اهليين حبيبااتي طمنوني عنكم؟
اعتذر عن القطعه بنوتاتتي اسفف اسفف حيل 🥺
يارب يعجبكم البارت ❤️
كتبته سريع سريع اعتذر اذا غلطت
اول مانفتح الباب وبانت الصدمه بعيون الكل
ابو وليد بصدمه وقف : وليد
ضحك وليد : اييييه يا يبه!
ركضت ام وليد تحظنه : وحشتني ياحبيبي وحشتني
وليد حظنها : اكثر يا اميمتي حبيبتي
ابو وليد حظنه : ياحبيب قلبي وحشتني
حظنه وليد وباس راسه : مايوحشك غالي والحمدلله وصلت بالسلامة
الجدة حظنته وهي تصيح : اه ياقلبي خفنا عليك ياوليدي
تقدمو ليليان ونيهال عشان يمسكون الجدة
وعد نطت حظنته : فقدناااك يا وليد اشتقت لك
وليد وهو يبادلها الحظن ويبوسها : اكثر ياعمري
استوقفهم سوال فيصل : انت حقيقي؟
وليد : لا ابد بطير الحين وش رايك؟
ضحك عبدالعزيز وحظنه : وحشتنييي
ريان : مالقيت احد يزرف اكلي اخر الليل
ابو ليليان : اهم شيء إنك بخير ياقلبي
وليد : الحمدلله بخير كله بفضل محسن واحمد
زياد : وينهم؟
وليد : إن شاءالله يزورونا بالعيد
ابو سعود : الحمدلله انك بخير
زياد : ياخي احسك كذبي
وليد ضحك : شفيكم
ام ليليان : اشتقنا لك ياوليدي الحياة من دونك ماهي بخير لا ليلنا ليل ولا نهارنا نهار
وليد باس راسها : جعلني مانحرم منكم والحمدلله بخير بس جلست مع نفسي ايام شوي كذا ورجعت
محمد : الاايام ذي تمر مر السنين علينا
حظنه وليد : ياحياتي ياابو وريف الله يسعدك يارب
فيصل ضربه بخفه : وربي لولا اعمامي كان هبدتك بذا الكف يطيرك برا البيت
وليد بضحك : انت يكفي لو قلت ا طرت
ضحك فيصل والكل ضحكوا عليه
وليد : جوعان مابتدخلوني؟
ام زياد : تفضل تفضل خش
ناظر وليد بالجد وصد الجد عنه وعرفوا جميعهم ان الجد زعلان منه
رجعوا كلهم يجلسون ويسولفون وفرحانين برجوع وليد
ولحد الان ماحد مصدق يحسبونه كذب
سعود : وليد إنت حقيقي؟
وليد : تستهبلون هههههههه
اديم وهي تهمس لـ ليليان : مزيون
ليليان ضربتها بخفه : اثقلي
وعد وهي تسمع وتضحك
اديم : استري
وعد : معليك
الجد : يلا اذن سمو وكلو
وبدو كلهم يسمون وياكلون وكل شوي واحد يسال عن حال وليد
وليد : عمه ام زياد وام سعود
ام زياد : سم
وليد : إسفه اللي صار بالجوهره بسببي واديم بعد
ام زياد : تناسينا الوضع و ثالث يوم عيد بيكون زواج الجوهره وفايز .
وليد : كويس
الجد : احنا يوم ١٠ رمضان بنروح للعزبه لييين ١٩ رمضان ونرجع مين يخاوينا؟
ليليان : لا بنجلس
ام سعود : ما عمركم رحتو معنا
وعد : مانبي
اديم : يايمه هناك كتمه وحر
ام ليليان: الله الله
الجوهره : نجلس كلنا
سوسن : إيوه
عبدالعزيز : واحنا بنجلس عند البنات إكيد
محمد : ايوا مابنخليهم
الجدة : براحتكم ياحبايبي
ورجعوا كملو ياكلون ويسولفون مع بعض
ووليد مستانس لانه مشتاق لهذي الجلسة
ام سعود : بس ها برمضان ترتبو زين ماتخربون زي اللي فات
ضحكت نيهال : معليييك ابشري ههههه
ام سعود : الله يبشرك بالجنة حبيبتي
