فتاة بخمـسه عشر شخصيه 🔥
الحلقه ﴿17﴾
في حوش راما ✨🌈
ساميه: تتصل بيونس.. الو
يونس: بصوت متوتر .. نعم
ساميه: لقيت احلام؟
يونس: لا يامي لا ملقيتهاش مفيش عليها اي اخبار حتى الجيران لما سألتهم نضرتهم ليا تغيرت
ساميه: متعدلش عليهم توا المهم مراتك وينها
يونس: منعرفش كان ماتكون هربت
ساميه: شن تهرب مرا كبيره راه عندها عيال وبنات كيف تهرب
يونس: مش عارفه معش عرفت شن ندير وكيف نتصرف والله حايس
ساميه: رن به رن عليها شوفها
يونس: مقفل
ساميه: لا حول ولاقوة الابالله العلي العظيم خلاص به كان سمعت عليها خبر رن عليا انا معش حنسالك عليها
يونس: تم.. سكرت
ساميه: لا حول الله شن المصيبه يلي نزلت فوق روسنا هذي
رهف: تبكي.. ماما وين مشت
رويدا: اسكتي اسكندر يتصل. الو
اسكندر: قولي لامي تفتح تلفونها نرن عليها من امبدري متردش
رويدا: ماما مختفيه ليها يومين
اسكندر: شن كك كيف كيف مختفيه وين راحت
رويدا:منعلمش بابا حايس يدور فيها نلقاهش
اسكندر: انا في مشرق مع الشباب خلاص سكري سكري حنروحو ونقلبوا عليها الدنيا
رويدا: تمام رد بالك من الطريق راه تريح حتى انت ونخسروك
اسكندر: الكلمه كسرت قلبه تغيرت نبرت صوته.. تمام حاضر ردي بالك من خواتك
رويدا: حست بيه.. تمام
رهف و هويدا يبكن
رويدا: تي خلااص بطلن بكا اكيد مشت لخالتي وفونها نفيش شحن والضي مقطوع بلاش بكا
ساميه: باتك دور ملقش ليها اي اثر
رويدا: يستر الله
راما: نازله تسندر ع الدروج.. كنكم نسمع فصوت بكا شن في
رهف: راماا وراسكك دوري ع ماما وراسكك
ساميه: مرت خالك مخطوفه وانتي رايقه
راما: شن تبيني ندير نقعمز ع عتبت الباب ونندب ونخرب وجهي عشان وحده نفسها
هويدا: راما غلطتي واجد راه
راما: امك معش في ليها اثر يعني.. نقصت صوتها شويه بحركه مستفزه.. استغفرالله
خلود: هااي احترمي نفسك مرت خونا شريفه
راما: هيهيي لاي بيت
سهام: تحسابيها نفس امك
راما: اي صح مش نفسها لان ماما عاشرتكم بس متعلمتش وسخكم
سميره: بتضربها كف
راما: مسكت يدها.. تؤتؤتؤتؤ يحلوه مش هكي التعامل.. ضغطت ع يدها وبرمتها ليها.. هكي عشان يدك تنكسر
سميره: بعدي من عليا ي...
راما: طلقتها.. يلي تحكي في الكلام هذا تعرف مستواها حشره مش عارفه كيف لمستك.. هياا عندي اجتماع سلام.. طلعت وشافت لاحمد عطاته امر لشي
احمد: نزل راسه بمعنى تمام
راما: ولعت سيارتها وطلعت اتصلت بأدم.. الو
ادم: نعم
راما: يلي قتلك عليه
ادم: من عيوني
راما: تم.. سكرت دماركم قريب ي عيلتي الكويسه
بنت الشريف 💗♕_
يونس: خالد
خالد: نعم
يونس: مشفتش احلام
خالد: لا ليش
يونس: مش باينه وتلفونها مقفل
خالد: معقوله
يونس: والله شوف مراتك بالك تكون قايلتلها وين بتمشي
خالد: تمام.. خش لحوشه
يونس: اففف من وين جتنا المشكله هذي توا.. اتصل بيه رقم رد طوول.. الو
أدم: انسى انك متزوج
يونس: من معايا وشن تحكي
ادم: مراتك هربت معايا وتوا قاعده معايا
يونس: كييف
ادم: تبيها تعال نتلاقو في مكان بعدين ع المنطقه
يونس: تمام وين
ادم: في ال..
يونس: تم.. سكر ومشى خذا سلاحه وطلع.. تبي فلوس وتقولي مراتك هربت معايا مش احلام يلي اديرها
ادم: راما اللون الاحمر
راما: امسك ديره ع جسمها ع دبشها ع كل شي
ادم: عيب متوصينيش
راما: تم دير جوك
ادم: جاب الابره
احلام: تبكي وتعيط.. ورااسك لاا شن بديرلي
ادم: ضربها كف.. تسكتي منسمعش صوته والا طلقه تنهي موضوعك
احلام: ليش هذا كله شن درتلك انا
راما: دخلت من الباب.. مدرتيلاش هوا درتيلي انا
احلام: تبكي.. مش حنروح صااح
راما: تضحك.. لا حتروحي بس مش بسهوله
احلام: اضربيني قصي شعري ديري اي شي بس مطلعيش هيا تهمه شرف
راما: لالا منوسخش يديا بدمك ولا بشعرك الشرف واعر ولانه واعره حتتعذبي منه
ادم: ضربلها الابره
احلام: غبشت الرؤيه عندها وطاحت ع الارض
ادم: خلي المفعول يمشي ونديرلها جوها
راما: انا بنطلع ريحني اه
ادم: متفكريش في شي امشي لمقابلتك وانتي متريحه
راما: تم.. طلعت ومشت طوول للمستشفى
ادم: قعد يديرلها في اللون الاحمر وقص جزء من ملابسها وشعرها خلاه وكان شعر لعبه مش انسانه 😂
♕بنت الشريف♕_
(راما في مقابله شغل ❤️🩹)
راما: السلام
المدير: وعليكم السلام تفضلي
راما: بشموخها ونضرتها متغيرش فيها شي جلست ع الكرسي
المدير: انتي من طرف المهدي ولالا
راما: نبي نشتغل ونقدم اوراقي بدون واسطه
المدير: تمام بس هوا قالي اقبلها عندك
أنت تقرأ
فتاة بخمسة عشر شخصيه(روايات ليبيه)
Fantasyروايتي بأسم {فتاة بخمسه عشر شخصيه} 🤍 اكيد نصدمتو من الاسم 😂 بس حتكون روايه بأحداث حلوه نبدو في التقديم🤍🤍 روايتنا الجديده تتكلم على بنت كانت ام قلب طيب وكانت رقيقه وااجد لدرجه ان على ابسط حاجه تصير دموعها ينزلو بسرعه حتى ع اتفه الحاجات وكانت دلوو...
