بعد ساعه وصلو للبيت /
كل السيارت صفت ونزلو /
اديم : ياويلي تعبت
ليليان : حتى انا
وعد : وانا شلون ياربي
ليليان : اااهخ بنزل اغراضي واروح انام
اديم : وانا ووعد معك
ام سعود : لا حبيباتي تعالو نزلو الاغراض اللي اشتريناها
ليليان : تكفيين ياخاله خلي العيال والله تعبانين
ام سعود : العيال يسوقو انتو بس نايمين
وعد : تكفي ياخاله نخيتك
ام سعود ضحكت : خلاص تم روحو نامو
ليليان قربت وباست راسها : كفو كفو
ام سعود ضحكت : اي يلا روحو
راحو البنات فوق وام سعود رجعت للامهات ينزلو مع بعض الاغراض
الجد : اشتقنا لبيتنا
وليد : كلها يوم ويحد
الجد : اص انت
سعود : ويحد اقول بس تعال خذ ودي هذا فوق
الجد : خلصو ورتبو اموركم ودقوا على فايز يجي نتشاور بالموضوع
ابو سعود : ابشر
وراحو الكل رتبو كل شيء وجو العيال والاباء جلسو
ودق الباب مُعلن وصول فايز /
الجد : ياهلا يالله انك تحييه
فايز : البقى ياجد
وجلسو ،
الجد : ها يافايز تبينا نخطب لك؟
فايز : ايوا متجهز انا واغراضي جاهزه بس هم بالرياض واحنا بالجنوب
الجد : ماعليك وانا جدك كل شيء يهون بس نسوي حفله العنود ونرجع على طول ونخطب لك
فايز : تم والله
ابو سعود : ياحبيبي يافايز
وليد : اخس بتتزوج قبلي
فايز : كله عشانك ترا
ابو ليليان : اذا ماتبيها قول لنا
فايز : الا والله ابيها وانا قلت لكم
سعود : ياحظ الجوهره فيك والله
فيصل : صدق البنت بتموت بمكانها اول ماتشوفك
فايز ابتسم : ياقلبي انتو والله
الجد : ابد يافايز اعتبرنا اهلك اي شيء تبيه قول لنا
فايز : انتو اهلي الثانيين والله واحلى اهل
ابو وليد : حبيبنا انت
ابو ليليان : بس يويلك لو ماتبيها وتنجبر عليها
فايز : لا والله ماعليك
ابو سعود : يافايز اي شيء تبيه قول لو ادري بس انك تبي شيء وماتقول
فايز ضحك : لاوالله ابد ابشرو على خشمي اي شيء ابيه اقول لكم
عند الامهات :
ام سعود : ليليان ياخي قهوتك تعجبني
ليليان قامت : ابشريبي اصبلك لحينه كل قهوتي بعد
ام وليد ناظرت بام ليليان : شكلها غدره
ليليان : اففا عليكم انا اغدركم؟ جيبو اصب لكم واسويلكم بعد
وعد : تحمست بزياده ذي
اديم : ماتنلام
الجده : ياخي مدري والله كيف فايز بيتزوج الجوهره؟
ام ليليان : يحبها يامي وهي بتقبل فيه رجال والنعم فيه
ام سعود : اي ماشاءالله عليه
وعد : احنا نروح ولا نقعد
ام وليد : اقعدي اقعدي وش تقومي الله يصلحك
اديم : سمي
ليليان : ياخي ماتحسون فايز يندم ولا؟ الجوهره مرا صايره غثيثه من يوم حبت وليد
الجده : اي والله
اديم : وتقول لامها بصير الثانيه ع راس اديم ياشيخه وليد مافكر فيك لو فكر فيها كان خطبها ماخطبني صح ولا
وعد و ليليان : صصصصحح نتتتفقق
الجدة : ياخي وليدي ابيه ابي اشوفه بس عياله ؟
ام ليليان : الله يهديهم يا امي صدقيني فتره وبتعدي ونرجع اقوى من قبل
الجده : يارب
نرجع للعيال /
وفجاه دق الباب الكل منصدم
سعود : بقوم افتح
الجد : انتبه
سعود قام : ابشر
وراح فتح الباب وانصدم : ممححمممممد
محمد : اييه
سعود حضنه : ياهلا باللي له الخافق يهلي يامرحبا بمحمد
محمد : ياقلبي ياسعود يامرحبا بك
سعود ترك حضنه : اااهخ ماني مصدق اشتقنا لك وللعنود
محمد : صارت سوالف بعلمكم بعدين بس خل ادخل اسلم
جاء محمد : سلام عليكم
الجد قام : ياهلا بمحمد ياهلا بحفيد جده وقلبه
محمد ابتسم : ياهلا بك ياجد "وحضنه"
وسلم على الباقي والكل يهلي ويرحب به
وصل لفايز : اف ياعريسنا متغير
فايز ضحك : اكيد بتغير
فيصل : اف اشتقنا لكك
محمد جلس : وانا وش تقولو عن اشتياقي لكم
قام سعود وصب قهوه
