عند الاباء //
ابو زياد : بدور لنا بيت هنا بالديرة قريب لبيتنا ذا عشان نجلس فيه
ابو محمد : حلو والله والبنات ياخذو راحتهم
ابو وليد : اي عشان العيال هنا
ابو سعود : في ارض هنا ب ٢٠ الف بس تقريًبا ٧في ٨
ابو زياد : حلوو (وقام) : بطلع ادور تبو اجيب شي معي
الكل : لا سلامتك
ابو زياد دق على ام زياد
ام زياد : هلا
ابو زياد : بدور لنا ارض بالديرة بنعيش هنا
ام زياد : امانه؟؟
ابو زياد : اي والله عشان الموضوع هذاك ..
ام زياد قفلت وعلمتهم
فرحو كلهم ان اهل راشد بيقعدو هنا بس ميدرو وش مخبي..
الساعه ٦ المغرب
بالسياره // فيصل وسعود
((رايحين لمكانهم فوق الجبل اللي دايم يقعدو فيه ويفضفضو لبعض))
فيصل : وش مضايقك؟
سعود : اخ يافيصل انا احس بشيء تجاه .....
فيصل : تكذذببب
سعود : ليه اكذب
فيصل : وانا زيك بس لـ... .. ولا ندري يبادلونا الشعور ولا
سعود : يعلم الله بحبي لها واني مابي اكلمها جوال وبالحرام بس معرف كيف افاتح ابوي بالموضوع وانت عارفني خلاص تخرجت بس ماتوضفت
فيصل : وانا تخرجت بنسبه عاليه من الجامعه ويمديني اصير طيار تدري ؟
سعود : طيب صير
فيصل : بقدم ان شاءالله ، الا اقولك ليه ماتصير عسكري
سعود : فكره حلوه
فيصل : وانت طويل ماشاءالله ووزنك حلو وبعدها بس تخطب البنت
سعود : وانت تقدر تصير طيار تخرجت بنسبه ٩٦٪ وهم من ٨٠ وفوق
بالبيت //
الجد : ايوا ياسعود وفيصل نسمعكم
سعود : قررت اقدم على وظيفه وخلاص اكمل نص ديني
ابو سعود بفرحه : زيين الحمدلله
ابو ليليان : من فبالك
وليد بغمزه : سعووود
فيصل : انا وسعود نبي نتوظف .
ابو زيااد : والله حلوو
فيصل : انا طيار
محمد : تسفرنا ع حسابك
ريان : صح
فايز : انا اهم منهم
سسعود : هش هش هههه
فايز : كلتبن
ابو محمد : هيي بس بس عيب
الجد : ومتى بتروح يا سعود؟ للمقابله
سعود : كلمتهم انا بروح لهم الاحد الجاي
ريان : زييينن وانا اصلاً صرت معلم يعني ههههه
فايز : امانه !
ريان : والله
العيال انبسطو وباركوا له
ريان : وبعلمهم كيف يذبحو الصرصور مب زي بعض الناس هش هش
فايز : هيه خلاص عاد هش هش بتطلع من حلقي
ابو سعود : بعلم امكم
دق على ام سعود
ابو سعود : الو نوره
ام سعود : هلا مهند
ابو سعود : ابشرك عيالنا يبو يكملو نص دينهم وقررو يتوضفو
ام سعود زغرطت : الحمدلله يااررب عقبال اديم والعنود
ابو سعود : اميين
وقفلو الخط
ام ليليان : دوم هالفرحه
ام سعود : سعود وفيصل قررو يتزوجو ويتوضفو الحمدلله
ناظرو البنات بوعد و ليليان
ليليان : مبرووك
ام سعود : يمكن انتي
العنود بغمزه : انتي هممم
ام زياد : استحت استحت ههههههه
ام سعود : وسعود مقابلته الاحد الجاي بالرياض .
الكل فرحو الحمدلله الا ليليان ووعد اللي يفكرو بسعود وفيصل مين بيتزوجو؟ وليه فكرو بالزواج؟
بالليل بعد العشاء :
سعود : اديم تعالي انتي والبنات عشان فيصل يبي يقدم ميعرف
اديم : تم جاييين
(قالت للبنات وراحو)
العنود : وعد انتي تعرفي وتحبي الطيران روحي شوفي
وعد ناظرتها وقالت : جيب انت الثاني
فيصل : خذي
وعد : اول شيء سو لك ملف تعريف وراه نقدم طلب
بعد دقايق :
وعد : خلصنا
فيصل : كفو
وعد : التقييم في دبي ترا
فيصل : ووششششووو؟؟
وعد : هو طالع لي
فيصل : وشلون اروح دبي انا؟
اديم : واوو بنروح معك
فايز : الورع شايل هم الروحه وانتي تبي تجين
نيهال : ماحد كلمك كلزق
ريان: الفاضك الفاضك
الجوهره : مسوي استاذ
ريان : وانا استاذ اصلاً
ليليان : تكذب!
ريان : وربيي
البنات : مبرووك لكم كلكم
سعود: فيصل اطلع علم ابوي انه لازم بدبي
وخلو الروحه كلنا نروح بس بعد ما اخلص مقابله
الكل : تم
عند ابو سعود وام سعود :
فيصل : يبه وربي هو طالع بس دبي بس
ابو سعود : طيب وانا ابوك روحو كلكم وانتبهو لنفسكم
ام سعود : متى بتروحو؟
فيصل : بعد مقابله سعود
ام سعود : حلو يحبيبي
فيصل : يلا بروح تبو شيء
ابو سعود : لا ياقلبي
وراح فيصل للعيال : ابوي موافق على طول وافق
زياد: احبهه
اديم : اغار ع ابوي شتبي
الجوهره : صح شتبي بابوها انت؟
ليليان توترت من نظرات سعود : بنات خلاص خلونا نرجع الغرفه
العنود : اي يلا كنت بقول
بالغرفه //
ليليان : بلبس ذا على عرس ريفان
((الملابس حقت العرس والعيد بالتيك انزلها))
اديم : حلو
نيهال : يونس ابوي يبي يدور بيت لنا هنا يقول لقى ب ٢٠ الف ٨ في ٧
الجوهره : حلو
وعد : واو تقعدو هنا؟؟
العنود : حلوو باقي بس انتي ياوعد
ليليان : بنروح مع العيال لدبي؟ اهلنل موافقين؟
وعد : اي موافقين كلهم
ليليان : زين متى نجهز الشنط
اديم : اليوم
العنود : لا وش اليوم خلوها السبت
الجوهره : اخيرًا بطلع برا السعوديه اصير زي الاغنياء
نيهال : هذا همك
وعد : امي كملت ٥ شهور باقي بس ٣ شهور يونس
ليليان : ججدددا يونس والاسامييي قالت بتسميهم الياس وريماس اخخ
ااديم : اسمعو اامهاتنا جالسين برا شرايكم نروح لهم بكرا نطلع الحديقة؟
ليليان : تم يلا
((راحو البنات وجلسو عندهم))
اديم : وشرايكم نروح بكرا الحديقة؟ بكرا الثلاثاء
ام ليليان : حلوه الفكره ومنها نغير جو
ام زياد : تم والله
ام وليد : وانا تم
ام محمد : حلو
ام سعود : وانا تم بعد ههه خلونا نقول للرجال
دقت ام ليليان على ابو ليليان
ام ليليان : الو قاضي
ابو ليليان : هلا فاطمه
ام ليليان : نبي نروح الحديقه بكرا
ابو ليليان : وش حديقته خلونا نروح للعزبه؟
ام ليليان : دقيقه اشوفهم ،، بنات قاضي يقول نروح للعزبه
نيهال : لا تكفي قوليله نبي الحديقه
ام ليليان : يبو الحديقه ياقاضي
ابو ليليان : تمام اشوفهم
(قفل)
الجد : وشبك
ابو ليليان : البنات يبون يطلعو الحديقه
الجد : حلو طيب نغير جو شوي
ابو محمد : تم حنا موافقين
الكل كان موافق
الجد : أجل بكرا نروح
بالمطبخ كانو يحضرو الاكل //
ام وعد : اديم خذي حطي ذا ع السفره
و وعد نادي وليد يشيل الاكل لسفره الرجال
وكانو يجهزو سريع سريع لانهم تاخرو ولازم ينامو بدري عشان بكرا
على السفره :
ام محمد : نوره
ام سعود : هلا؟
ام محمد : نبي نخطب بنتك العنود لولدنا
العنود غصت باللقمه
ام سعود : والله الساعه المباركه بس لازم ناخذ رايي العنود ، ها يالعنود موافقه
العنود : هاه
ام محمد : ومحمد الحمددلله لقى وضيفه
العنود بتسرع وغباء : موافقه
ام سعود : على طول
العنود استحت : يممه
ليليان : كلولولولوليش يصير عندنا عرررررسس لللولوبووشوشووي
العنود : ياسرعك لازم ملكه اول
ام محمد : متى تبون الملكه
اديم : خلوها الجمعه الجايه
ام ليليان : وين يابنتي مايمدي نجهز اليوم الثلاثاء يبقى بس ٣ ايام!
ام سعود : مدري عاد
ليليان : خلووها الثلاثاء الجاي ! او بكرا وهي تلبس حق العيد
العنود : لا خلوها الجمعه بس مو الجايه اللي بعدها
نيهال: البيضه بتتزوج
الجوهره : عيب
ام زياد : برايي ليليان صادقه .
العنود : الجمعه احسن .
ام محمد : الحمدلله ومحمد توظف بشركة اصلاً
ام زياد : وسعود بالدوره بيقعد ٤٥ يوم!! مايقدر يجي
ام سعود : اي ومنقدر ناجل وبيروح هو يوم الخميس.
((العنود ومحمد كلهم يحبو بعض بس محد يعرفه بمشاعره للثاني ولا اعترفوا ))
اليوم الثاني //
الصباح
الجد : يلا قومو جهزو السيارات بنطللع
( طبعًا الجد بيخليهم يروحو للعزبه بس كذب عليهم)
الجده ضياء جايه من تبوك وتنتظرهم بالعزبه)
كانت الجده والجد بخوف كبير ان احفادهم ميتقبلو
السياره الاولى :
وليد السواق ومعه فيصل والبنات ورا
السياره الثانيه :
سعود السواق ومعه الامهات (لان سيارتع كبيره)
السياره الثالثه :
(الجد يسوق والعيال والاباء معه)
طبعًا كلهم يمشو ورا سياره الجد
(( فايز وريان ماراحو معهم
سياره وليد
ليليان : خير مو ع اساس الحديقه!!
فيصل : احنا نتبع جدي
وعد : احس ان المشيه ذيه بتكون سيئه
وليد : فال الله ولا فالك
اديم : اف مطولين باقي نص ساعه
ليليان : انقلعو بتسمع اغاني
بالعزبه //
الجده كانت تنتظرهم بالخيمه
نزلو الاباء اول ووراهم العيال ووراهم البنات والامهات
ابو سعود : انفضو الفرش قبل تجلس.
وماكمل كلامه الا ويشوف كائن شبه امه قدامه
ابو ليليان : من ذا؟
زياد : جننييي يممههه
ضياء : انا يولادي تتذكروني؟
صرخو كلهم //
ابو زياد : يممههه!!!!
انتهى ....
____________
ادري ترا اني اسرع بالاحداث كثير اصلاً معندي احداث قويه مرا ، اما بالنسبه لسعود وفيصل مستحيل تدرون من هم مع الايام بتعرفون هم خاقين على منوو 😉😉
حطولي نجمه تحفزوني 🤗🤗
مو بس تتقرأون وتسحبو ع النجمه ترا النجمة مهمه ✨✨✨.
