غمضت عينيها دفء ليث ياطيها استرخاء وخمول بدات تفقد الاحساس بلوعي لما فجأة حست بحد يسحب فليث من فوقها قفزت لقاتو عند راسها
زياد بصوت خفيض : رح نحطو فبلاصتو
هزت راسها بتفهم باس وليدو على راسو وحطو في مهدو الواسع تع اللوح وقفت هي تتكسل ، استقام بعدما كان منحني : مزال الحال كنتي حاترقدي قبل العشا ؟
رمقاتو بخزرة : شبعت موفيسة منتعشاش
خرجت وخلاتو رجعت لغرفتها نحات حوايجها ولبست بيجامة ودخلت في فراشها طفات الضو دقايق برك وشعل الضو وحست بالسرير هبط موراها من ثقلو كان هو قعد على الطرف : قومي نحكو
طلعت الغطا فوق راسها : منحكيش
زياد : اتعشاي على الاقل
اسمهان كلات فلفواي ومش جوعانة : منكلش
زياد : كنت مخطط لشي أما فسدتي الليلة بزعافك الغير مبرر
دارلها الفضول رمات الغطا وتقعدت : مخطط؟
رخى الكرافاطة تعو : ارقدي خلاص
ضرباتو على كتفو : بركا .. يلله قلي
دخل يدو فجيبو طلعها قدام وجها وفجأة دلدل منها خيوط كانو عدة خيوط متشابكين مطعمين بحجر أبيض : ألماس؟
زياد : تماما
ردت بإستهزاء : مش ذوقي أبدا ومستحيل نحطها فرقبتي واش هذا التغنجيق
تبسم على جمب : كنت حانزعف لو كانت سلسلة وخيرتهالك
عقدت حواجبها : ملا واش؟
عض شفتو : البسي أقصر ثوب نوم عندك ورواحي وقتها حتعرفي واش هذا
بان عليها التردد قرب من وجها : انتي بين أيادي أمينة واعتبريها فرصة حتى تعيشي تجربة جديدة
لعبلها بعقلها كأنو شيطان علاه متستفادش منو نزلت من السرير فتحت درج حوايجها وبدات تقلب لقات ثوب نوم كان الوحيد الي يليق بمرا متزوجة بين حوايجها كان حرير أبيض قصير بشلقة على الفخذ نحات كلش ولبساتو وحدو مش حاتخليلو فرصة يتنمر على ملابسها الداخلية شافت للمراية عجبتها روحها أما مزال حشمانة عدلت شعرها على كتافها وخرجت غي ملات فم الباب قابلها هو قاعد على الطرف عض شفتو يشوف ليها بإعجاب مد يدو ليها : كاين نوعين من نساء الجميلات الكيوت والجميلات السكسي
قربت ووقفت عندو حطت كفها فيدو : وانا واش من نوع ؟
مسح بكفو على فخذها : انتي النوع الثاني
اسمهان : و واش يعجبك بين النوعين؟
باسها على فخذها حست بقشعريرة من شفافو الدافيين : تعجبيني نتي
جبد السلسال الي قلها انو مش سلسال وغلقولها أعلى فخذها هنا اتضح الشكل تعو كان خيوط ألماس متشابكين بعدة جلالات طلعت الشلقة تتفرج فيه ضحكت : ههه حاسة روحي جارية جابلها ولي العهد خلخال
زياد : خممت نجيب واحد و مزية مجبتش والا مكانتش الليلة حاتكمل على خير بسبة نيتك الناقصة
اسمهان : قصدك انا مشاكلية ؟
سحبها لحجرو : رجاءا متحوليش مصدر راحتي الوحيد لنكد خلي ليلتنا تفوت كما حابها
اسمهان : و بنت عمك ؟
زياد : اتهناي مش حا تبقى معانا للأبد اطيني شوي وقت
اسمهان : لاحظت انو كلشي نطلبو منك تطلب شوي وقت
باسها على كتفها : وانا بلفعل هذا كل الي طالبو منك الوقت برك ، سحب نفس من رقبتها : فيك ريحة ليث
شداتو من شعرو : ومبعد ؟ كنت حطيت الزيت حتى ....
قاطعها كي باسها على شفافها : علاه كلشي نعملو او نقولو تعتباريه هجوم ؟ ... ريحة ليث مش انتقاد بلعكس انا نحب ريحة ابني عليك
سكتت مداعباتو طيحتلها دفاعاتها كان يمسح على خصرها بطريقة مغرية ويوزع فبوسات على كتفها يدو الثانية تلعب بخيوط الألماس على على فخذها نطقت ببحة : علاه شريتو يكلف ثروة و ....
مقدرتش تكمل لما مرر لسانو على خط فكها : حابك تجربي المتعة على طريقة الأغنياء و أساسا كل مانشوفك نتخيلك بمجوهرات غالية ولبس راقي ....، حط كفو فوق كرشها فوق الحرير و بإبهامو تحسس سرتها : لو تحطي بارسينڨ حانجن
بلعت ريقها : انت تتخيلني؟
زياد : كل الوقت وبكل الوضعيات وبكل الازياء الفاحشة والاكسسوارات الايحائية لي ممكنش تتخيليها ... اسمهان انتي تخلي مخيلتي تضج بصورك
