العزبه //
الجد : يلا رتبوو بنرجع للديره يلا يلا
ام ليليان : يلا قايمين
ابو سعود شغل السياره ورتب المراتب
ابو وليد حط العزبه بالسياره
وابو زياد وابو نواف حطو المخدات والبطانيات
الجد : يلا بسم الله توكلنا على الله
وركبو السياره وحركو
البنات والعيال //
ليليان جابت لعبه السمكه ذيك اللي يصطادو فيها
سعود : شذا؟
ليليان : نلعب
زياد : ترا مب بزران عندك
العنود ؛ بكيفنا شتبي انت
بالسياره /
الكل يدري ان ريان ولد ابو ليليان )
الجد : وكيف تعلمه
ابو ليليان : محتار والله
ام سعود : ليه سويتو كذا؟
ام وليد : والله خايفه من رده فعله
ابو ليليان : ان شاءالله قريب اعلمه . بس خايف يصير شيء
ابو وليد : لا معليك مايصير شيء
عند العيال والبنات
ريان : نفسي يكون عندي اخت او اخ
سعود ناظر بفيصل " يعرفو عنه بس ماحد يدري انهم يدرو"
سعود : كيف اللعبه طيب؟
ليليان : تصيد سمكات وهي تتحرك وتفتح فمها ولازم تجمع اكبر عدد
سعود : اديم تعالي ضدي
اديم : تم
لعبو سعود واديم وكانت ليليان تصورهم ...
سعود: فزززت
اديم : كم حقاتك؟
سعود: خمسه
فايز : ياغبييييييييي هي خمسه وانت خمسه
العنود: تعادل
قطع حديثهم صوت الباب
ليليان : جو جو الحمدلله
وقام سعود فتح الباب
الجد : سلام عليكم
الكل: وعليكم السلام
ليليان : اخيرًا جيتو تعبنا واحنا نطبخ
فيصل : في ظلم يخلونا نغسل مواعيين ياجد
الجد : كفو بناتي هم يطبخو وانتو تنضفو . تعادل
فايز : حتى انت ضدنا
الجوهره : الققققم
نيهال : عشت ياجد
ام وليد : بكرا العشر الاواجر جهزو حالكم يعيال تودو للمسجد وانتو يالبنات لجيرانا
وعد : اخخ يمه تعب
وليد : احسن
الجد ضربه بالعصى : انت علامك؟
ليليان : تم
الجد: السحور على العيال
العيال بصوت واحد : لييهه
ريان وفايز : احنا ضيوف ننسحب وجو يبو يمشو
وقطعهم عصى الجد قدامهم : ضيوف وانتو رمضان كله عندنا يلا امشو قدامي
ريان : سم سم ابشر
فايز بهمس : يمه يخوف
الجد : اسمعك ترا
فايز : اسفين اسفين
وليد : من انت حتى تسب جدي! ساضربك الان
الجد : قل والله؟ قدامي يلا ع المطبخ اطبخو العشاء زين
العيال وهم يطبخو
ريان : ياربي انا وش خلاني اجيكم
نواف : سعود اطبخ واحنا نقول اننا طبخنا معك
الجد من ورا : وجعوه ياذا النواف اسمعك ترا
نواف : جد قصدي سعود ريح واحنا نطبخ
عند البنات والحريم //
ليليان : لعبنا لعبه اسماء وطلع للعيال كل وحده اسم
وقلنا نشتري لبعض
ريان & نيهال
سعود & انا
وليد & اديم
نواف & العنود
فايز & الجوهره
فيصل & وعد
زياد & نوف
ام ليليان : حلوو
اديم : واشترينا لكم بعد
ام وليد : الله يسعدكن يارب
ام نوف : جاني فضول اشوف
العنود : لازم تصبرو للعيد عاد
وجو العيال عند الامهات
سعود: تعبت ياربي
فيصل : اخخخ مدري كيف تتحملو
الجوهره : احنا متعودين
فايز : متعودين انتوا مب احنا
وقعدو يسولفو وقطع حديثهم ريحه حريق
ام سعود : لاتقولوها؟
ام زياد : الا قلناها
سعود : لاااا الاااااااكل
الجد : لابارك الله فيكم
اديم : باقي على الاذان ٧ دقايييققق!!!!
الجد : ياليتني ماقلت سووه
وركضو كلهم للمطبخ وشافو الاكل المحترق
سعود : ياليلللل مايمدي حتى نجيب من برا
الجد : اقعد وكل تمر ومويه يلا تستاهلو
ام زياد : الله يصلحكم من ينظف!
البنات : العييااال
الجد : تم بس يويلكم تخربو
ابو سعود : يبه ماتخاف يكسرو المطبخ علينا
الجد : والله لاكسر ارجولهم
وفجاه سمعو (الله واكبر)
الكل : لااا
الجد : حسبي الله عليكم
ام ليليان : وكيف نطبخ بكرا ونودي للمسجد
اديم : حسبي الله اخخ جعتت
الجد : يلا صلو وناموا . مافي شيء نسويه الحينه
صلو ونامو ..
الساعه ٧ الصباح صحت الجوهره وشافت اديم تاكل
الجوهره : افطرتيي!!
اديم : لا لا عذر عذر
الجوهره : عبالي
اديم : ارجعي نامي
الجوهره : لو افطر!
اديم : مب ناقصه ذنوب ابعدي عني
ورجعت الجوهره نامت واديم اكلت ورجعت نامت
الساعه ٤:٥٨ دقيقة
الجد : اصحوو يعيااال بسررعة
ام سعود وام ليليان : بنات يلا قومو
ليليان : يمه جيعانه
ام ليليان : والله يابنيتي وش اسوي لك عاد
الجوهره : حسبي الله على ابليس العيال
ام سعود : يلا قومن ساعدنا
وقامو البنات وغسلو وجههم
بالمطبخ //
اديم تشرب مويه
وعد : افطرتييي؟؟؟؟؟؟
ام سعود : بنتت!
اديم : شفيكم عذر ياخي
ليليان : عباليي
ام زياد : حسيت
ام نوف : حتى انا
نيهال : اجل الاكل عليك
اديم : خيييرررر!!!!!
نيهال : وش خير
الجوهره : تمزح تمزح
وعد : خلاص ياخي بلاش مناقره وساعدونا
الساعه ٥ خلصو الامهات اكل وقامو البنات يودو الاكل للجارات والعيال للمسجد
البنات :
ليليان : تعبت
اديم : حتنى
العنود : انتي ناقله شيء ثقيل؟
اديم : لا ياقلبي
الجوهره : صوت خطوات
انفتح الباب .. وطلع ولد جيرانهم ، حمد
حمد : هلا
ليليان : هذا اكل من جدي عبدالله .
حمد : ياهلا عرفتكم ، يعطيكم العافيه
اديم : يعافيك . ومشو
حمد بينه وبين نفسه (ماهقيت ان البراقع يفتني )
حمد : اخخ ايوالله فتني
ليليان : وراه يناظر بـ وعد كذا؟
نيهال : لايشوفه فيصل
وعد :كلوزق بخلي وليد يودينا للجيران الباقيين تعبت من المشي واحنا ماتسرحنا اصلاً
الجوهره : كله من العيال
العنود : الله يصلحهم
رجعو البيت // بالبيت
وعد : ولييدد ودينا للجيران الباقيين تكفى تعبنا واحنا نمشي
وليد : تخسي
سعود ضحك : ترا قريبيين شفيكم
نيهال : والله ان جيتك لا بذا الكف وش قريب!
العيال ناظرو بزياد ..
زياد : احم مالي دخل انا خلها تهبده
سعود : تخسي كانك بنت راشد
نيهال ضربته بالحذيان : اي بنته وغصب عنك
سعود : مب هينه ام راس ذي
اديم : تستاهل ولحينه يلا انت الثاني قم ودينا
وليد ياشر ع نفسه :انا؟
اديم : لا الجدار اللي وراك ايه انت
وليد : اجل خلي الجدار يوديك
وعد : شفت لو ماتقوم باضربك بحذيان نيهال الثانيه
وليد : يلا كنك حفيده عبدالله
الجد جاء : اضربييه يابنتي انتي حفيدتي
وعد : ابشررر ، (وضربت وليد)
الجد : ويلا امشو بكرامتكم ودوهم
العنود : عشت ياجد
الجوهره : احبك ياجد
الجد عبدالله: وانا احبكم
فيصل : عنصرريييييههه!!!! وييين حقوقنا؟
(كانت تراقبهم من بعيد والابتسامه شاقه وجها وودها لو تقدر تجيهم )
ونطقت : اهخ يعيون ضياء انتم ليتني اقدر اجيكم بس باخذ وقت احاول ارتب وضعي ويارب تتقبلو فكره اني عايشه .
(كان بس الجد عبدالله يدري ان الجدة ضياء عايشه)
انتهى ...
___________________
لقيت البارت مكتوب 🥺
انا لحينه قاعد اكتب باحاول اكتب كثييرر عشان بعدين بس انزل ويكون خلاص مافيه ضغط❤️❤️ ادري البارت قصير بس يلا عادي
