اول شيء اسف على السحبه الطويله ذي بس زي ماقلت كلن عندي عرس لقريبي ولما خلصنا منه صار ماعندي شغف اكتب ولكن اجبر نفسي اكتب
وحتنى والله افقد شغفيي كثير بالكتابه🩷
_________________
الصباح /
صحت ليليان الساعه ١١:٥٨ وراحت فرشت اسنانها واخذت شاور وبدلت ملابسها ونزلت لاهلها
ام سعود : ياهلا ب ليليان
ام وليد : البنات وين
ليليان : يوه يخاله لاحكيلكم تخيلوا " وكملت لهم كل شيء "
ام وليد : اووه
ام ليليان : يلا ليله عمر حلوه
ليليان : بيوم زواجي ترا بسوي اكثر من كذا وماعلي من كلام العجايز
ام سعود : وش جاب ذا الطاري
ليليان : هاه
ام وليد غمزت : ليليان ؟
ام ليليان ضحكت يوم فهمت : انتي مستعجله
ليليان : خلوني افطر طيب لاتسدو نفسي
الجده : حرام عليكم خلوها
صحت نيهال وجت : اووه تاكلين بدوني
وجت جلست اكلت
وبعدها صحت اديم ووعد والعنود مره وحده وجو نزلو اكلو
نرجع لعند ام زياد /
ام زياد سوت حلى : يلا يالجوهره بنروح لـ لمى
الجوهرة : يلا ياماما جيييت جيت بس جبت هديتي
ام زياد : بسم الله مشينا
وراحت ام زياد للمى /
عند لمى /
بالمطبخ /
لمى : ياربي وين راحت الكريمة بزين
تزين وهي متضايقه كثييير
زينت اخيرًا ولما حطت الاكل على الطاوله دقو الباب
لمى : جيييت
وفتحت الباب : ياههلا والله
ام زياد : هلا فيك حبيبتي
الجوهره اابتسمت : هلا فيك يقلبي
لمى : تفضلو حياكم الله البيت بيتكم
ام زياد : الله يبقيك
دخلت الجوهره وامها وجلسو
وبتدت لمى تقهويهم
والجوهره تسولف مع لمى وامها كمان
فجأه بنص السوالف نطقت ام زياد /
ام زياد : لمى انتي ماملكتي صح يعني ماصرتي ع ذمته؟
لمى : اي الله يرحمه
ام زياد : عندي لك فكرة
لمى : ايش؟
ام زياد : ازوجك ولدي زياد بما انه مقبل على الزواج
لمى : والله والنعم فيه
نرجع لبيت الجد /
ليليان : يمه عادي نروح السوق ؟
ام ليليان : ليه
ليليان : نبي نسوي حلا والصحن ماهو عندنا
ام وليد : فاضيات
اديم : تكفيين ياخاله والله على طول نجي بس نجيب الصحن ونمر للبقالة نجيب المقادير
ام سعود: خلوهم يروحو
وعد : والصحن فلوسه علي
ليليان : لا علي
نيهال : وخري انتي وياها الصحن علي
اديم : اص انتو المهم يمه كلمي سعوود تكفيين
ام سعود : ولدي توه خاطب خل ندلعه
ليليان : اوه ههههههههههههه
ام وليد : شوفو وليد
اديم : لا تكفيينن يعممه وليد عصبي منعرف له مره يذب مره يعصب مره يضحك وشذا
ام وليد ضحكت : طيب فيصل
وعد : لالالا فيصل زي وليد عصبي عصبي يخوف ضخم
ام ليليان : اجل ريان
نيهال : لاااا والله انا ماني ماشيه اذا كان ريان بعد اللي صار يافشلتي بس
الجده : محمد؟
العنود : لا زوجي يتعب
اديم والبنات لفو عليها بقوة : يييع!
ليليان : مالنا غير الحب سعود
الجده : الحب هاااه! "وغمزت"
ليليان ضحكت : طيب ياجده بتقنعيني انتي وجدي ماكنتو كذا
الجده : الا صح يلا امشو البسو انا اكلم سعود
ليليان : حيييكككك
الجده : امشي بس
وراحو البنات ودقت الجده ع سعود
سعود : ياهلا والله
الجده : هلا فيك اسمع ياوليدي البنات يبون "وكملت له"
سعود : ابشري منعيوني
الجده : لو ليليان ماهي معهم ماكان قلت منعيوني
سعود ضحك : قفطتيني
جلست العنود مع وريف لانها ماكانت تبي تمشي
وجاء سعود : سلام عليكم وين البنات
ام ليليان : ياهلا بعيون عمته البنات جوا يلبسو
سعود جلس : عطوني حبيبة خاله عيون خالها
صحيح سعود مايحب الاطفال ولكن وريف متعلق فيها وبقوه
عطته العنود بنتها وتكلم سعود : ياهلا بعييووني ياهلا
ولف على العنود : مابتمشين؟
العنود : لا والله مالي خلق
سعود : طيب قوليلي وش تبين
العنود : لا مابي شيء
سعود : والله لاتقولين وش تبين
العنود : مابي الا بسكوتي اللي احبه عرفته
سعود : اييه وشبس فورنو؟
العنود : صح عليك
سعود : افهمك
ام سعود : بسم الله عليكم
سعود : شفيك
ام سعود سمت اول ماشافت البنات جايين يركضو
سعود : ياعوذ بالله الحين يشوفوني يقولو سعود مركب معه باتمانات
ام ليليان ضحكت : حرام عليك
ليليان ضحكت : اقول يلا خل نمشي
سعود : يلا
عند السياره اديم بتركب قدام
سعود : اوووببس اديم ورا يلا
ليليان تناظر وتضحك
اديم : يالحيوان تركب هالحيوانه قدام عني
سعود : مين الحيوانه
اديم : نيهال
نيهال : وشدخلني
سعود : ايه تهاوشو حبيبتي لا تلمسوها
وركبوا
اديم : انا اتعرض للغدره من اخوي
وعد : يلا تتخطي بعدين
سعود : اديم تراك اختي
اديم : بس انا عشت معك سنين
ليليان : ايش اللي سنين وانتي عطيتيه بالحجر على راسه صار مايعرف حتى نفسه
سعود ضحك : شفتي
نيهال : بس انه رجع يعرفنا خلاص بكامل عافيته
ليليان : بس انا انقذته
وعد : يههب صدق انك باتمان
سعود : هييه
وعد : اقول اص ياروميو وجوليت
اديم : امحق روميو وجوليت
نيهال : كنت متحمسة اتزوج بس يوم شفتهم تحمست زياده
اديم ضحكت : كففوو " بعدين استوعبت" هااه؟
ليليان : اص بس صلحي عقلك وتعالي تكلمي
سعود ضحك : اي يلا وصلنا
ليليان : نبييي السوق بنشتري صحن
سعود : ليليان انا اعرفك تحبين المواعين اخاف تطلعين باكياس!
ليليان : لا معليك ازهلني
سعود : يلا نزلنا
ونزلو البنات ودخلو السوق
المساعد المُسن اللي كان بـ المحل : ياهلا بسعود
سعود يوم شافه ضحك : ياهلا فيييك ياعم
المساعد : كيفك وش اخبارك ياولدي
سعود : الحمدلله وانت كيفك
المساعد : الحمدلله وخطبببت ياسعود
سعود ضحك : ايوالله الحمد لله
المساعد : الحمدلله عقبال نشوف عيالك
ليليان وهي تسمعهم كحت من الصدمه
سعود لف عليها : بسم الله عليك شفيك
ليليان : مافيني شيء بسم الله
سعود : انتبهي "ورجع لف للمساعد : اي ياعم
المساعد : هذي زوجتك؟
سعود : اي نعم خطيبتي
المساعد : الله يحفظكم
سعود : ويحفظك
وبعدها مشوا واشتروا البنات
ليليان جالسة بين الأكواب وتناظر وتخلي
جاء سعود : تشوفين البقر الاثنين ذول؟ "كوب"
ليليان : اييه حلوين
سعود : خل نشتريها لنا
ليليان : والله تم
سعود : تم
واخذها سعود
وعد : ليليان تعالي شوفي
ليليان جت : وشو
اديم : شوفي ذا الصحن اللي مع وعد ولا اللي معي
ليليان : احس اللي مع وعد اكبر واوسع
اديم : تفه
ليليان: والله صدق
اديم : صح
نيهال جت معها كوب : شوفوو يجنن والله لاشتريه عليه قلوب
سعود : ابلش جايين عشان صحن وبتشترولي اكواب بعد
ليليان : ياستاذ سعود ترا اللي معك انت قلت نشتريه
سعود : طيب استري علي
ليليان : سم ههههههه
نيهال : خلصنا؟ باقي البقالة
سعود : بالبقاله ماتروحون يمين يسار خلكم مع بعض فاضي اضيعكم
ليليان : معك السيده بات ويمن
سعود : امشي بس ههههههههههههه
ومشو حاسببوا وكان الحساب رخييص ب ٥٠ ريال
البنت الكاشير ابتسمت وناظرت بسعود : حسابك ٥٠ ريال
ليليان مدت فلوسها
سعود مسك يدها : ماتحاسبي
ليليان : الا وال
سعود : والله ماتحاسبين
ليليان : هيه سعود
سعود : يا امي انتي خلاص انا عادي
الكاشيره : يلا سريع وراك زباين
ليليان ناظرت ورا : تشوفين شيء مانشوفه
الكاشيره عطتها تشميقه ولفت لسعود تبتسم : يلا
ليليان : خير خير!
الكاشيره بدلع : ايش فيك؟
نيهال : يابنت الناس عندي مراره وحدة لاتفقعيها وش هالدلع يعني سعود وده يناظر فيك ؟
الكاشيره : ماش والله هالمقشع خطيبه؟
ليليان : المقشع ابو...
سعود ناظر بـ ليليان : يعني انتي متوقعه اني بناظر فيها واسحب عليك؟ تعرفين طلال مداح وش قال؟ مادام معايا القمر مالي ومال النجوم
ليليان ابتسسسمت واستحت
اديم سحبتها : امشي بس يام الخجل
ومشو البنات وسعود وراهم
اديم : اخس سعود معرفتك رومنسي
سعود : والله فقعت مرارتي بدلعها ذا يعنني غنوجه انشهد انك خنوشه
ليليان ضحكت : اف تقههررررر
اديم : معليك منها يلا ع البقالة انت الثاني
سعود : طيب
ومشى سعود ووقف عند البقاله : يلا انزلو بنتظركم بالسياره
ليليان : ليه
سعود : مالي خلق انزل خذي صرافتي
ليليان : لا انا احاسب
سعود : ليليان
ليليان سكرت الباب واشرت له يعني اص
سعود ابتسم : سمي
وراحت هي والبنات
في البقالة /
نزلت ليليان اخذت الفراوله والتوت واغراض البودينق وحاسبت رجعت السياره عند سعود ماتبيه لحاله
اما البنات قعدوا يحوسو
دخلت ليليان السياره : اف حر
سعود : وين البنات؟
ليليان : لسا يشترو ، المهم سيارتك مكتمه
سعود : وش مكتمه؟
ليليان : مظلله ابفصخ
سعود : دقيقه احطه
"كان عندو تضليل بس يتركب ويتنزل"
المهم ركبه و ليليان فصخت : ياويلي حر
سعود ضحك وهو يناظر : مره
فجاه صمت و ليليان على جوالها
سعود : ليليان
ليليان بس همهمت حتى ماناظرت
سعود : ليليان
ليليان لفت عليه : هلا
سعود : تدرين وش قاعد افكر فيه؟ "ورجع ضهره لـ المرتبه"
ليليان : ايش تفكر فيه؟
سعود : اتخيل لو ان زياد تزوجك ؟ ووقتها وش بيصير فيني
ليليان : الحمدلله شيء وعدى انا للان ماصدقت انه ماتم العرس وللحين منصدمه خطبتنا كيف صارت؟
سعود : سوو لنا سبرايز
ليليان : زياد كان غبي ومايفكر الا بنفسه ماتحس انه الان تغير وصار احسن من قبل ؟
سعود بغيره : يع
ليليان : لا صدق اكلمك
سعود عطاها نظره وفهمت : ياخي حتى لو قلت كذا ماحد غيرك فقلبي
سعود ضحك بثقه : ادري
ليليان : الثقه تعجبني
سعود مد يده لها وشبكت يدها بيدينيه
سعود و ليليان ماحد فيهم كان مصدق انهم خطبو خلاص وقريب بيتزوجو وبتصير ام لعيالها وهو اب لعيالها ماحد فيهم مصدق خطبتهم صارت بسرعه بدون لايدرون ولكن كلهم يحبون بعض ويبون بعض وكلهم تحقق امنيتهم
دخلت اديم : ياليل اشم ريحه حب
دفتها وعد : تراك معهم يلا امشي
نيهال دخلت : ازعجتونا
سعود لف : احسب الكاشير جوا الكيس
اديم ناظرت بيديهم المتشابكه : ييعع
سعود : اديم ترا بهفك بذا الكف
وعد : معليكم اديم عزابيه ووحيده ومالها فالحه غير بالطقطقة
اديم : افا ياراس العنز اقول انقلعي
ليليان : يلا سعود خل نحرك
سعود : اي اي
ومشو الين ماوصلو الى البيت "بالسيارة"
ووصلو و ليليان اخذت كيس واديم كيس
ودخلوا
ليليان : جيننناااا
الجده : ياهلا
اديم ركضت : الحين بتشوفو احلى كيك
ليليان : لاتطيحي
اديم : معلييك
ومشت وعد ونيهال و ليليان لاديم جوا وبدوا يحظروا
اما سعود راح جلس عند العنود مع وريف
سعود : ياحبيلك يابنت العنود
العنود ضحكت : حتى هي تحبكم
سعود : كم صار عمرها
العنود : اسبوعين
سعود ضحك : حبيبه خااالها
ام ليليان : صدق خل نطلب لها فروه هي وامها وابوها زي بعض
سعود : حلوه الفكره ياخاله
ام سعود : حلوه
جت ليليان : ماما
ام ليليان : هلا
اديم جت ومعها كوب سعود و ليليان
ليليان : ماما لاتشوفين الكوب
اديم : ياخاله شفتي بنتك الخبله مشتريه لها ذا هي ووسعود
سعود : لاتظلميها حرام انا قلت تشتريه
ام ليليان شافته : طيب شفيك مستحيه حلو والله
ليليان : هو حلو بس اديم ماغير تتضاحك علي
اديم ضحكت : تشتري بقر وانتي وسعود اكبر بقران
ليليان وقفت وركضت اديم و ليليان وراها
سعود : انجنن صح يعيون خالك
ورجعها للعنود ووقف : انا بمشي
ام سعود : وين
سعود : برجع لدوامي
ام سعود : انتبه لنفسك
سعود : ابشري يميمتي ، توصون شيء
الكل : لا انتبه لنفسك
ومشى سعود
ام وليد : خساره الحين مايذوق الكيكه
ام سعود : يسوو له عادي
العنود قامت : بروح للبنات امسكي يمه وريف
