عند الجدة /
الجدة ضياء : والله مدري وش اسوي
ام وليد : هونيها يا امي والله صدقيني بنرجع زي اول واحلى عائله
ام ليليان : ايوالله هونيها وتهون وخليها على ربك ان مع العسر يسر حتى لو تعسرت علينا بتتيسر بالنهايه
ام سعود : كلامهم صدق احنا مع بعض يد بيد وبنرجع احلى من قبل حتى هم يبونا بس زياد رادهم .
عند ام زياد /
ام زياد : الجوهره ياعيون امك انا بخرب عليهم ويتزوجك غصب عنه
الجوهره : خلاص ياماما خليهم لاتخربي عليهم بعدين ربي مايوفقني
ام زياد : لا يماما لاتتراجعي انا مخططه خطه والله لادمرهم "وبدت تشرح الخطه"
الجوهره ابتسمت لما اعجبتها الفكرة : تصدقي عجبتني! بسويها
زياد جاء : وش يسوون ماما واختي الحلوين"وجلس"
ام زياد : مانسوي شيء
زياد : يمه احس ودي اعتذر لسعود وجدي يعني
ام زياد : وليه ؟
زياد : لاني عرفت غلطي يامي وخلاص ندمان
الجوهره ضحكت : حلو طيب
زياد : بس معرف كيف بشوف نيهال
ام زياد : عاد نيهال تموت بالارض اللي يمشو عليها
الجوهره : لو نتكلم عن الحنيه فعلاً حنونين بس في اشياء يقهروني فيها
زياد : معليك اذا وليد واديم تزوجو هذا ربي كاتبه وربي كاتبلك حياه سعيده مع غيرك
نيهال جت وباست فوق راس امها : ماما انا بطلع للسوق تم؟
ام زياد : تم وانتبهي لنفسك
نيهال : تم
زياد : تبين اجي معك
نيهال : احتريك بالسياره
وطلعت نيهال من البيت وهي مستغربه من أجتماع هالثلاثه اللي ماوراهم غير الشر
زياد : عاد انا بقوم مع السلامه ومعليك بوليد واديم
الجوهره ناظرت بامها وابتسموا لبعض : معليك يازياد
زياد : يلا باي
"وطلع"
الجوهره : ماما وربي لاخرب عليهم وليد لي انا مو لاديم!
ام زياد : ايوالله وانا امك وليد لك مو لاديم الغببه مدري وش لاقي فيها
عند العنود ومحمد بـ لندن /
العنود : محمد شرايك نروح للبحر؟
محمد : تم والله
العنود : ونركب الفرس حق البحر
محمد : بس انتي كرشتك مترين قدام كيف تركبي؟
العنود : محمممد
محمد : امزح خلينا نركب قارب
العنود : تم تم
العنود بدت تجهز وسوت بان كيك ومحمد كل شوي يزرف حبه وياكل والعنود تخاصمه
العنُود : ااه يامحمد تعبت منك خلني اسوي
محمد نزل راسه بتمثيل الحزن : خلاص اسف
العنود : لا خلاص كل كل شيء ولا نزله الراس ذيه
محمد جلس على الكرسي : بس أقولك خلينا بعد بكرا نروح للجنوب عند اهلنا مرا مشتاق لهم
العنود : تم ، خلصت البان كيك بس يبيلي احط عليها تشوكلت
محمد : سويتي القهوه ولا اسوي؟
العنود زفرت : يووه نسيته بالله سويها
محمد : تبشرييين يالغلا
العنود : بغير اسمي لريوف تدري
محمد : ليه اسمك احلىى
العنود ضحكت : امزح معاك
محمد : يوه فجعتيني المشكلة اسم العنوود افضل بكثير
العنود : ادري
محمد ضحك : الله يالثقه
وراح يسوي القهوه
نرجع لام زياد
ام زياد : هي مو كانت تسب وليد عندنا ؟
الجوهره : ايوا؟
ام زياد : خلاص اجل بنسوي فوتوشوب مكالمات ورسايل ونرسلها لوليد وهي تسب وليد وتمدح واحد ثاني
الجوهره : اووف فكرة تم
ام زياد : كفو
الجوهره اللي قامت تضبط الخطه وكل شيء عشان يخربوا على اديم ووليد
