عند ليليان : بنات ليه زياد سوا كذا
العنود : مدري ومحمد كذاب يقول بنروح الساعه ٨ وهالحينه ٩ وماجاء
قطع كلامها رساله منها
اديم : يرسل
العنود : يقول بننام اليوم هنا
وعد : حلوو زيين
العنود كتبت له : تمام حبيبي بس ليه؟
محمد : أشتقت للعيال وهبالهم وانتي اكيد مشتاقه للبنات فـ خلاص بنجلس عندهم
العنود : تمام .
(محمد كان يكذب عليها)
عند ابو ليليان وابو سعود
قاضي : والله يامهند اني تعباان من سالفه ريان اللي للحينه مو عارف كيف اعلمه
مهند : اااه وانا اخوك وزياد مدري وش يبي من سعود يارب عدي هالايام على خير
قاضي : صدقني الحق بيبين وانا أخوك والشرطه بتجيب المجهول ذا وزياد
مهند : مالي متوقع من ولد اخوي يسوي كذا
قاضي : انا معرف لراشد يوم معك ويوم عليك
مهند : اخ بس الله يعدي هالايام على خير
قطع كلامهم جيه اخوهم سالم(ابو وليد) و احمد ابو محمد ومعهم شاي
سالم : سلام عليكم اخواني
قاضي : ياهلا ياهلا
((طبعًا الاباء هذول كل ماتضايقو تجمعو عند بعض وقامو يفضفضو وعيالهم كذا وبناتهم برضو))
كانت أحلى عائله بالديرة والكل يشهد على هذا الشيء..
عند البنات //
ليليان : صدق بنات بوريكم كتاباتي
وعد : واو تكتبين؟
ليليان : ايوا
العنود : ورينااا
اديم : طلعتي تكتبي ورينا يلا
ليليان : ....
اديييم : عشششننننا
العنود : واوو
وعد غمزت : ميين ها
اديم : اووف اووف
ليليان : كلوتبن ياخي خلاص مابوريكم
العنود : اسحبييي عليهم
ليليان : مابي مابي
اديم : اسرو بروح انام
العنود : وانا بعد
نامو العنود و اديم بس وعد و ليليان باقي صاحيين
وعد دق جوالها: ليليان بروح ارد
ليليان : طيب
وعد : هلا ريما
ريما : بطلبك طلب
وعد : امري
ريما : خربي بين ليليان وسعود
وعد : ليه؟
ريما : بعطيك فلووس تكفين انا احب سعود
وعد بصدمه : تخسي
ريما : وعد بسويلك اللي تبين وربي
وبدت ريمااا تعبي راس وعد اليين ماقتنعت وعد
بمكان بعيد عند سعود وهو بسيارته
سعود : ياخي زياد ليه يسوي كذا؟ وش مسوي له؟ وليه وكيف ومتى ياخي؟ (كان سعود بباله ملييون سوال وجوابه مستحيل يلاقيه غير عند زياد ولكن خلاص قرر سعود انه ماعاد يعرف اهل زياد ولا في شيء يربطهم ..
وصل سعود ودق على فيصل مايرد وكان فيصل نايييم نومه عمييقه من التعب..
سعود هنا بدا يخاف! ولما ارسل للعنود واديم ماردو خاف وبدا الخوف ياكل قلبه ودخل على طول على رقم ليليان يرسل لها
اما عند البنات ليليان راحت الحمام ومابقت غير وعد عند الجوال وشافت سعود يرسل
وعد : بس هذي فرصتي
سعود : ليليان ؟
ليليان : ايش
سعود : العنود واديم وين؟
ليليان : نايمين
سعود : اها وفيصل
ليليان : مدري عنه شايفني نايمه عنده؟
سعود : شفيك بس سالت خفت ، ماحد يرد علي فيصل مايرد وقلت بسال البنات اخليهم ينزلو له وماردوا
ليليان : اها طيب
سعود بينه وبين نفسه : شفيها ذيه؟ مريضه
((سعود مايدري ان وعد هي اللي تكلمه ))
واما وعد يوم سمعت صوت المويه على طول حذفت الكلام
جت ليليان : اف ياوعد نعست
وعد : يووهه حتنى بنام
ليليان : يلاا
