في يوم من الايام ببيت العم ابو سعود الساعه ١٠
/
ام سعود تصحي البنات
ام سعود: بنات يلا قومو ابوكم بيسوي عشاء اليوم بسرعه اصحن
العنود واديم فزو بسرعه وركضو ركض يجهزو
وابو سعود صحى العيال سعود وفييصل وكلهم نطو اللي يجهز واللي يروح يفطر
العنود : يمه ليليان بتجي ؟
ام سعود : اي يابنيتي بتجي
اديم : الحمدلله وربي اشتقنا لهم ماتجي ٧ اشهر بدونهم
ام سعود : اجل ابوك ليه مسوي العشاء
العنود : ياويلي ابوي مسوي لهم ؟
اديم : يمه تكفين الا انك تقولين عمتي ام نوف بتجي
ام سعود : ايه يابنيتي الله يعين
البنات مع بعض : يعع هذا اللي ناقصنا
اديم صدت بزعل : ياليل
ام سعود : بروح اجيب باقي الاغراض الناقصه من المخزن
العنود : تمام
واول ماطلعت لفت العنود على اديم
العنود : بنت شفيتس زعلتي ؟
اديم : اخ مو ناقصه نقدهم وسبهم وكلامهن
العنود ، اويلي زعلانه عشان هالملعونه ؟
سعود وفيصل دخلوا عليهم بهاللحظه
سعود : مين مزعل اختي حبيبتي ؟
فيصل : والله ماحد يزعلها الا انت اسكت بس
العنود : اديم زعلانه لان نوف بتجي
فيصل : وليه تزعلين معليك منها!
اديم : بتقعد تعايرني وتطقطق علي وحتى ليليان مابتخليها بحالها
سعود وانتي ليه ماتصفقين هالملعونه ؟
العنود : تعلم امها وامها تسوي لنا سالفه الحين
فيصل : ذي لو القتل حلال لاقتلها هي اول وحده !
امهم دخلت عليهم
ام سعود : وشفيك ياديم ياعيون امك
وماكملت كلامها الا وتشوف دموع اديم وقالت : ياويلي ليه هالدموع يروح امك
سعود : بنتك زعلانه عشان نوف
فيصل : واحنا عيال البطه السوداء
ام سعود بنظرات : فيصل اسكت ، ماعاش من يزعل بنيتي معليك منها وانا امتس
اديم : بتقعد تعايرني وتسبسب فيني وانا ماقدر اقول شيء عشان ابوي
العنود: اهئ لو اني مكانك والله ماسكت ابوي ولا مو ابوي
ام سعود : بت ابوك هذا ، يلا قومو تجهزو وضبطو حالكم ولا تنقهرو منها اذا زعلتو تراني ازعل معكم
سعود : العب
فيصل دفه وقال : اقول قدامي بس
سعود : سم
وطلعو وتجهزو البنات
في بيت ام ليليان
ام ليليان : يلا ياليليان ابوك ينادي تحت
ليليان يلا طلعت يمه
طلعت ليليان وامها وابوهم واتجهو لبيت ابو سعود
كانت ليليان لابسه فستان اسود بنص الساق ومفتوح الظهر وكان ماسك ع جسمها ومبين خصرها وشعرها اللي واصل لاخر ضهرها ومسويته ويفي وكانت جمييله
والعنود كانت لابسه فستان احمر ماسك ومفتوح من عند الركبه وحذيان كعب حمرا
اديم كانت لابسه فستان ابيض مفتوح من فوق ولفوق الركبه وحذيان بيضاء واصله للركبه وشعرها ويفي
(نيهال والجوهره واهلهم ماجو لانهم مو فالديره)
(العم ابو وليد له سنه ماجاء الديره)
ووصلت ليليان وامها للبيت وفتحت اديم والعنود الباب
اديم : يامرحبا بزوجه عمي وبنتها نورتو
العنود : هلا والله ياحي من جانا
ام ليليان ؛ تسلمن يابنياتي
ليليان : ياويلي ٧ شهور كانها ٧ سنين
العنود همست لها : متحمسه لاخوي؟
ليليان : يع تستهبلين
دخلت ام ليليان وسلمت ع الضيوف
واديم والعنود اخذو ليليان يسولفو معها
العنود : اف بنات بتجي نوف النشبه
ليليان : يع ذي للحين عايشه!
اديم : ومره طلعت بوجه سعود عشان بس يشوفها بس سعود ماشافها
ليليان شهقت بصدمه : وقالت وشو ؟
العنود : بسم الله عليك غرتي ع اخوي
ليليان : تف عليك انتي واخوك من زينه
وكان سعود واقف ع الباب يسمع كلامهم بحكم انه جاي يدور امه
سعود : انا مو زين ؟
ليليان : بسم الله من وين طلعت
وطاحو البنات ضحك وضحك سعود وقال طريق بمشي
العنود : ماعندك احد
بعد ٣ دقايق تقريبًا جت عمتهم ام نوف ونواف
نوف دخلت عند البنات
نوف : هاي
ليليان : اهلين
نوف : كيفك...
وماكمل كلامها وشهقت يوم شافت لبس اديم
نوف : وشذا اللبس اللي لابسته؟ عيب تلبسيه لعيال
كانت نوف لابسه فستان ابيض مخطط اسود وكعبها اسود
ليليان : اص حمار وحشي ويتكلم ههههههههههههه
طاحو البنات ضحك
اديم : هدي يالحمار
نوف : ههه مايضحك وع
العنود : اذلفي لاصفقك الحين
نوف : تخيل ماعندي اخ يساندني!
ليليان : اوكي؟
اديم : شكو حبيبي سعود وفيصل اخوانها
نوف بضحك وسخريه : ههههه اي اي
العنود : الله لا يبلانا
طلعت نوف بقهر وراحت ليليان للحمام
قالت اديم : ان ماذبحتها مااكون اديم
