صلو على الرسول واستغفروا"
(لاتنسوون النجمة تدعموني فيها ❤️❤️)
الفجر /
عند سعود و ليليان واديم
كانو شابين النار ومسويين الفطور لانهم يعرفو هذا وقت انه الاهل يصحو
الجد صحى من نومه على ريحه النار وطلع برا شاف سعود و ليليان واديم وسعود يهاوش ليليان ماتشتغل كثير
الجد : اوووه احفادي صاحيين قبلي
سعود : ياهلا والله بحبيبي جدي
ليليان : اييه ياجد نعجبك
اديم : وسوينا الفطور
الجد : اذا مو احلى صباح وانا جدكم
ليليان : ياعمري ياجد الصباح حلو بوجودك
الجد ضحك : ياحبيبتي والله
وبعده قام الجد صحى الباقي وراح صلى
وبعدها لحقوه الاباء والعيال
فيصل : ياجد تعبت مرره من امس نشتغل
الجد : ياهب بمكذبك انا شايفكم بعويناتي رايحين فوق الجبال وش تسوو هناك
ريان : وش نسوي يعني ياجد جلسنا نسولف
الجد : بهالليل؟ تجيكم جنون
وليد : تممزززح فييه جنوون؟؟
ابو سعود ضحك : اي
ابو وليد كمل الكذبه : اي زمان طلعت لي
وليد : والله ماروح
ابو ليليان ضحك : حرام عليكم يكذبو عليك ترا مافي جنون
وليد : خير تكذبو علي
ابو وليد ضحك : نمزح معك والله ههههههههههههه
وليد : خل اروح اصلي عشان ماتدخلني
فيصل : الحمار حمار
الجد والجده والاحفاد متجمعين حول النار
الفطور /
الجده : الله على السناعه يعيالي
الجد : اكيد سنعنين
وليد وهو عارف : مين طبخ البيض؟
ليليان : اديم
وليد وهو ياكل منه : اها حلو طعمه مره
فيصل بنظرات : اكيد لانها اختي
اديم : اكييد من يديني تسلم يديني
ابو سعود : ايوالله تسلم يدينك
وعد انخرشت : ميين هذولاك؟ "واشرت ع سياره"
الجد قام : ياههللا بوليدي
وتقدمت سياره ابو زياد مع نيهال
نزلت نيهال من السيارة وركضت تحظن البنات : وحشتوووننيي!
ليليان ابتسمت : احنا اكثرر
نزل ابو زياد وحظن ابوه : ياهلا والله
الجد : هلا فييك
وابتدوا يسلمو مع بعض ويسالو عن احوال بعض
ابو زياد جلس : الطريق مُتعب
نيهال : مرره الا صدق بنات سويتوا لي مكان؟
ليليان : اكييد
وعد : طبعًا انتِ الاولى اول وحدة
نيهال : حيي ذا الراس
اديم ضحكت : شفتي كيف اننا كفو
ابو زياد : الله لايغير عليكم
الجد : صدق ابو سعد بيسوي خطبه ولده في بيتنا
ليليان : احح تمزح
الجده : وبنرجع بكرا الظهر عشان لما نقول بكرا الخطبه
اديم : يستار وامهاتنا ماختارو ملابسنا طيب هههه
ام ليليان : الا معليك طلبنا لكم يوصل المغرب
وعد : اما عاد يخاله
ام ليليان : اي والله
اديم : حي راسك
نيهال ابتسمت بضيق : طيب وانا
ام سعود : اخترت لك مع اديم
العنود : اهخ ماعاد امي تختار لي
ام سعود : لانك ام يام وريف
محمد ضحك : جاء وقت مشاعر الحُزن
الجد : شفت
العنود ناظرت بوريف : الحينه انا اجهز لك ملابسك متى اشوفك كبيره وترفعين راسي
ليليان : مرحي بس
وعد : تحطيييم
ريان : ليليان
ليليان لفت عليه : هلا
ريان : كيف يدك
ليليان : كويسه الحمدلله
ريان : زين
سعود قام : بروح للبل
اديم : بنرووح مععكك تكفىى
سعود : طيب يلا ماقول لا
ليليان : صصح ياججد ماسقنا بالشاص انا والبنات
الجد : خلاص معليك بكرا بكرا
ليليان : ججد لاتسلك لي
ابو ليليان ضحك : روحي بس
ليليان : حرام عليكم
ابو ليليان مسك تراب : امشي بس
ليليان ضحكت ومشت : سم
ام ليليان : حرام عليك
ابو ليليان : امزح مع بنتي
ليليان : ههييي سعوود خل نروح بالشاص
سعود : ليليان ترا البل قدامنا تشوفيه ميحتاج سياره
ليليان : امانه سععود
سعود : كله عشان تسوقيين
ليليان: حلو ميحتاج اتكلم
اديم : يلاااا تكفى
سعود : يلا طيب جيبو مفتاحه من عند جدي وقولو انا قلت
ليليان : حيي
وعد : وربي كفو
رجعت ليليان : ياججددد سعود يقول خذو المفتاح
الجد : خذي خذي "ومدة"
ليليان حبت راسها : ابوووس راسك يشيخ
وراحت تركض تشغله
