فتاة بخمسة عشر شخصيه(روايات ليبيه)

الحلقه8

اليوم العائله كلها حتجتمع في حوش راما يلي مفيش حد يعلم بيه الا حنين وساميه
يونس:  يتصل براما..  الو
راما:  انعم
يونس:  وصلت لشارع مضلم بس فيه فيلا إضائتها حلوه ومنوره ع الشارع
راما:  خلاص وصلت درس سيارتك ولا تبي ادخلها للجنان؟
يونس:  اكيد مأجرتيها صاح؟
راما:  حنفتحلك الباب هي
يونس:  به
راما:  مشت فتحت الباب..  خلوا سياراتكم برا الجنان نضيف
يونس:  هي انزلوا وصلنا
نزلوا العائله الكريمه كلها وكلهم مصدومين بالحوش هذا مش لانه كبير او اول مره يشوفوه لا مصدومين براما كيف قدرت تبني حوشاو فيلا او عماره او قصر مش مفهوم بس هيا ليش مدايرته كبير رغم ان مفيش حد يعيش معاها في الحوش هذا؟ 
حنين:  راما
راما:  نعم
حنين:  حوشك عليش كبير وانتي معندكش حد يسكن فيه
راما:  لان من اليوم يلي يبي يقعد عندي او لو تبوا اديروا مناسبه حوشي هوا حوشكم
حنين:  مش مصدقه انك راما يلي نعرفها
راما:  ومتصدقيش يكون احسن
حنين:  ورا هذا كله في شي ولا
راما:  شي يخصني
موده:  واااااو حوشك كبير
راما:  كان تبي تعيشي هنا خليك
موده:  تحكي جديات
راما:  اها شوفت عينك الحوش كبير ومفيش حد عايش فيه
ساميه:  مشاءالله تبارك الرحمن ع حوش بنيتي ربي يدوم عليك رزقك
راما:  يلي كانت تقولي بنيتي توفت مفيش داعي تحكي نفسها لانك مش حتسوي شي قدامها
ساميه:  تكهربت من كلامها قعمزت وسكتت
راما:  هي تبوا تهدرزوا ولا اتعشوا؟ 
غزاله:  العشاء واتي قصدك؟
راما:  من زمان ي مرت عمي
سميره:  منبيش ناكل
راما:  كنك
سميره:  مرات مدايره فيه شي عشان تمرضينا
راما:  ؏ اساس تهموني عشان ندير شي نفس هكي
مصعب:  نحنا ماجيناش هنا عشان نحصلوا كلام يهينا منك
راما: وانا مهنتش حد شوف كلامهن بعدين حاسبني
مؤيد:  خلاص عاد في كل وقت تتعاركوا خلونا نضحكو اليوم
راما:  اها حتضحكو اكيد
إسلام:  راما
راما:  نعم
إسلام:  كم مواليدك
راما:  عباره عن ارقام🙂
رويدا:  😂😂
إسلام:  غير قولي بس 😂
راما: 1999
إسلام:  معقوله مزال ما تخرجتي؟
راما:  تخرجت ف شهر 6
ساميه:  وكنك ماقلتي
راما:  ليش نقول كان انتم متسألوش؟
ساميه:  قصدي نحنا عائله متجيش هكي
راما:  والعيله مهتمه بأفرادها تقريبا
سمراء:  شن تخرجتي
راما:  هه كملت العمه مش عارفه بنت خوها شن تخصصها وتقولي عائله؟
سمراء:  قصدي مرات تكوني غيرتي تخصصك لان يلي يتخرج من الطب يقعد دكتور وانحنا ما عرفناك تاجره ولا رئيسه مافيا
كلهم:  😂😂
حنين:  اها صح
راما:  والله مزال ماقدمت اوراقي وعاجبني الجو في الشركه هنا وفي تركيا
مصعب:  عندك شركه في تركيا
راما:  عندي في تركيا شركه ومعرض متاع جدي و في ليبيا شركه و 3 معارض 2 لبابا يلي تعرفوهن وواحد لماما🌝
يونس:  مشاء الله دخلك كويس يعني
راما:  شافت حواليها..  قصدك هذا وين عرفت؟
يونس:  اها وكيف كونتيها الشركه يلي في تركيا
راما:  يلي عقله ف راسه يدير اي شي يقدر عليه ولازم وقت تكونها تكون حالتك الماديه سمحه
مصعب:  قتلها خليني نمسك وحده من الاثنين قالتلي لا
محمد:  صح ليش متخلي واحد منهم معاك يكونو سندك؟
راما:  مالقيتكم سند وقت كنت محتاجتكم بنلقاكم توا وقت قعد عندي ظهر وسند احسن من ظهركم وعيالكم؟ 
علي:  بالنسبه ليا كنت ضد يلي يديروا فيه ليك
المنذر:  حتى انا والله
راما:  توا كلكم كويسين
اسكندر:  السبب كله من 5 اشخاص
راما:  ايوه متقولش اسمائهم عشان متبداش القيامه هنا
اسكندر:  ع اساس تعرفيهم انتي
راما:  مفيش شي يخفى عليا 🙂
اسكندر:  به من هما
راما:  شافت ل خلود و سميره و سهام و احلام و يونس و ختمت بساميه يلي دقتت فيها
احلام:  شن دخلني انا
راما:  رايحه سمحه نفسهن
احلام:  راما فوتيني راه معنديش ليك خلوق
راما:  وليش جايتيني انشاء الله؟ 
يونس:  انتي كنك معايا ومعاها
راما:  شن درتلك
يونس:  نظراتك ليا ليش؟
راما:  عارف روحك شن داير وخليني ساكته لان مفيش حد يعلم من الموجودين غيري
يونس: شن داير
راما:  كيف كبرت قعدت تنسى بسرعه؟
يونس:  احكي بأحترام
راما:  المحترم يحترم
يونس: احلام
احلام:  نعم
يونس:  نوضي بنروحو
راما:  محسبتكش تزعل بسرعه ي عموو ☹️🙃
احلام:  انتي تسكتي وعمو مره ثانيه معش تقوليها ع لسانك
راما:  وقفت..  بره من حوشي هي
احلام: حتى انا طالعه
راما:  ايوه اطلعي وعيالك؟ 
يونس: هيا
هويدا ورويدا ورهف: لالا بنقعدوا
اسكندر و راكان:  مدخلناش نحنا انتم غلطتوا
يونس:  خلاص هيا احلام
احلام:  طلعت..  حتشوفي عليه ي راما كلامك هذا
راما:  شنو بتحرقيني ولا بتقولي ي رويدا جيبي الفحم نفس ما كنتي اديري قبل؟