وناظرت اديم بـ المجهول وناظر فيها وصرخت هي و ليليان
سمعوهم العيال وجم ركض
سعود دخل بقوه : شفييكم
اديم وهي تبكي وراحت تحضن سعود : سعود شفت رجال غريب عند الشباك
فيصل قوب لها : علمينا وش صار
ريان اللي حس انه لازم يجي لـ ليليان وراح لها يحضنها : شفيك ليليان
اديم وهي ترجف :"وقالت لهم اللي صار"
سعود : وين المفتاح؟
فيصل حضن اديم : خلاص معليك يعيون اخوك اهم شيء ما اذاكم
ليليان : طاحت النبته اللي ع الشباك بسببه
ريان : والله تلقوه زياد ماغيره بس عن الظلم
اديم : الله يحرقه يارب
سعود حضنها : خلاص خلاص معليكم الان نامو واحنا بنشوف
ليليان : هيهيهي والله مانام بعد اللي صار
سعود ناظر فيها واخيرًا بعد صد التقت عيونه بعيونها
استوعب وناظر بالارض : معليش احنا عندكم هنا مابننام اصلاً لاتخافين
ليليان : طيب طيب
ريان : اي معليك احنا هنا انتو نامو
وراحو البنات ينامو
اما الامهات والاباء ماصحوهم خوفًا عليهم وقالوا بكرا يقولو لهم
اما عند المجهول الغبي :
المجهول : يويلي اني غبي نسيت مفتاح سيارتي لحينه يشوفو بصماتي! لازم اهررب عشان م يشوفوني "وهرب "
الصباح //
لندن ، العنود ومحمد
محمد : العنود يلا قومي نروح نشوف جنس البيبيي
العنود بنوم : طيب يلا جايه
وناظرت شافت محمد مجهز عبايتها : اووه يعطيك العافيه
محمد : يعافيك ياعافيتي يلا قومي نروح
العنود قامت وراحت الحمام ولبست وخلصت واتجهو للسياره
بالديرة //
ع الفطور والعيال والبنات يكلموهم
ابو وليد : لا غلط المفروض تعلمونا
ليليان : مفتاح سيارته فوق الخبل
الجده : غلط مفروض تعلمونا
فيصل : خفنا نعلمكم ونخرشكم على هالليل
ليليان : وربي يخوف شفته ينط من فوق الباب القرد
ام ليليان : المفروض تعلمونا احنا كبار ونفهم
سعود : المفتاح هنا بنروح نوديه للشرطه يشوفو البصمات
الجد : م عندنا وقت
سعود : الا انا قايم لحينه بروح
وسعىود اخذ مفتاح السياره بدون ماتبين بصمته فيه :
عنذ الشرطه /
سعود : مين هو ؟
الشرطة: عماد سليم بن سياف ال*****
سعود : مين ذا؟
الشرطة : هذا اللي طالع
سعود : تمام يعطيك العافيه
ورجع للبيت وهو يفكر مين هالشخص؟ قد مر عليه هالشخص بس نسى
بالبيت //
الجد : وش يقول؟
سعود : يقول عماد بن سليم ب سياف
ابو سعود : ايييه عرفته الكلب اللي يحاول يسرق ابوي
ابو وليد : كلنا عرفناه الله لايسامحه بس وش يبي عنذ غرفه البنات؟
فيصل : هذا ماكان يعرف عمي ابو نواف؟
ريان : الا صح
الجدة : لقوه ياسعود؟
سعود : لا بس طلعو اسمه وقالو بـ يدوروه بس اخاف يلقوه واحنا بالجنوب
الجده : لا معليك اذا كذا نرجع
ام سعود : مدري ياوليدي
سعود : لا معليكم اذا ارسلو علي برجع على طووول للرياض
ام ليليان : ولا نكتسل الروحه لبعدين؟
ليليان : لااااا تكفييين
ام سعود : لالا احنا جهزنا وخلاص واللي كاتبه ربي بيصير
ام ليليان : توكلنا على الله
الجد : يلاا ياعياال
ام سعود : احنا جاهزين البنات كمان
الجده : طيب يلا بسم الله
انا وعبدالله والامهات والاباء بسياره وحده
وفيصل ووليد واديم و ليليان
ريان : تم انا جاهز بس فيصل وسعود يتجهزو لحينه
