الحلقه {6}
وصلت راما لليبيا مشت طول لحوشها شافت شن ناقص لصغار ناديه لان المدرسه بدت دخلتهم في مدارس خاصه معروفه وتصرف عليهم وبعدها بأسبوع مشت لشقتها ومن هنا حيبدوا الاحداث🤞🏻💗
ساميه: راما
راما: شافتلها
ساميه: وينك خوفتيني عليك نتصل بيك مترديش نسأل عليك مفيش حد يعرف عليك حاجه
راما: شن الاهتمام الزايد هذا ردي لأسلوبك الاول ومعاملتك الاوله موضوع الحنيه ميمشيش معاك.. وطلعت
ساميه: سحبت الكرسي وجلست ودمعتها ع خدها.. كان عاميني الطمع في المعارض يلي كاتبهم جدك لامك بس مش عارفه ليش كنت نعامل فيك انتي بقسوه رغم ان مادخلك بشي
راما: سمعتها ودخلت.. المعارض يلي تحكي عليهن قاعدات بأسمي مش بأسم ماما وسيارتي هذي من المعرض متاعي توا ردي ماما للدنيا واقتليني انا بدالها مش متقدريش اديريه الشي هذا انتي اخر وحده حتتعذب مني.. وركبت لشقتها
ساميه: كيف المعارض بأسمها؟ مش كان اسم منى عليهن امتى غيروه والمشكله الاوراق الاصليه مكتوب عليهن اسم منى
ركبت راما ورقدت وناضت وساميه مزالت تفكر وفي عقلها الف سؤال وحست بخوف من يلي جايها وتأكدت ان راما اسلوبها هذا وتصرفاتها وقوتها حقيقه مش تصنع وخايفه من سر لو يوصل لراما ساميه حتموت بدون اي مبرر بس هل السر هذا مزال نا وصل لراما ولا وصل وراما مش مبينه؟!
راما: ناضت ع رنت هاتفها.. هففف هذا شن يبي.. ايوه
مصعب: وين قاعده
راما: نعم؟
مصعب: و ي ن ق ا ع د ه
راما: وانت شن دخلك
مصعب: جايك في الشقه
راما: والله حوش جدك ما يجيه الا العيل تعال وخليك نفسهم هه.. سكرت ع وجها
مصعب: وحق ربي تشوفي
راما: ناضت لبست ونزلت شافت مصعب والعيله كلها تحت... جت بتطلع بس عمها يونس كلمها تلفتت.. نعم؟
يونس: تعالي
راما: مشتله.. شن في؟
يونس: اجلسي
راما: جلست.. اي اوامر ثانيه؟
يونس: بنحكي قدام عمامك والعيله كلها من كبيرها لصغيرها
راما: اييه يعني العيله كلها ملتمه ع خاطر كلام بتقوله ليا محسبتش روحي مهمه لهدرجه
يونس: تحكي بأحترام وتسمعي كلامي كويس باهي
راما: تشوفله
يونس: نحنا معندناش بنات يخدمن ولا يسوقن ولا يقعدن في مكان فيه رجاله ولا يقعدن بدون حجاب ولا ولا ولا اي شي انتي اديري فيه
راما: يعني
يونس: يعني الشركه حتسلميها لواحد من اولاد العيله وسيارتك اتبيعيها والمعارض يقعدن لجدتك
راما: باهي
يونس: وتتحجبي وتقعدي معانا وقت نلتمو كلامي مفهوم
راما: وقفت.. الكلام يلي قاعد تحكي فيه توا هذا ليش ماقلته من قبل ولا لقيتني مش نفس بنت اختك يلي مشت وهربت مع واحد ولا مش نفس بناتكم خليك في حالك علم بناتك الكلام يلي قاعد تقول فيه لان في بنت اخرى حدير نفس مادارت امال وكلامك مايعنيلي شي وهي سلام.. طلعت وخلت وراها يونس يهزب وسمراء تبكي وبنات العيله كل وحده تشوف لثانيه وكل وحده خايفه ع روحها
طلعت راما وتلاقت مع يوسف
يوسف: راما
راما: ها؟
يوسف: عمك محمد جوا
راما: رن الجرس واسأل عليه منعرفاش انا
يوسف: به
راما: ركبت سيارتها وطلعت بسرعه
يوسف: نعرف البنات يخافن من السرعه بس هذي هيا يلي تسرع بروحها ربي يهديك.. رن الجرس وسأل ع محمد وطلعله
_____
بنت
الشريف💗
______
ناديه: لاهيا مع عيالها ونيرمين لاهيا في الحوش وكان الجو هادي لين دخلت راما
راما: رمت مفاتيح سيارتها وارتمت ع الصالون
نيرمين: راما في شي مضايقك
راما: واااجد
نيرمين: شن في
راما: تعرفي عيلتي الوسخه ولا
نيرمين: نعرف كل واحد فيهم شن يحب وشن يكره وشن نقطه ضعفه
راما: عارفتك كنتي تشتغلي غادي وانتي يلي كانت تشوفلي من بعيد ومش قادره اديري شي وانتي يلي تهربيلي في اي شي نبيه
نيرمين: اسفه بس ماكان بيدي شي نديره ليك عشان تطلعي من العذاب هذا
راما: اهلي شن سبب موتهم
نيرمين: تلبكت.. حادث نفس ما هما قالو
راما: شافتلها.. متأكده
نيرمين: بلعت ريقها.. اها واصلا فوقتها كنت بره الحوش
راما: كنك توترتي
نيرمين: رايفت ع هدرزت امك بس كانت قريبه ليا
راما: اهمم شن اسمها
نيرمين: كيف
راما: شن اسمها ماما
نيرمين: منى
راما: يعني مفيش اسم ثاني؟
نيرمين: كك كيف كيف يعني
راما: شي نسأل فيك مرات يكونو كاذبين حتى ف اسم امي
نيرمين: لا مش لهدرجه باهي قوليلي شن مضايقك
راما: كذبك
نيرمين: مكذبتش انا
راما: نوضي شوفي شغلك
نيرمين: ناضت بدون صوت
راما: فسرها.. تحسابوني مش فاطنه ولا صغيره عشان تضحكو عليا كلكم كذابين وكلكم ليكم عذاب وواحد اشر من الثاني مش راما يلي ينضحك عليها... وناضت طلعت من حوشها مشت لشركه شغلت الاغنيه يلي تخليها تهدا ومشت بكل هدوء بدون جري لين جا قدامها استقاف.
أنت تقرأ
فتاة بخمسة عشر شخصيه(روايات ليبيه)
Fantasyروايتي بأسم {فتاة بخمسه عشر شخصيه} 🤍 اكيد نصدمتو من الاسم 😂 بس حتكون روايه بأحداث حلوه نبدو في التقديم🤍🤍 روايتنا الجديده تتكلم على بنت كانت ام قلب طيب وكانت رقيقه وااجد لدرجه ان على ابسط حاجه تصير دموعها ينزلو بسرعه حتى ع اتفه الحاجات وكانت دلوو...
