الحلقه «2»
انشاء الله تكون عجبتكم الحلقه الاولى🥹♥️
خلود: باتي تسمع فيا
قاسم: اممم
سميره: من وفاة عادل وهوا في الفراش ياريت راما المسترجله عالجاته
قاسم: شافلها لا يقدر يتكلم ولا يتحرك
سمراء: حديرها شي يوم
خلود: هههه ضحكتيني الفرخه هذي نفس امها مافيها خير
ساميه (الام): اسكتي انتي وياه انتن عقارب خساره تعبي عليكن ربيت وكبرت وزوجت ياريت طلع فيكن الخير كل وحده تكلم راجلها يلي شايل الغصايص وانتلفن من قدامي هياااا
سميره؛ خلود؛ سهام؛ سمراء؛ كل وحده فيهن تنطرت في مكان والهاتف في يديهن😂
ساميه: سمرااء
سمراء: نعم
ساميه: كان ماعندك شي خليك معايا اليوم
سميره: ونحنا
ساميه: حوشي حوش عيله مش عقارب حتى الميت مايريحنه
راما: سمعت كل شي دخلت لما كملو كلام.... السلام
ساميه: غزالتي جت تعالي بنيتي
راما: بأبتسامه متصنعه باستها ع راسها.. كيف حالك اليوم
ساميه: الحمدلله على كل حال بس لو يخاطني هالفاعي هذينا
راما: معلش مرات تكسبي اجر في الصبر عليهن
سميره: هااي انتي احترمي نفسك
راما: شافتلها بنضرتها يلي تقتل🤤😂💛
سميره: صح اهلك مش قاعدين عشان يربوك
راما: جديده بنت هذي شكلها لازم حد يصبي على راسها ويعلمها الصح من الغلط وكأن معندهاش عقل نفس الحيوان حشاك
سميره: شدتها من شعرها
راما: لوت يدها وطيحتها.. تعرفي مزالت يدك المجرثمه هذي تلمسني حنخليك عبره للكلبات بناتك وبنات خواتك
خلود: شن دخلهن بناتي
راما: ليش نضتي من دون الثانيات ولا عارفه روحك شن جايبه؟؟
ساميه: بنيتي تعشيتي
راما: الحمدالله تعشيت في حوشي
خلود: حوشك من وين جا وهوا عقاب شقه
راما: جدوو حبيبي
قاسم: ابتسملها
راما: نزلت قريب راسه.. مش حنخليك في الفراش حنعالجك وحترد نفس قبل واحسن
قاسم: نزلو دموعه
راما: مسحتهم ليه باساته على راسه وناضت.. هي تصبحو
ساميه: تلاقي الخير
سميره: امي كيف ماهزبتيش
ساميه: عليش بنهزب
خلود: يعني عاجبك كلامها
ساميه: اها مسحتلي كبدي سلمها ياربي واحفظها وطول بعمرها بنت ولدي عاشت بروحها وعرفت كيف تتصرف وكيف تعرف من صاحبها ومن عدوها ع الاقل هذي صاينه روحها ومتضحكش مع اي حد مش زيك انتي وياها خليني ساكته هابا كان نحكي
سهام و سميره: نصفرت ونخضرت
راما: ع الباب.. هه وااك مزال ي جديده حناخذ حقي وحق ولدك وحق راجلك يلي قاعده راقد وخلاص.. ركبت لشقتها
ابرار: ماما بابا جا
سميره: هيا طالعه
هاجر: امي قالك راجلك هيا
خلود: ي حيوانه شن راجلك هذي
هاجر: مقلتش غلط راجلك ولا مش راجلك هوا
خلود: يبيلك تربيه انتي
ساميه: انتي معرفتيش تربيها من الاول خليها مع راما حتتربيه وتروحلك احسن بنت بعد راما طبعا
هاجر: بنت عمي هذي صقره عاحبتني شخصيتها
خلود: العصا يلي فالحوش حتعجبك قدامي ي زفته مانقص الا راما تعجب بنتي ناقصني جنون انا
_____
بنت..
الشريف💗
______
منير: امتى نزردو
اسلام: خططو وقولوا
عبدالله: شن رايكم يوم السبت
اسكندر: صح نكونو طالعين من حوست الجمعه
منير: الجمعه مفيش حوسه
اسكندر: ي راجل صلاه بعدها غداء بعدها في العشيه حوش العيله وجو شين
رواد: مبردك
منير: رواد غنيلي
اسلام: فطووم غنيليي😂😂
رواد: خزي يمسخ
منير: انا تشبهني ب وحدات هكي ماتوقعتها
اسلام: عندهن فلوس الزف ياريتهن عندي
منير: امشي البس وانفخ وكبر وصغر نفسهن حيجنك فلوس
اسلام: وووك نقعد مخلوق فضائي مش عارف راسي من رجليا😂
اسكندر: فكونا منهن
ايمن: خلاص سكروا ع الموضوع
منير: تي باهي امتى نزردو النفسيه محتاجه زرده ودربوكه ع الجبل
اسلام: وبنات🤤
منير: انت خساره فيك الاسم
كلهم: 😂😂😂 اقسم بالله
اسلام: تي كنكم الزف اي واحد هكي تفكيره
كلهم: وليش نحنا مش هكي
اسلام: مرات فكرتوا بس محكيتوش انا صريح اصلا😌
اسامه: به ي صريحه امشي بصراحتك هذي وقول لباتي ان انت يلي حرقت المولد
اسلام: حاي علييك اسكت وحق ربي يذبحني عكس القبله
اسامه: معناها بلاش قلت ادب
اسلام: سكتنا
جهاد: السلام
كلهم: وعليكم
رواد: وين رايح
جهاد: خدمه متعبتني يراجل
اسلام: مبروك
جهاد: علي شنو
اسلام: قالوا خطبت
جهاد: لا سامع غلط ارتبطت بس
اسلام: معناها حتخبطها صاح
جهاد: تي ليا اسبوع معاها خطبت شنو هذي
اسلام: امشي للحوش من بابه
جهاد: لالا من البلكوني ها ها ها 🙄
اسلام: نعلياا من الضحكه السمحه
جهاد: هياا نرقى ندوش ونرقد انا
اسلام: اسمع
جهاد: نعم
اسلام: قول لرواسي اديرلي نسكافي ادير فيه سمح
جهاد: حنوصيها حاضر
اسلام: اووي بحت فيا
جهاد: تي هاا
اسلام: اموااه نحبك
جهاد: وجهككك
اسامه: يباتييي
اسلام: سكر فمك
اسكندر: 😂😂 يخااليي
اسلام: وقف... اقعدو في امها
اسكندر: تي تعاال
جهاد: النسكافي
اسلام: جا يجري.. صح نسيت
كلهم: 😂😂😂
————
بنت...
الشريف💗
————
راما: في شقتها وقدامها طاوله عليها فلووس دق باب الشقه فتحت
حنين: قالتلك جديده تعالي
راما: قوليلها مش فاضيه.. جت بتسكر
حنين: راما
راما: نعم
حنين: انتي تعرفيني وتعرفي تفكيري انا والله ماعمري قلت عليك كلمه مش حلوه وخاطري نتقرب منك بس مش قادره
راما: طبطبت على كتفها وابتسمت.. وانا مش قاسيه ونعرف من صاحبي ومن عدوي وانتي معمريش جيت شورك ولا ضريتك ولا
حنين: دمعتها ع طرف عينها.. بس خاطري نتقرب منك قصدي خلاص خلاص فوتي ونزلت
راما: سكرت الباب وردت تحسب في فلوسها دق الباب مره ثانيه
موده: راما
راما: فتحت.. رفعت حاجبها بمعني شنو؟
موده: قالتلك جديده سيبي يلي فيدك وتعالي
راما: منبيش
موده: برمت بعيونها في الشقه جت عينها ع الطاوله يلي عليها فلوس وااجد
راما: شافت لاتجاه نضرتها.. كنك جعانه تبي فلوس نعطيك؟!
موده: ليش هكي كلامك ي حقيره
راما: سكرت الباب في وجهها.. ناقصني عاهات انا
موده: نزلت تبكي
حنين: كنك
موده: من النذله راما من تحساب روحها
بشرى: كنها معاك الفاشله هذي
موده: كلمتها و..... هذا يلي صار قصدي من تحساب روحها هذي
سمراء: كنك موده
بشرى: من راما
سمراء: فوتيها عادي
موده: تبكي.. شفت الفلوس يلي ع الطاوله قالتلي كنك جعانه نعطيك شنو الرد هذاا
سمراء: فلوس؟
موده: اها الطاوله مليانه انضر شن تشتغل
اماني: كان ماتطلع بنت ليل
سمراء: تحشمي شن الكلام هذاا
اماني: امالا الفلوس من وين جنها
سمراء: تعالي اسألي جدتك دخلت للحوش... امي راما شن تشتغل
ساميه: منعرفش
سمراء: موده قالتلي شفت طاوله عليها فلوس واجد
ساميه: ربي يوسع في رزقها
سمراء: امي شوفي البنت شن شغلها راقبيها
ساميه: مدخلكش فيها خليها في حالها بس
سمراء: به.. طلعت ركبت لراما.. دقت ع الباب
راما: اووف.. من
سمراء: انا سمراء
راما: تفضلي
سمراء: تستقلبي عمتك ع الباب
راما: عارفتك جايه تسألي ع الفلوس ادخلي هي
سمراء: دخلت للشقه يلي ليها 18 سنه مادخلتلها انتو مصدقين ويقولو ليش راما هكي لان مفيش حد مدورها☹️💔.
سمراء: بنت خويا
راما: حاي ع المعلومة يلي اول مره نسمعها
سمراء: ابتسمت .. طلعتي خفيفه دم
راما: اخلصي
سمراء: الفلوس هذينا من وين
راما: من خدمتي يلي كلها حلال يلي تعبت وسهرت عليها وانا نخطط ونحسب
سمراء: شن هيا خدمتك
راما: شركه
سمراء: شركه شن
راما: شركه سيارات ومقسمه فيها اكثر من فرع واكثر، من منتج واكثر من حاجه نتاجر فيها
سمراء: باهي وفلوسك هذينا كلهن من الشركه
راما: تشرب في المشروب وتحسب.... خذيتي من وقتي واجد حوش اهلك تحت مش شقتي
سمراء: به عاودي علي فلوسك عديهن
راما: لا عديتهن وكملت
سمراء: كم
راما: ليش
سمراء: قولي بس
راما: 1700
سمراء: والله
راما: احسبي بروحك.. مدتهم ليها
سمراء: حسبتهم.. صح كيف مغلطتيش وانتي تحكي وتحسبي
راما: لان مش مهتمه لكلامك هي حوش هلك قتلك وين مكانه تقدري تمشيله
سمراء: نزلت وعلامت التعجب فوق راسها لهدرجه البنت شخصيتها قويه؟!
—————
بنت
الشريف💗
—————
في مكان ثاني ودوله ثانيه
امال: امتى نرجعوا لليبيا
عيسى: مفيش داعي نرجعولها
امال: نبي اهلي
عيسى: كانهم يبوك راه كلموك
امال: نزلت راسها وحابسه دمعتها
عيسى: قرب منها... هذا كله ندير فيه لمصلحتك
امال: حضناته.. مفيش امان وانت مش موجود
عيسى: ابتسم.. باهي متبيش تعشينا
امال: رفعت راسها ومسكت شعرها... حااضر احلى عشاء لعيونيي
عيسى: هياا نراجي فيك اسمعي
امال: نعم
عيسى: ديريه جو رمضان
امال: ثوااني... خشت للمطبخ عجنت وخلطت وطيبت كملت العشاء وطاب تعشوا وقعدوا ع الفلم لين امال رقدت ع الكنبه
عيسى: جابلها غطا وغطاها وناض خلى الكنبه سرير ورقد جنبها
( مش حتلقوا اختصارات نفس اختصاراتي😂💛)
تعالو نقوللكم من امال بس اهلها حيقعدو لغز 🤓💛
امال هربت من حوش اهلها مع عيسى وتزوجت زواج اسلامي يعني مش نفس ما مجتمعنا مفكر المهم انتو عارفين مجتمعنا وتفكيره لو هربت مع واحد معناها غالطه ومش عارفه ايش بس مجتمعنا يلي يبيله اعدام🤓 ميعرفوش حاجه اسمها القلب وما يهوى لا هذا سمعته كويس خلاص مفيش ملائكه الا هوا وفي الاخير يقول ماما وبابا😃 وهذا الشي يلي صار مع امال وقت تقدملها الشخص يلي تحبه ويحبها وطلع راجل معاها وقد كلمه اهلها رفضوه ليش؟ مش توا 🤓
لكن وقت تقدملها واحد ثاني وافقوا ليش؟ مش توا 🤓
نتلاقو في حلقه جديده 😂💛.
أنت تقرأ
فتاة بخمسة عشر شخصيه(روايات ليبيه)
Fantasyروايتي بأسم {فتاة بخمسه عشر شخصيه} 🤍 اكيد نصدمتو من الاسم 😂 بس حتكون روايه بأحداث حلوه نبدو في التقديم🤍🤍 روايتنا الجديده تتكلم على بنت كانت ام قلب طيب وكانت رقيقه وااجد لدرجه ان على ابسط حاجه تصير دموعها ينزلو بسرعه حتى ع اتفه الحاجات وكانت دلوو...
