ومن لهفتي تخايلتك الحسون

٢٦

اديم : انتي مشتغله اليوم بخبث وراك كذا

عند ابو زياد
ابو زياد اللي يحااول يصلح علاقته مع ابوه والجد عبدالله رافض رفض تااام
ام زياد بعصبيه : واحنا شنسوي للشايب ذا!!! رجل بالقبر ورجل بالدنيا ويتأمر
ابو زياد وقف بعصبيه : والله اللي رفع سبع ونزل سبع لو اشوفك تعيديها يااا ام زياد اني لاوريك نجوم الظهريه فاهمه؟ لابارك الله فيك وفي ولدك اللي ماغير يفشلني جبته عار علينا
ام زياد : والله ماهو بعار سوا اللي يبيه وولدي يحب ليليان
نيهال انفجرت : ليليان ماتحب ولدك فاهمه!! مب كل شيء يجي غصبب ياااخييي خلاص البنت ماتبيه وبعدين زياد هو الغلطان يتزوج ليليان مو حبًا فيها بس عشان يقهر سعود و حتى يوهم البنت وراح يحط مخدرات بسياره سعود ويين عايشييين؟؟ وتقوليي ماسوا شيء وش اللي ماسواااه!!! ياكم عزينا زياد وكلنا حبيناه بس بعد اللي سواه يام زياد! هذا وانا اخته كرهته كيف ليليان؟
ام زياد : اص ولا كلمة
الجوهره : خير نيهال خير؟
نيهال : انتي اص ولا كلمه الجوهره ماحد طش لك عظم انا اكلم امي بعدين كلكم زي زياد حتى انتي يا الجوهرة حاطه عينك على واحد يبي يخطب وحتى خطب ومافكر فيك والمشكله انه وليد اللي ماعمره حتى فكر فيك وفكر لو باسمك!! خلي عندك كرمه اللي تكلميه من حساب وهمي وبس يبلكك ويقلك انا مابي غير اديم! خلي عنذك كرااامممههه وعززززهه نفسسس(وكملت بصراخ) اكرههكمم كلككمممم
وطلعت لغرفتها بس وقفت ع الباب تسمع
الجوهره : راكبها جني ذيي!!
ام زياد : منجدك انتي؟ تحبي وليد اموت ولا ازوجك ياع واحلمي
ابو زياد : الرجال يبي يخطب
الجوهره : كيفي وبصير الثانيه على راس اديم عندكم شيء؟؟
ابو زياد : والله ان ماتادبتم لا ادبكم كلكم وانتي احلمي ماوصلتي لمواصيل اديم فاهمه ولا مب فاهمه؟؟ واعقبي ازوجك واحد منزوج بخليه يهينك يعني؟ شفيكم انتوا!!! وبعدين تر..
وجت نيهال : صصدددق اننكم متخلفييين وانتي بعد يالجوهره قال ايش قال الثانيه وليد لو يحبك كان جاء وخطبك ماراح لغيرك يالفاهمه! وتراه لاقي بـ اديم شيء مالقااه فيك يعني ابعدي عنه
الجوهره وقفت وصرخت : باخخذذه يعني اخخذه فاهمه!! واذا مو بالطيب بالغصب (ومشت)
نيهال بصراخ : اي نشوف من زينك عشان يناظر فيك انتي حتى راعي البقاله ماناظر بوجهك (وطلعت تدق على وعد )

بحديقة البيت /
نيهال : ااهه ياوعد والله اني تعبت .... وكملت تفضفض
وعد : وربي انا ندمانه اشد الندم ياا نيهال مدري وش اسوي
نيهال : خليها على الله والجوهره راكبها جني زياد تقول بتزوج وليد يعني اتزوجه وغصبًا عن الكل وبصير الثانيه على راس اديم .
وعد و وليد كانو جالسين جنب المسبح ومعهم اكل وفلم و ووليد كان يسمع كلام نيهال
ونطق : نيهال بالله ابي رقم الجوهره
نيهال بصدمه : ايييش؟؟ بتكلمها ليه؟
وليد : بس بكلمها
وعد : علي نذر لو تحبها اني لالعنك وادفنك هنا
وليد مسك خشمها وقال : تخسى ماوصلت مواصيل اديم
نيهال : عشنا يلا خذ (وكتبت الرقم)
وليد : كفو
وراح ارسلها
وليد : سلام عليكم
الجوهره : وعليكم السلام ، مين معي؟
وليد : انا وليد
الجوهره ابتسمت : اهلاً وليد . وش بغيت؟
وليد : بكلمك بموضوع
الجوهرة اللي فرحانه وعبالها بيحبها : اسمعك
وليد : شوفي انا مستحيل أفكر اتزوج على اديم وانا يادوب اخذتها وانا احب اديم حب كبير ولعلمك ترا مافكرت فيك ابدًا . والحقيقة لازم أقولها ، ابعدي عن حياتي وطريقي انا انسان يبي راحته واشوف راحتي مع اديم ماهو معك وانا لو احبك رحت خطبتك وابعدي عن طريقي انا واديم . ومستحيل اخذك الثانيه على راس اديم هذي باحلأمك .
الجوهره اللي انصدمت : ولييد مين قال لك هالكلام؟
وليد : سمعت .
الجوهره : طيب اسمعني عطني فرصه انا احبك خلاص افصخ خطوبتك من اديم وتعال لي والله اني احبك من وانا صغيرة
وليد : انا ما أكُن اي مشاعر لك ، ومافي شيء بينا الله معك
الجوهره : الله معك .
ورمت جوالها ع السرير وانسدحت وقامت تبكي وكانت تخفي شهقاتها
ووليد اللي ترك الجوال وناظر بالسماء
وعد : وليد؟
وليد : هلا
وعد : وش قلت لـ الجوهره؟
وليد عطاها الجوال : خذي اقري
وعد : تم ، عادي اصور لـ نيهال
وليد تنهد : عادي
وعد : تممم .(وقامت تقرا وصورت)
وعد : حييي عيننككك احبب ذا الراااسسس
وليد : حي نبأك ياعيون وليد
وعد : كفو وربي
نيهال : كيووت حييييه اخوووكك ذاا الل بططل مالوم الجوهره يوم تخق عليه بس طبعًا وليد لاديم واديم لوليد
وليد : صح عليييككك
وفجاه جت رساله على جوال وليد
وليد : يويلي من؟
وعد : اديم
وليد : في ذمتك؟
وعد : ايوالله
وليد : جيبييي جوالي(واخذه)
اديم : سلام عليكم ورحمة الله وبركاته ، وليد ، انا اديم حابه اكلمك بموضوع
وليد : وعليكم السلام ورحمة الله وبركاته ، اهلاً اديم ، تفضلي اسمعك .
اديم : وليد انا موافقة عليك وتعال باي وقت بس اهم شيء مناسب
وليد : في ذمتتك!!
اديم : هههههه يمه شفيك وربي اتكلم جد
وليد : اخيررًا اديييم اخيرًا مابغيتيي وربي اني احبك من يوم أحنا صغار والله
اديم : واالله حتى انا واصلاً  قبل شوي أرسلت لي الجوهرة  وكلامها كان سبب اني اوتفق
وليد انصدم : وش تقول؟
اديم : تقول وخري عن وليد وليد حقي لابارك الله براسها
وليد : ييوووه كلمتني معليك منها اسحبي عليها
اديم : وش قالت لكك؟
وليد : قالت لي انها تحبني ومدري ايش ، بصورلك
اديم : انتظرك.
وليد "ارسل صورة"
اديم : وييععع وش تبي ذييه معندها كرامه
وليد : انا مابيها والله ومستحيل تكون في وحدة ثانيه عليك انتي الاولى والاخيرة
اديم : دقايق واجي امي تبيني
وليد ابتسم : تم (ضحك وهو عارف ان اديم تصرف)
وعد : نيهال بكلمك بعدين
نيهال : تم حبيبتي
وعد : باي وانتبهي لنفسك
نيهال : ابشري
وليد : بدخل انام
وعد : حتى انا بروح انام ..

نامو كل احفااد الجد عبدالله من اولهم اخرهم)
"اديم خبرت بس وليد انها وافقت عليه وقالت بالصباح تعلم اهلها "
الصباح //
اديم : يمه
ام سعود : هلا يايمه؟
اديم : انا موافقه على وليد
ام سعود زغرطت : الحمدلله الحمدلله
ودخلو فيصل وسعود
فيصل : وابشرك ياميمتي قررت اكمل نص ديني
ام سعود زغرطت : الحمدلله يارب لك الحمد
دخل ابو سعود : شفيكم يولادب
ام سعود: ابشرك يا مهند فيصل و اديم بيكملو نص دينهم
ابو سعود بفرحه : زييين والله زين
اديم : انا موافقه على وليد
فيصل : وانا بكمل نص ديني وبعلمكم من هي
سعود اللي يتذكر وش صار بينه وبين ليليان وساكت
ابو سعود : اي تكلم
فيصل : ابي وعد بنت عمي سالم
ابو سعود : والله انها الساعه المباركه ياوليدي وصدقني انها بنت الحلال وانا في بالي وعد من اول لك
ام سعود : خير ماقلت ياقلب امك انت وتم ابشر نجي نخطبها لك
فيصل : ابي اتزوج قبل اديم
اديم : وجع!!
فيصل : الا
اديم : تم
سعود : اخس اخس بتتزوجو وتخلوني افا!
اديم : يخسى اللي يخليك تجي عندنا في بيتنا بعد
ام سعود غمزت لابو سعود وهي مقتصده تحرج اديم / وراك مستعجله ترا بس خطوبه
اديم تفشلت : هاه
سعود ضحك : خلها تتحمس ماتنلام بتتزوج وليد
فيصل : هذا اللي مو مطمني هههههههه
اديم : وشفيه وليد خير!
فيصل : بدينا بدينا!

انتهى
___________
بارت سريع سريع واعذروني على الاخطاء الاملائية 😭🩷🩷🩷.