ريان : والله شوفو انا وفايز ضيوف يعني مارح نتحرك
الجد عبدالله : من يوم ماجيتو وانتو تقولو ضيوف ضيوف ترا من رمضان وانتو عندنا راحت الضيافه
فايز : افا ياعبدالله
زياد قام وحضن الجد : انت مو طيب غير معي
الجد عبدالله: لا معك ولا مع غيرك تبو رضاي روحو ودو البنات ، والبنات يختارو من
البنات بصوت واحد : عششششت
اديم : نبي راس البطاطس الماكول ذا
وليد : انا؟
فايز : ذبه للبيع
الجوهره : اي انت ياوليد
وليد : وليهه بس انا حسيبكم ربيي!!
الجد : قم وانت ساكت الوققتت!!!
وراحو .. عند جيرانهم
ليليان دقت الباب وفتحت لميس : ياهلا
نوف : هلا فيك ياروحي وخذي هذا لامك
نيهال بهمس مسموع : تجنن حبيتها
لميس : اسمعك ههههه يزينك بس
نيهال : انفضحت
ضحكو البنات
وليد بصوت عالي : بدال ماتتضاحكو اخلصو علي
لميس : الله يعينكم عليه
العنود : حاقد علينا عشان بس خليناها يودينا وجدي غصبه
لميس : يعجبني جدكم هههههههههه
وعد : يلا عاد بنروح وسلمي لنا على امك
لميس : ابشري ، باي
البنات : باي (وراحو للسياره)
وليد : بدريي!!
ليليان : شفت لو مابلعت لسانك بعلم جدي يذوقك العصى
وليد : كليزق بس
وعد ببرود عشان تقهر وليد : يلا بس ع الجاره الثانيه
وليد : ياربيي بروددك يجللطط
ووزعو الاكل ع الجيران
اديم : ياويلييي الساعه ٦:١٧ دقيقه!!
ليليان : لحينه ياذذذنن
الجوهره : اسرع انت الثاني
وليد : ايي جيعان ريحه الاكل نشبت بسيارتي
نوف : احنا نقولك اسرع ولا تجاوع عندنا!
وليد : سمي يلا ماشي
نيهال : بدري .
(وصلو البيت ولقو الامهات حاطين السفره )
العنود : اسفيين وربي اننا تاخرنا وحطيتو الاكل بدالنا
ام ليليان : عادي يابنتي .
عند العيال والاباء والجد
فايز : انا مروح اليوم شقتي وبرجع ٢٩ رمضان
الجد : وليه ماتقعد
فايز : مدري والله (وناظر بريان)تخاويني ياريان؟
ريان : تم ماقول لا
وليد : لااا تتركوني مع الجحوش ذول
قال ريان : اخاف ٤ ايام مانفطر ههههههه
فايز : معليك معك فايز
نواف : واضح طباخ والله من هش هش وانا غاسل يدي
فايز : خيرر كنت منفجع
الجد ضحك : شفيكم؟
قال له سعود السالفه : اهه منكم هههههههه
وضحكو الكل
ب٢٥ رمضان //
ام سعود : بنات قومو ساعدونا عشان المغرب بنروح السوق نشتري ملابس العيد الساعه ٤!!!
نوف : انا مشتريه من شي ان
ام زياد : ياليل شن شن ذا مدري شسمه
طاحو البنات ضحك
نيهال : يمه اسمه شي ان شي ان
ام زياد : شي ان شن شن كله واحد ساعدونا بس
ليليان : يوه انا قلت لامي ابشتري من شي ان تقول يتاخر وانا معلمتها من اول رمضان!
ام ليليان : وانا صادقه عاد انتي شوي وتاخذي راعي شي ان
طاحو البنات ضحك وقالت ليليان : يممهه ههههه
اديم : مالومها صادقه
ام نوف : مالومها والله شي ان يازين ملابسهم واغراض البيت
ام وليد : اي انا في بيتتنا بالمدينه كله مشترين زينه من شي ان مالوم ليليان والله
ليليان : كفو اسمعو الكلام الصح
نوف : انا حياتي كلها شي ان وربي هههههههه
الجوهره : شن شن ههههه امزح المهم خلونا نروح المطبخ يلا
ام سعود : اي يلا بنوتاتي
ليليان : عاش بنوتاتي
ام وعد : اييي شعرفك انتي
بالمطبخ //
(كالعادة حوسه زي كل يوم برمضان ونوف وطبخها الزين اللي الكل يحبه وهي لا ، وصراخ البنات على العيال عشان يرتبوا السفره والجلسه) طبعًا بحكم انه اخر ٥ ايام رمضان يجلسو يفطرو كلهم مع بعض العيال والبنات والامهات والاباء)
نوف : مدري وش يعجبكم بطبخي
ليليان : بالعكس بجنن
ام وعد : وربي يجنن طبختس يابنتي
اديم : تاكلين اصابعك وراهه
نوف : والله؟
الجوهره: لو تسوي الزلابيه عن ليليان احسن
ليليان : خييرر! وجع
ام سعود : ليه يابنيتي؟ اهم شيء طعمه ولا هو خربان خربان ببطنتس
نوف : صح صادقة
ام زياد : استعجلن بالله الساعه ٤:٣٠
الجوهره : بطني توجعني جعت
ام وليد : الحمدلله اننا متسحرين عاد
وعد : وربيي! لاعاد تخلو العيال يسوو السحور
ام سعود : نيهال عادي تروحي تقولي للعيال يضبطو السفره والجلسه؟
نيهال : ابشري . (نيهال راحت ونادت زياد)
زياد : هلا؟
نيهال : خالتي نورا تقول لكم سوو السفره والجلسه وضبطوها زين
زياد : اف طيب
نيهال : لا تافف
دخل زياد للعيال : يعيال عمتي نوره تقول ضبظو السفره والجلسه
