راما: مشت جابت اللابتوب وعلقت الفلاش شافت سهام كيف اضايق في امها... يعني ماما انتحرت بسبب سهام حتموتي نفس ما ماما ماتت ي سهام .... طلعت من الفيد هذا مشت لفيد باتها وهنا كانت الصدمه.. حطت يدها ع فمها
راما: سكرت الابتوب بقوه... ساميه يلي اسمها امه هيا يلي قتلاته بس الاوراق شن قصتهم واوراق شنو اصلا بس كيف ام تقتل ولدها توقعتها تكون قالته ماما بس سهام هيا يلي قتلتها ساميه وين بتريحي مني توا
تتصل بـ نيرمين
نيرمين:رقم دولي... الو
راما: نيرمين انا راما
نيرمين: اهلين راما
راما: اسمعي انا ساعه ونوصل لليبيا نبيك انتي وناديه اديرو عشاء نبي نعزم حوش جدي
نيرمين: حاضر
راما: ناقصكم شي
نيرمين: لالا كل شي موجود
راما: تم هي سلام.. سكرت... ايامك معدوده ي ساميه
ناضت بدلت ومشت للمطار بعد 6 دقائق سمعت نداء رحلتها ركبت للطياره وقدت رمرم في الجو💙
راما: في الطياره تفكر.. من صور هذا كله وليش يصور فيه اصلا زعما مش فاطنين ان في حد يصور ولا كيف اووف ياربي الصبر والقوه لين نوصل لشي يلي نبيه
نيرمين: ناديه
ناديه: من الدروج.. نعم
نيرمين': تعالي انزلي بسرعه
ناديه: هيااا.. نزلت.. نعم كنك تعيطي
نيرمين: راما بعد ساعه حتوصل من تركيا قالت ديرو عشاء بتعزم العيله
ناديه: من وين نزلت الموده... شافت للبابا
نيرمين: 😂😂 قاعده في الطياره توا مزال ماوصلت مش حتفطن
ناديه: يوخيتي جن هذي😂
نيرمين: تنضف في الصالون.. اي بس صوتها مش مريحني ولا عزومتها المفاجأه هذي
ناديه: كيف يعني
نيرمين: سيبت يلي فيدها.. راما تبي تنتقم لاهلها ولروحها
ناديه: وشن دخل حوش جدها وكيف ماتو اهلها
نيرمين: قصص وقصص وقصص وفلاش مهم
ناديه: فلاش؟
نيرمين: اها فلاش كان خلود تسجل
ناديه: وليش
نيرمين: مش عارفه بس بنقولك ع شي متقوليش نهائي ولا نبي تعابير وجهك تتغير لما تشوفي راما
ناديه: احكي
نيرمين: ساميه هيا يلي قتلت منى وعادل
ناديه: شهقت.. كييف ام تقتل ولدها ومرت ولدها
نيرمين: ساميه من يومها تحب الفلوس فلوس وبس ولان عادل ميبيش يكتب الشركات بأسم امه قعدت تحارب فيه ومعش اعابراته ولدها
ناديه: ومنى
نيرمين: منى عيلتها فلوس من صغرها متربيه في عز وايام العرس يوم جابت دبشها كان دبشها فخم يحكو عليه الجارات والكناين وخوات عادل من يومهن قعدن غايرات ويحقدن بطريقه مش طبيعي وساميه كيف ترضى حد يشكر كنتها وميشكرش بناتها كل يلي يجي ويشوف منى يحسابها مش ليبيه كانت تهبلل وكيوت بكل ومتريحتش وقت تزوجت لين توفت المسكينه
ناديه: وراما شن دخلها من هذا كله صغيره كانت ومادخلها
نيرمين: للاسف راما كانت الضحيه لان عادل ومنى سجلو كل املاكهم بأسم راما
ناديه: ليش
نيرمين: لان معندهمش غير هيا
ناديه: ليش منى ماجات غير راما
نيرمين: بعد جابت راما ودارت هذيك اللمه السمحه واهل منى دارو اسبوع فخم لان راما حفيدتهم من بنتهن الوحيده زاد حقد خوات عادل و.. راما دخلت
راما: السلام
نيرمين: بلعت ريقها بصعوبه.. وعليكم السلام
ناديه: وعليكم السلام... تشوف لراما بثبات
نيرمين: يبقره شن قتلك
ناديه: معلش😂
نيرمين: مشت جلست جنب راما.. رمرم
راما: شافتلها... الاسم هذا معش تقوليه ليا
نيرمين: ليش
راما: هكي منحبش
نيرمين: به ليش عازمه عيلتك اليوم
راما: حنعزمهم بس مش حنكون معاهم
نيرمين: ليش
راما: شافتها بعدم فهمت
نيرمين: ق قصدي قصدي عيب يجو الناس وصاحبت الحوش مش قاعده
راما: بنبشرك حيباتو حتى بيات وقت يدخلو للحوش حيتسكر بالمفتاح وانا حنطلع قبل مايجو بشويه
نيرمين: تمام زي ماتحبي.. مشت كملت عقاب شغلها ودخلت المطبخ توتي للعشاء
راما: تشوف لناديه... مفيش داعي ادير طروح و جو متشوفيش فيا انا مايفوتني شي.. وقفت ومشت لدارها
ناديه: ترعش.. نيرمين نيرمين
نيرمين: عرفت صاح
ناديه: شكلها
نيرمين: لا عرفت مش مشكلها بس احمدي ربك ان مزال ماكلمتش كلامي
ناديه: قصدك في مواضيع اخرى
نيرمين: المواضيع مكملتش وصلت لعند اسبوع راما مزاااال لين توصلل لاولى ثانوي وهما يحاربو في اهلها
ناديه: يناري وجعتني
نيرمين: ابتسمتلها وفي عقلها تقول.. مزال ماكملتلك وقريب تبكي امالا كان نكمل شن يصير فيك
راما: في دارها فتحت ع الكاميرات وقعدت تسمع في كلام نيرمين وناديه للاخر... ساعدتيني واجد ي نيرمين مزال يومك حتى انتي
__♕بنت الشريف♕_
عيسى: امااال
امال: نعم
عيسى: شن اديري
امال: نتفرج
عيسى: جا جنبها.. باهي نوضي ديريلنا قهوه
أنت تقرأ
فتاة بخمسة عشر شخصيه(روايات ليبيه)
Fantasyروايتي بأسم {فتاة بخمسه عشر شخصيه} 🤍 اكيد نصدمتو من الاسم 😂 بس حتكون روايه بأحداث حلوه نبدو في التقديم🤍🤍 روايتنا الجديده تتكلم على بنت كانت ام قلب طيب وكانت رقيقه وااجد لدرجه ان على ابسط حاجه تصير دموعها ينزلو بسرعه حتى ع اتفه الحاجات وكانت دلوو...
