ليليان اكلت وفجاه حست باختناق وقامت تكحكح
وعد : ييممممهههه خااله ليليان الحقو
اديم : انتي مسويتها بالموز؟
ريما: اي؟
اديم : ياربي معها حساسيه
ريما بينها وبين نفسها : تحسبني مادري : بروح انادي ماما
وراحت نادت امها وجو الامهات ركض
ام ليليان : يويليي ليليان
ام سعود : مويه مويه
راحت ريما تجيب مويه ركض وعطتها
ليليان : يمه
ارتاحو يوم شافو انه خلاص راحت
ام وليد : لا لا مايصير بدق على وليد ولا ريان يشوفوها
ام ليليان : اي تكفون نشوف شفيها
ام سعود : طيب بدق على وليد
ام ريما : اعذروني والله مادرينا ان بنتكم معها حساسيه من الموز
ريما بكذب الحزن : اسفه مادريت
وعد اللي صبرها راح : طيب تمام
ليليان : بستفرغ
اديم : وين الحمام ودوها
ريما : تعالو
وراحو اديم و ليليان ووعد
ريما : دقايق بجيب مويه لها
اديم : ماعندي الا مراره وحده يارب احفظها
وعد : شفتو كيف تبتسم؟
ليليان : تراها بس تبي تنتقم عشان سعود وانا مابي استفرغ
ام سعود جت : ليليان تعالي سعود برا
ليليان : طيب
اديم ووعد : احنا مابنروح
ليليان : بنات!
اديم : والله عاد بكيفك
ليليان : حسبي الله عليك
وعد : يلا خذي عبايتك
ريما جت : اوه وين بتروحين؟
اديم : سعود بيوديها المستشفى
ريما : ايش؟
وعد : تقولك سعود بيوديها المستشفى عشان كذا
ريما : اها طيب "ومشت"
وعد : شفيها زعلت!
ريما وهي تمشي بينها وبين نفسها : يع خططتي فاشله اخر شيء ياخذها سعوود!! يانا ياهي
ودخلت على الامهات : معليش والله مادريت
ووعد واديم جو وراها وجلسو
بالسياره جت ليليان
سعود : كيفك لحينه؟
ليليان : بخير
سعود :كويس بس كان سالتيها فيها موز او لا
ليليان : وانا شدراني عن هالحيه! المشكلة يوم شافتني اختنق تقوم تضحك بالله هذا شيء يضحك!
سعود سكت بعدين تكلم : غبيه
ليليان : اايش؟
سعود ضحك : ماقصدك
ليليان : طيب
بعد دقايق /
سعود : وصلنا يلا انزلي
ليليان : تمام
ونزلو ، اول مادخلو المستشفى /
مشاري دق التحيه لسعود بحكم ان سعود اعلى منه مرتبه
سعود : استرح
ليليان منصدمه وشذا اللي قدامها؟
مشاري : اخيرًا جيت الجنوب
سعود ضحك : والله كلها اسبوعين ونرجع
مشاري : تعال عندنا
ليليان : انا شوي واموت وانتو هنا تسلمو
سعود ضحك : يلا ادخلي جايك
وراحت ليليان
مشاري : شفيها هههههه
سعود : اكلت كيكه موز من عند ريما وهي فيها حساسيه
مشاري : ريما ذيه ماتنتهي
سعود : ايوالله يلا بروح انا عشان ماتاكلني
مشاري ضحك : يلا باي
سعود جاء وراها : ادخلي
ليليان : طيب يلا
سعود : السلام عليكم
الدكتورة ابتسمت : ياهلا وعليكم السلام
ليليان باستغراب بينها وبين نفسها : وش اللي ياهلا
سعود ناظر بـ ليليان : اجلسي
ليليان جلست : انا اكلت كيكة موز وانا عندي حساسيه منه
الدكتورة : ياستاذه ليليان ليه تاكليه وانتي عارف ان عندك حساسيه منه؟
ليليان بهمس سمعه سعود : ياليل جاتك الخبله ذي
سعود ضحك : لا هي اكلت كيكه من عند وحده وماتذري انها كيكه بالموز
الدكتورة : كان بامكانك تساليها
ليليان : يالله قلت لك وشدراني بعدين تبيني اسال البنت حاطه فيها موز!!
الدكتورة ضحكت : معليش ياستاذه
سعود : اخلصي بالله
الدكتورة :ابشر . خذي هذا الدواء اشربيه ٣ مرات باليوم
ليليان : تمام شكرًا
الدكتورة : العفو هذا واجبي .
ليليان طلعت وسعود طلع
بالسيارة :
ليليان : وجايبه علاج بزران يعني انا بزر بالله
سعود : خلاص معليك
ليليان مدت يدها بعد مارمت العلاج تبي تقرا وفجاه وسعود مد يده وتصادمت يدينهم ببعض
ليليان : مع. معليش
سعود وهو يناظر فيها : لا عادي
ليليان ناظرت فيه وشافته يناظر فيها وعم الصمت وهم عيونهم لازالت تناظر بعض
جاء مشاري : حييوو سعووود
سعود لف عليه : حييو
مشاري : حيو مافي زيو
سعود : اي وش بغيت؟
مشاري : تخاويني اليوم نروح عند اصحابي
سعود : تم بس اوصل ليليان واجي
مشاري ناظر بـ ليليان وابتسم : وقال سلام
ليليان : وعليكم السلام
سعود بغيييره : اي يلا بنمشي
مشاري ابتسم لـ ليليان وهو يناظر : مع السلامه
سعود رفع القزاز ومشى
بعد دقايق قليله /
سعود : وصلنا وتعالي البيت ترتاحي وبدق على اديم تجي هي ووعد
ليليان بهدوء: طيب
سعود استغرب من هدوئها بس ماحب يتكلم
ليليان نزلت وراحت البيت
الجد : شفيك يابنيتي
ليليان : اكلت عندهم كيكه موز
الجد : اها ياقلب جدك انتبهي ثاني مرا
ريان جاء : ليليان تعالي ابيك
دخلت ليليان جوا وريان وراها وجلست ع الكنب
ريان : عادي تقولي لي سالفة ريما؟
ليليان : اي تم "وقالت له كل شيء من الالف للياء"
ريان : يووه ياذا الريما معليك منها مارح تقدر تسوي شيء واذا تبين اتزوجها عشان ماتضايقكم
ليليان : لالالا خلها معليك منها بس لو تفكر تسوي شيء وربي ماخليها
ريان : تم كفو وعطيني علاجك اشوفه
ليليان مدت يدها عطته /
ريان : يلا امسكي اشربي
ليليان : يعطيك العافيه "وشربت"
ريان قام : انا برا اذا تبين اي شيء قولي لي
كان كل هالموقف قدام سعود اللي مبتسم من حنان رييان بس بنفس الوقت يغار ويوم حس ان ريان بيمشي وقف وطلع برا
ريان طلع وراح عند الاباء /
ابو سعود : شفيها ليليان ؟
ريان : اكلت كيكه موز
ابو وليد : اها خلوها تنتبه مرا ثانيه
فيصل : كله من ام راس ريما
سعود ضحك : ايوالله راسها مربببع كانها صحن جدتي اللي تاكل فيه
الجد : ووجع الا زوجتي
وليد همس لسعود : شايب على اخر عمره ويتغزل مو هين جدي
ومايدري ان الجد يسمعه
الجد : انا شايب على اخر عمري؟
ريان وسعود وفيصل طاحو ضحك
وليد تفشل : اقصد سعود
الجد : ايه سعود
وفجاه دق الباب معلن وصول الاهل
دخلت اديم ووعد وهم يسولفو ويتكلمو
الجد : خلو الحش بعدين ماهو لحينه
الجده : والله تعبت منهم من اول ماطلعنا وهن يحشن في هالريما الله يهديها
اديم ناظرت فيها : وش الله يهديها الله ياخذ روحها قولو امين
وعد ووليد : امييين
ريان : اميين معكم
اديم: قاهرتني شوي وانط في شوشتها
ام سعود : ايوالله يانها قهرتني معكم
فيصل : حتى امي انقهرت
ام ليليان : وين ليليان ؟
ريان : بغرفتها دخلت قبل شوي بعد ماطلعت
ام ليليان : اخذت علاج؟
ريان : ايوا وشربته
ام ليليان : تمام يعطيك العافية
وراحت فوق
وعد واديم والامهات كلهم دخلوا
