انتقامك وانتقامي(رد الدين )

البارت الثالث والأربعون

البارت الثالث والأربعون

#الكاتبه_تولين_جراح

#انتقامك_وانتقامي_(رد_الدين )

لا تنسون التصويت +التعليق بين الفقرات جميلاتي

........................................................

ترتيل

سيعوضك الله عن التعب الذي قاومته دون ان تتكلم ."

رافضه اعيش واقعي احس كل شيء جذب كل يوم اكعد بالباب انتظر شاهين يرجع وبكل مرة يخيب ضني بس ما استسلم ابد ارجع ثاني يوم انتظرة

كاعدة مثل كل يوم انتظر شاهين يرجع ، اتقربت عمتي كعدت يمي وكالت

ام جاسر: ما ناويه يا بنيتي ترجعين لبيتكم يمة كسرتي ضهري اكثر من كسرتي على وليدي

ترتيل: لا عمه انتظر شاهين يجي هوه كال راح يجي حتى نسوي عرس

ام جاسر: ولج يمه افهمي شاهين هاي هيه راح بعد ما انشوفه

خليت ايدي على اذني مانعه سماع الي تحجي نزلن دموعي وكلت برجفه وصوت ناصي

ترتيل: لا خالة لا شاهين ما يموت كلبي بعده يدك بأسمة

صارت تبجي بصوت عالي وتنعي وره مدة دخلت للبيت

وهيج خلصت ايامي واني انتظر شاهين بفارغ الصبر

وره كم يوم اباوع على الكل يحضر لاربعين للشخص الي عبالهم شاهين

صافنه اباوع عليهم بصمت ، اتقدم جدو كعد يمي وكال

الشيخ عكَاب: بويه بأجر أربعين رجلج ما ترحين ازوري

ترتيل بشرود: الف مره كتلكم شاهين عايش

الشيخ عكَاب: روحي ويانه هناك راح تتقبلين هاذ الشيء

ترتيل بأصرار: ما اروح مستحيل

الشيخ عكَاب: ولج بويه ليش هيج اسوين تعبتينه وكسرتي ضهورنه اكثر من كسرتنه على شاهين

بقيت ساكته ما عندي شيء احجي

دخلت جوة لان الناس بدأت تتوافد يم بيت جدو
كعدت بغرفه بيبي ساكته صافنه

قشعر جسمي واني اسمع البجي من بدأت الملا تنعي والصريخ والبجي صرت ابجي وارجف
احس نفسي اتهسترت اختنكت ما أريد ابقه بهل مكان

فتحت الباب وطلعت شارده من البيت كله
طلعت روه البيت شفت الجدورة والطبخ صاير بي
بالبيت البجي والصريخ

بقيت متهستره رجعت واني عيوني مغوشه من البجي

انضربت بشخص سمعته يكول

_ الله الله على كيفج شبيج خويه معتازة شيء

عفته وشردت بدون جواب شفت غيث واكف بعد مسافه عني شافني أتوجه آلية بهمه