليوم اذا ما تتغده يمي

جراح: مشكور خويه بس وراي طريق

_ براحتك بس اطلبك تجي تتغده يمي

جراح : ان شاء الله

طلعت من البيت ركبت سيارتي وعاينت للساعه
ب١١ بعد ساعه وتحل لازم اعرف عنها شي وين بيتهم منهو هذا اليمشي وياها يجوز اخوها اي اكيد اخوها
صرت اقنع نفسي بعل كلام لحد ما
وصلت للمدرسه بعد ساعه لان بيت صاحبي بعيد عليهم