فتاة بخمسه عشر شخصيه
الحلقه ﴿7﴾
اشرقت الشمس ؏ ليبيا كلها واعلنت على يوم جديد❤
راما: ناضت.... رااسيي اووف رقدت واجد.. فتحت فونها لقت مكالمتين من ادم عاودت اتصلت بيه
راما: الوو
ادم: صباح الخير
راما: صباح النوم شنو هربوا ولا مزال
ادم: يهربوا وانا قاعد كنك انتي
راما: عارفتك تهني به فطرو
ادم: اهو قاعدين يفطروا
راما: اهمم كويس شويه اخرى حنجيكم ومعايا امها
ادم: تمام
راما: سكرت... بأمال حيصير شويه عذاب للعيله ومزال ياما جايكم ي عيلتي... مشت دوشت و فطرت بعدها بدلت وتجهزت وطلعت
ساميه: صباح الخير
راما: صباح الظهر
ساميه: تعالي افطري
راما: فطرت
سمراء: شن فطرتي
راما: نعمه ربي
سمراء: اها
ساميه: ماتقوليلي كنك ماتاكلي معانا
راما: مرات ماكلتكم فيها حاجه اضرني
ساميه: والله؟
راما: اها سمراء بيش توتي روحك بعد خمس دقايق جايه بناخذك وبنطلعو
ساميه: وين
راما: مكان
ساميه: به وتوا انتي وين ماشيه
راما: لمكان ثاني🙂 هي سلام
ساميه: اسمعي
راما: وقفت.. شنن
ساميه: جيبيلي معاك كم حاجه نتسلى بيها
راما: حااضر .. وطلعت
سمراء: غريبه قالت حاضر
ساميه: طبعها هذا لمن جاي مش عارفه
سمراء: منى وعادل مش هكي
ساميه: عادل بس اما منى شيطان الرجيم
سمراء: امي انتي ديما ضالمتيها
ساميه: اسكتي تره
راما: تسوق وتفكر في امال ليش وقت هربت مع واحد معدلوش عليها بينما هيا من وفات اهلها قعدو حابسينها ومتطلعش ومفيش حد يضحك في وجهها وتوا يلوموا فيها ع الطبع يلي تربت عليه بس مع هذا كله راما فرحانه لان كبرت وتعلمت وعاشت حياتها احسن من باقي بنات العيله ابتسمت لروحها في المرايه وكملت طريقها ع موسيقى هاديا لين وصلت لمكان امال وعيسى
ادم: شاف سيارتها... اهي راما وصلت
امال: وتوصل يعني شن
عيسى: امال
امال: انت متقولش اسمي نهائيا
عيسى: انتي الغلطانه مش انا
راما: ابدوا تعاركوا هي
امال: شن تبي منا
راما: عذابك
امال: عذابي اين عذاب تحكي عليه
راما: يلي حتشوفيه فيه في نفس الحوش يلي شفتيني فيه وانا نتعذب
امال: حاسدتيني ع العز يلي تربيت فيه
راما: وقفت.. شوفي انا متربيتش في عز بس درت عز لروحي وانتي عشتي في عز ومنفعش فيك
امال: خساره الاملاك يلي عندك
راما: تصدقي ان الاملاك ماقربت منهم شي وقاعدات نفس ما اهلي سيبوهن والفلوس يلي نلعب بيهن كلهم من تعبي
امال: تعرفي انتي لو ما اطلعيني توا تشوفي شن يصيرلك
راما: انتي توا اصلا حتطلعي وحتشوفي شن حيصيرلك انتي مش انا😂
امال: يتيمه وتضحك انتي يلي نفسك ماسك صلايه وتدعي لاهلها وتبكي
راما: اليتيم حرام يبكي ع اهله
امال: حرام؟؟ تعرفي الحرام انتي اصلا؟ ماتحكيش ع الحرام وانتي شعرك في الشارع
راما: ضحكت من قلبهاا.. انا صح شعري في الشارع زي ماتقولوا وعارفه ان شي هذا حرام بس الحمدلله جيت من يلي فاتحات شعرهن ومجيتش من يلي نزلت راس باتها وامها في الارض ولا يلي شرفها في الشارع
امال: سكرييي فمكككككك تعرفيي تسكتييي يحقيره
راما: ادم و منير جيبوهم ليا في السياره
ادم: سيارتك؟
راما: لا سيارتي اشرف منهم السياره الثانيه
ادم: تمام
راما: طلعت جلست في سيارتها واستنتهم
ادم: هي قدامي
امال: وين
ادم: مردش عليها سحبها من يدها وطلعها
امال: تبكيي.. يديي عيسى قولك حاجه كنك قعدت هكي
عيسى: شافلها وماحكش شي
منير: قدامي
عيسى: طلع بدون صوت
امال: ركبت السياره وتفكر ان صح عيسى معش يحبها نفس الاول بعد 3 سنين توا كيف ندمت بعد وصلت لليبيا وشافت منضر عيسى
ادم: راما نطلعو
راما: اها
ادم: حنتبعك
راما: تم
ادم: مشى للسياره ودار بيب لراما😂
راما: طلعت وادم وراها بس مقدرتش انها تمشي بدون ما تجري للاسف😂
ادم: يتصل بيها... ي انسه امشي بشويه
راما: مش متعوده
ادم: باهي وانا
راما: حوش جدي مزلت تذكر مكانه؟
ادم: اها
راما: خلاص امشيله هي
ادم: تمام. وسكر
راما: متحمسه ياربي كمل عليا فرحتي
بعد ساعه وصلوا راما وادم قدام الحوش طبعا مكان عيسى وامال في الضواحي مش في المدينه
راما: اصبر انت خليك ع الباب بعد نقول اسمك تدخل
ادم: ومنير: حاضر
امال: بمجرد ماشافت الحوش مرت عليها حياتها بكل التفاصيل.. عيسى
عيسى: هاا
امال: شن غيرك
عيسى: حتفهمي بعدين
امال: زعما يقتلونا
عيسى: مدخلنيش انا
امال: حتى انت كنت معايا
عيسى: بس هذي مش عيلتي وانا عيلتي تعلم بكل شي مش نفسك
ادم: راسي راه مش ناقصني
راما: دخلت الحوش.. اووو العيله ملتمه
موده: كنك حاسدتينا
راما: لا بس لمتكم ناقصه حبيت نضيف العيله كلها عشان صوت الضحك يعلى والجو يقعد حلو اكثر
أنت تقرأ
فتاة بخمسة عشر شخصيه(روايات ليبيه)
Fantasyروايتي بأسم {فتاة بخمسه عشر شخصيه} 🤍 اكيد نصدمتو من الاسم 😂 بس حتكون روايه بأحداث حلوه نبدو في التقديم🤍🤍 روايتنا الجديده تتكلم على بنت كانت ام قلب طيب وكانت رقيقه وااجد لدرجه ان على ابسط حاجه تصير دموعها ينزلو بسرعه حتى ع اتفه الحاجات وكانت دلوو...
